Kanzoinväline perehien päivy

On otettu Рувики-späi

Материалы библиотеки имени Б.Н. Ельцина

Library.png
Täs kirjutukses on käytetty materjualoi B. N. Jel'cinan nimizen prezidentan kirjaston fondoispäi
Ližiä tieduo
Learning.svg

B. N. Jel'cinan nimizen prezidentan kirjaston materjualat

Arrow-Right.png
Library.png
Täs kirjutukses on käytetty materjualoi B. N. Jel'cinan nimizen prezidentan kirjaston fondoispäi
Materjualoih
Kanzoinväline perehien päivy
Международный день семей, Эмблема.gif
Merkičys Pruazniekku on perustettu yhteiskunnan huomavon kiinittämizekse perehongelmih kogo mieros.
Pandih alguh 20. syvyskuudu vuvvennu 1993 (Piätös № A/REC/47/237)
Alguhpanii Yhtistynnyzien Kanzukundien Piäassamblei
Pietäh Kanzoinväline pruazniekku
Päivymiäry 15. oraskuudu

Kanzoinväline perehien päivy (toizil Yhtistynnyzien Kanzukundien kielil: kit. 国际家庭日, fran. Journée internationale des familles ) on kanzoinväline pruazniekku, kuduadu joga vuottu pietäh 15. oraskuudu vuvves 1994. Sen piätarkoituksii on kiinittiä yhteiskunnan huomavuo perehien ongelmih da pereharvoloin säilyttämizeh da lujendamizeh.

Histourii

8. pakkaskuudu vuvvennu 1989 Yhtistynnyzien Kanzukundien Piäassamblein 44. kerähmöl vuozi 1994 ilmoitettih Kanzoinvälizekse perehen vuvvekse, vuvven piäpidoloin tarkoituksii oldih yhteiskunnallis-talovehellizien da demogruafiiprocessoin tazon parandamine kogo mieron perehis (Piätös № A/REC/44/82)[1].

20. syvyskuudu vuvvennu 1993 Kanzoinvälizen perehen vuvven hantuzis Yhtistynnyzien Kanzukundien Piäassamblein 47. sessien 112. yhtehizel kerähmöl oli ilmoitettu Kanzoinvälizen perehien päivän piendäs (Piätös № A/REC/47/237, 15. pygäl)[1].

Tämän pruazniekan piendän ehoittajannu oli Yhtistynnyzien Kanzukundien piäsekretari Butros Butros-Gali[2].

  • Pruazniekan tarkoituksih kuuluu yhteiskunnan huomavon kiinittämine kogo mieron perehien erilazih ongelmih[1].

15. oraskuudu vuvvennu 1994 enzimästy kerdua piettih Kanzoinvälisty perehien päiviä.

Perindöt

Kanzoinväline perehien päivy -federacii on rauhan puolel kogo mieros, Ufa-linnu, vuozi 2010

Joga vuottu Kanzoinvälizen perehien päiväle annetah oma louzungu:

  • 1994 — Perehen luja merkičys ristikanzan kehitykses;
  • 1995 — Perehet: avain etnizen kilbailendan vastuamizeh da toizien kohti tirpandan kannatandah;
  • 1996 — Perehet — kurjuon da koittomuon enzimäzet žertvat;
  • 1997 — Uuzien perehien roindu hyvien partn’ouruvälien pohjal;
  • 1998 — Perehet: ristikanzan oigevuksien turvuamine da tiedoloin levittämine;
  • 1999 — Perehet eri-igäzih rahvahih niškoi;
  • 2000 — Perehet: kehityksen subjektat da hyvyönsuajat;
  • 2001 — Perehet da omatahtoine toimindu: yhteiskunnallizen yhtistämizen lujendamine;
  • 2002 — Perehet da vahnus — mahtot da tehtävät;
  • 2003 — Kanzoinvälizen perehien vuvven kymmenendeh vuozipäiväh varustandu da päivän pruaznuičendu;
  • 2004 — Kanzoinvälizen perehien vuvven kymmenes vuozipäivy: yhtehizen programman toimet;
  • 2005 — Ristikanzan tavvinvastuskadomisviirusan da AIDS -tavvin vaikutukset perehen hyvineländäh[3];
  • 2006 — Muuttujat perehet: vuadimukset da mahtot[3];
  • 2007 — Perehet da niistiet[3];
  • 2008 — Tuatat da perehet: toimivellat da vuadimukset;
  • 2009 — Muamat da perehet: muuttujan mieron vuadimukset;
  • 2010 — Rahvahan siirron vaikutus perehih kaikes mieros;
  • 2011 — Vähävarazien, köyhien perehien ongelmien da sociualizen eroitandan ongelmien sellitändy;
  • 2012 — Ruandan da perehtoimivelloin keskiarvozen balansan azumine/hommuamine perehien dai yhteiskunnan hyväkse;
  • 2013 — Avvutandu sociualizele integraciele da sugupolvien kannatus-da yhtesruadoloile;
  • 2014 — Perehien piärouli kehitystehtävien täyttämizes; Kanzoinväline perehen vuozi +20;
  • 2015 — Ollahgo miehet vastuollizet? Sugupuolien samanarvožus da lapsien oigevukset nygözis perehis;
  • 2016 — Perehet, terveh eländytaba da pyzyi tuliiaigu[4];
  • 2017 — Pereh, opastus da hyvineländy;
  • 2018 — Pereh da inkl’uziivine yhteiskundu;
  • 2019 — Perehet da toimet ilmaston muuttumistu vastah;
  • 2020 — Kehittyjät perehet: Kopengagen da Pekin +25 (Loittuolpäi -formuattu COVID-19-pandemien periä[5];
  • 2021 — Perehet da uvvet tehnolougiet[5];
  • 2022 — Perehet da urbanizacii[5];
  • 2023 — Perehet da demogruafien muutokset[5];
  • 2024 — Perehien hyvineländy da ilmaston muuttumine[5].

Joga vuottu sinäpiän hyväksytyn louzungan mugah jullatah Yhtistynnyzien Kanzukundien piäsekretarin sanat kogo mieron rahvahile.

"Minä kučun hallicuksii, kauppulaitoksii, sociualuinstituuttoi da toizii partn’ouroi tunnustamah, gu huolenpido lähimäzis on perehen ylen tärgei oza. Jogahizel ristikanzal ollah moizet aijat, konzu hänel pidäy olla peren huomavo da abu. Pidäy azuo muga, gu kaikil olis mahto pidiä huoldu, konzu rodieu moine aigu da hädä. Tänäpäi, kanzoinvälizenny perehien päivänny, tahtozin, gu myö piätämmö piästa pyzyvän kehityksen hyvih tuloksih hyvien ololoin vuoh. Gu jogahine perehenhengi, igäh huolimattah, vois todevuttua omat voimat da voindat meijän mieron kehityksen hyväkse", Yhtistynnyzien Kanzukundien piäsekretari Pan Gi Mun vuvvennu 2016[6].

Kanzoinvälisty perehien päiviä levieh ezitetäh erilazet joukkoviestimet.

Pruazniekkupivot

Ven'al, Moskovan -linnas, Kremlis joga vuottu pietäh pruazniekkuseremounieloi, Ven’an Pereh -palkičendupiduo. Sil pani allun alovehienväline yhteiskunnalline ven. Здоровье и духовность нации -hyvyönluadii fondu. Vahnembien kunnivon -kunnivomerkil palkitah lapsekkahii perehii sego annetah Muamo-urhonaine -arvonimi[3][7][8].

Lapset tuldih Kanzoinvälizen perehien päivän pruzniekkupidoh. Vuozi 2024

Vuvvennu 2008 Moskovas Vasiljevskoin Spuskal järjestettih Elävy syväin -fleš-mobu " (2008 lastu da aigustu rahvastu muan 28 linnaspäi otettihes käzi kädeh da seizatuttih syväinmuodozeh kruugah)[3].

Vuvves 2016 joga vuottu pietäh Kogo Ven’an Vuvven pereh -kilbua, kuduan järjestetäh Ven’an Federcien Ruavon ministerstvu da Lapsien kannatusfondu. Pietähgi moizii pidoloi: konsertoi, erilazii pihapidoloi, fleš-moboi[9][10].

