Lazarin ylähnouzemizen kirikkö

Lazarin ylähnouzemizen kirikkö
	Pravosluavine kirikkö
Lazarin ylähnouzemizen kirikkö
	62°03′58″ с. ш. 35°13′32″ в. д.GЯO
Mua	Ven'anmua
Sijoittumine	Karjalan tazavaldu
Jeparhii	Petroskoin jeparhii
Perustai	Muuroman Lazari
Perustandan päivymiäry	XIV
Stuatussu	ОКН № 1010021062№ 1010021062
	Медиафайлы на РУВИКИ.Медиа

Lazarin ylähnouzemizen kirikkö (ven. Церковь Воскрешения Лазаря) on pravosluavine kirikkö Kižin suarel Karjalan tazavallas. On Kiži-muzei-zapodevniekan Oniegantagavozen ven’alazet -ozastos. Yhtes Borodava-kyläs olijan Rizan kirikönke on Ven'an vahnimii säilynyzii puukirikkölöi. Kuuluu Spuasan da Kižin kirikkömualoih.

Histourii

Tarinan mugah kirikön nosti Muuroman manasterin (ven.) (olo. alguhpanii prepodobnoi Muuroman Lazari (ven.) (olo. XIV vuozisuan toizel puoliškol^[1]. Prepodobnoi Lazari kuoli 104-vuodizennu vuvvennu 1391, händy pandih muah kirikön altarin luo. Vuvvennu 1811 hänen kalmale azuttih časounu^[2]. Tiedotutkimuksien mugah kirikkö on XIV—XVI vuozisualoin aigaine. Toizen versien mugah XIV vuozisual nostettih piä- da altarihuonukset, a karkassuseinät liitettih XVI vuozisual^[1]. Kižin-muzei-zapodevniekan verkosivustol nostanduaijannu mainitah XV vuozisadua^[3].

Aijan mendyy Muuroman manasteris nostettih Uspen'n'an kirikkö da Ioannan kirikkö, a Lazarin ylähnouzemizen kirikkö jäi kalmužimale. XV vuozisuan puolivälis mainitah, ku igumen Afanasii, prepodobnoin Lazarin ruavon jatkai, "ei ole pandu muah ylähnouzemizen kirikön luo, a manasteris"^[2].

Kirikös mainitah Jurii Saburovan vuvven 1496, Andrei Pleščejevan vuvven 1583, kniäzi Iivan Dolgorukoin da podjačnoin Posnikan Rakovan vuvven 1628 verokniigois. Jälgimäzekse mainitus verokniigas on kirjutettu, ku kirikkö on kletinluaduine da enzikerdua sie kuvatah sen syväinpuoldu: "Kirikös on obrazua: Lazarin ylähnouzemizen obrazu mualoil; Odigitrija Jumaldoman obrazu mualal; Dejisus da tsuarinveriät da senčoi da paččahat mualal; da altaris valduistumen tagan on Odigitrija Jumaldoman obrazu, a toizes puoles on Pyhän Čuvvonluadijan Miikulan obrazu mualal; kannettavu ristu mualal; inditja da pokrovu"^[2].

Vuvvennu 1788 manasteri loppi ruavon, ku sen huonukset oldih lahonnuot, a kirikkölöi piettih prihodan kirikkölöinny. Vuvvennu 1867 manasteri elävytettih I. I. Malokrošečnoin (ven.) (olo. alguhpanos. Vuvvennu 1875 Lazarin ylähnouzemizen kirikös ymbäri luajittih aidu. Vuozinnu 1870 arhitektoru L. V. Dal' miäräi kirikön da luadi sen pohjukuavat. Vuozinnu 1880 kirikkö pandih časounu-futl’arah, muutettih ikonostuassu, riičittih pritvoru. Vuvvennu 1918 Nevvostoliiton vallasolijat salvattih manasteri, a sen omažus kiškottih^[2].