Ven’an monis linnois pietäh konsertoi, festivualiloi, konferensieloi, kinoloin kačonduillaččuloi, hyvyönluadijoin akcieloi. Pietäh moizii vastavuksii, kunne tullah molodoloin puarat, kuduat jo äijän vuottu eletäh yhtes da voijah sanella omis elaijan aigua suadulois nerolois. Järjestetähgi opastuksii nuorile, vastezavodijoile, perehile. Kirjastolois pietäh muasterioppiloi, kižoi, kilboi da tiedokilboi, luajitah perehen arvoloile da perindölöile omistettuloi temuattizii kirjuozutteluloi[11].

Joukkoviestimis painetah perehen kyzymyksii koskijoi kirjutuksii[11].

"Kanzoinväline perehien päivy", Kišin’ov, Moldova, vuozi 2015.

Vuvvennu 2020 COVID-19 -pandemien periä Perehien päivän pidoloi piettih loittuolpäi, onlain-formuatas[11].

Vuvvennu 2024 Amierikan Yhtysvallois pruazniekkupäivän nimeh piettih moizet pivot[1]:

  • Alovehellizien pidoloin lopputuloksien ezitykset, rahvahanyhteiskunnan ehoitukset, interaktiivine paginanpiendy, kudai koski perehpoliitiekkua ilmaston muuttumistu vastah. Sil ezitettih kaksi ven. Изменение климата и семьи da ven. Дом, семья и изменение климата- nimisty julgavuo.

Latinan Ameriekas[ru] pietäh kanzallizii festivualiloi, hyvyönluadijoi akcieloi[9].

Afriekas järjestetäh kul’tuurupidoloi suurih joukkoloih nähte, eriluaduzii programmoi, kudamien kauti suajah abuu lapsekkahat da vähävarazet perehet[9].

Huomavukset

  1. ↑ 1 2 3 4 Nations, United. Международный день семей | Организация Объединенных Наций, United Nations. Дата обращения: 2 sulakuudu 2025.
  2. ↑ Международный день семей 2025: какого числа, история и традиции праздника. Дата обращения: 2 sulakuudu 2025.
  3. ↑ 1 2 3 4 5 Международный день семьи: история и традиции. Справка, РИА Новости (20080515T1431). Дата обращения: 2 sulakuudu 2025.
  4. ↑ Международный день семей (15 мая) (рус.). web.archive.org. Kačondan päivymiäry: 2. sulakuudu 2025.
  5. ↑ 1 2 3 4 5 Международный день семей. Когда отмечают и в чем суть, РБК Life. Дата обращения: 2 sulakuudu 2025.
  6. ↑ Генеральный секретарь ООН Пан Ги Мун (рус.). web.archive.org. Kačondan päivymiäry: 2. sulakuudu 2025.
  7. ↑ 15 мая – Международный день семьи. cgon.rospotrebnadzor.ru (2018). Kačondan päivymiäry: 2. sulakuudu 2025.
  8. ↑ Админ. Как россияне отмечают Международный день семьи: история события, символика эмблемы и традиции празднования., Фонд Социального Развития «Народный Фонд Родина» (14 oraskuudu 2024). Дата обращения: 2 sulakuudu 2025.
  9. ↑ 1 2 3 Нойман, Артём. Международный день семей в 2025 году: как празднуют в России и других странах, ВФокусе Mail (27 kevätkuudu 2025). Дата обращения: 2 sulakuudu 2025.
  10. ↑ Международный день семей 2025: дата, история, традиции праздника, Lenta.RU. Дата обращения: 2 sulakuudu 2025.
  11. ↑ 1 2 3 Светачева, У. Международный день семей в 2025 году: история и традиции праздника. Комсомольская правда (2024). Kačondan päivymiäry: 25. sulakuudu 2025.

Kirjalližus

  • Байбурина, Л. М. и др. Взаимоотношения дошкольной образовательной организации и семьи // Современные научные исследования: актуальные вопросы, достижения и инновации. — 2019.
  • Никитина, Д. В. Клубная работа и волонтёрская деятельность как направления социально-профилактической работы с семьей и детьми // Молодёжная наука — первый шаг в науку большую. — 2022. — С. 238—243.

Linkat

Lähteh - "https://olo.ruwiki.ru/w/index.php?title=Kanzoinväline_perehien_päivy&oldid=126209041"