Vuvvennu 1954 O. V. Opolovnikov valmisti kirikön restauraciimakietan. Vuvvennu 1959 se riičittih da viettih Kiži-muzei-zapovedniekkah. Pitkyaigazes futl’aras olendas se rubei homehtumah. Hapannuot parret vaihtettih, a pritvoru luajittih L. V. Dal’an pohjukuavoin mugah^[2].

Säilytysruavot

Год	Luajitut ruavot^[4]
1960	On tuodu Kižin suarele.
1961	On elävytetty da vaihtettu pahat ozat.
1975	Himkonservacii
2005—2006	Alustoin restrauracii, salvoksen oijendamine, levon, kirkköpiälöin ristoinneh restauracii, huabulastuzien valmistamine da azettamine barabuanale, barabuanan huabulastuzil piälystämine; jyryssuojelun elävyttämine; pritvoran veriän lukun valmistamine da azettamine säilynyzien jälgilöin da anualogoin mugah.
2016	Krinčoin kohendamine

Arhitektuuru

Kirikköh kuuluu kolme erisuurustu klettiozua. Se on nostettu pedäjäs da huavas. Seinät on salvettu^[3]. Kirikön piduhus on 8,8 metrii; senčoin levevys on 3,6 metrii, keskikletin levevys on 3 metrii, altarin — 2,25 metrii; senčoin korgevus on 4,2 metrii, keskikletin — 5,4 metrii, altarin — 4,1 metrii; korgevus yhtes ristanke on 7,1 metrii^[2]. Kirikön piähuonus on salvettu pedäiparzilois, kudamat ollah diametras 18—22 santimetrua^[1].

Huomavukset

↑ ¹ ² ³ Церковь воскрешения Лазаря – один из древнейших памятников русской деревянной храмовой архитектуры // Традиционная культура русских Заонежья (неопр.). kizhi.karelia.ru. Музей-заповедник «Кижи» (2018). Kačondan päivymiäry: 8. elokuudu 2025.
↑ ¹ ² ³ ⁴ ⁵ ⁶ Гущина В.А. Церковь Воскрешения Лазаря (из бывшего Муромского монастыря Пудожского района) // Традиционная культура русских Заонежья (материалы методического кабинета экскурсионного отдела) (неопр.). kizhi.karelia.ru. Музей-заповедник «Кижи». Kačondan päivymiäry: 8. elokuudu 2025.
↑ ¹ ² Церковь Воскрешения Лазаря из Муромского монастыря (неопр.). kizhi.karelia.ru. Музей-заповедник «Кижи». Kačondan päivymiäry: 8. elokuudu 2025.
↑ Работы по сохранению памятников: Церковь Воскрешения Лазаря (неопр.). kizhi.karelia.ru. Музей-заповедник «Кижи». Kačondan päivymiäry: 8. elokuudu 2025.

[kizhi-1] ¹ ² ³ Церковь воскрешения Лазаря – один из древнейших памятников русской деревянной храмовой архитектуры // Традиционная культура русских Заонежья (неопр.). kizhi.karelia.ru. Музей-заповедник «Кижи» (2018). Kačondan päivymiäry: 8. elokuudu 2025.

[Гущина-2] ¹ ² ³ ⁴ ⁵ ⁶ Гущина В.А. Церковь Воскрешения Лазаря (из бывшего Муромского монастыря Пудожского района) // Традиционная культура русских Заонежья (материалы методического кабинета экскурсионного отдела) (неопр.). kizhi.karelia.ru. Музей-заповедник «Кижи». Kačondan päivymiäry: 8. elokuudu 2025.

[kizhi2-3] ¹ ² Церковь Воскрешения Лазаря из Муромского монастыря (неопр.). kizhi.karelia.ru. Музей-заповедник «Кижи». Kačondan päivymiäry: 8. elokuudu 2025.

[kizhi3-4] Работы по сохранению памятников: Церковь Воскрешения Лазаря (неопр.). kizhi.karelia.ru. Музей-заповедник «Кижи». Kačondan päivymiäry: 8. elokuudu 2025.

[1]

[2]

[3]

[4]