Muailman arhitektuuran päivy
| Muailman arhitektuuran päivy | |
|---|---|
 Arhitektoru (vuozi 1893) | |
| Tiippu | Ammatilline pruazniekku |
| Toizin | Arhitektoran päivy |
| Pandih alguh | Kanzoinväline arhitektoroin liitto |
| Pietäh | Muailmas |
| Piendy | Joga vuottu, ligakuun enzimäzenny enzimässargen |
| Perindöt | Kaikenluaduzet pruazniekkupivot |
 Медиафайлы на РУВИКИ.Медиа | |
Muailman arhitektuuran päivy (angl. World Day of Architecture[1]) on kanzoinväline arhitektoroin ammatilline da arhitektuuran tevoksien ihailijoin pruazniekku, kudamua joga vuottu pietäh ligakuun enzimäzenny enzimässargen.
Histourii
Syvyskuul vuvvennu 1946 Yhtistynnyön Kuningaskunnan piälinnas Londonas piettih arhitektoroin nevvottelu, sie oli deleguattua Nevvostoliitospäigi. Sil istundol läs yksimielizesti piätettih luadie uuzi yhtistys, kudaman nimekse rodih Kanzoinväline arhitektoroin liitto. Täl aigua Kanzoinvälizes arhitektoroin liitos on läs sadua kanzallistu ozastuo, niilöin ozanottajinnu on enämbi miljonua arhitektorua muailman eri mualoispäi[2].
Läs nellikymmen vuottu mendyy, vuvvennu 1985ä Kanzoinvälizen arhitektoroin liiton istundol piätettih pidiä Muailman arhitektoran päiviä heinykuun enzimäzenny enzimässargen. Ga vuvvennu 1996 Ispuanien linnas Barselonas Kanzoinvälizen arhitektoroin liiton 20. Piäassambleis piätettih siirdiä Muailman arhitektoran päivy ligakuun enzimäzekse enzimässsargekse — päiväkse, konzu Yhtistynnyzien Kanzukundien suojeltavannu pietäh Muailman eländypaikan päiviä (Muailman Habitat-päivy).
Muailman arhitektuuran päiväl on jo omua perindyö: sinäpiän kogo muailman arhitektorat kerävytäh konferensieloile, simpouziumoile da fourumoile, kus sanellah omii neroloi, paistah rakenduksien srojindan da restavracien ongelmis, pietäh temuattizii mielenvaihtopaginoi. Puaksuh sinäpiän luajitah eriluaduzii ozutteluloi da ekskursieloi.
Piendy Ven'al
Ven'an Federacien piämiehen vuvven 2010 ligakuun 7. päivän käskyn № 1099 ven. «О мерах по совершенствованию государственной наградной системы Российской Федерации» mugah pruazniekkua enne kerran vuvves Ven'an Federacien piämies piästäy ilmah käskyn Ven'an Federacien arvostettu arhitektoru -arvonimen annandas.
Moskovu
Vuvves 2008 Moskovas pietäh Arhitektuuran päivät - festivualii. Sidä pietäh kaksi kerdua vuvves — ligakuul (sovitetah Muailman arhitektuuran päiväkse) da sulakuul. Arhitektuuran päivien pidoloih kuulutah ekskursiet jallai, avtoubusoil da pyöril nygyaigazen arhitektuuran da nevvsotoaijan rakenduksii myöte, uuzih objektoih käyndät yhtes arhitektoroin da tiluajienke, käyndät arhitektoroin ruadopajoih, taidoakciet, luvendot da meilenvaihtopaginat, pivot, kudamis ečitäh vahnan da uvven arhitektuuran vuorovaikutustu da toizet. Festivualin luadijannu on P-Arch-agenstvu, kuruattoroinnu — Aleksandr Zmeul da Natalija Aleksejeva.
Nižnii Novgorod
Muailman arhitektoran päiviä pietäh Nižnii Novgorod -linnas vuvves 2006 algajen. Juuri tämän linnan eläjät roittih enzimäzet muas, ket luajittih festivualin pruazniekan nimeh. Festivualin alguhpanijannu da kuruattorannu on Marina Ignatuško. Festivualin programmah kuulutah ozuttelut, luvendot, akciet, ekskursiet. Festivualin alallizinnu partn'ouroinnu ollah Ven'an arhitektoroin liiton Nižnii Novgorod -linnan yhtistys, laitos "U-kon", Nygyaigazen taijon valdivokeskuksen Volgarannikon ozasto, arhitektuurub'uro ven. «О’город», Sergei Tumaninan gallerei, taidoilijoin joukko А3, avvonaine tila ven. «Циферблат».
Jekaterinburgu
Jekaterinburgas Muailman arhitektuuran päiviä pidäy vuvves 2011 algajen TATLIN-julguamo. Se menöy arhitektoroin ilopivon luonnol hantuzis heinykuun enzimäzenny enzimässargen. Piendän tärgielöi ozii on arhitektuuran mielii ozuttai ozuttelu. Arhitektorat sežo kižatah gr'uuhah, syvväh pastettuu lihua da pietäh iluo luonnol.
Muailman arhitektuuran päivän tiemat
Joga vuottu pruazniekal on oma arhitektuurah liittyi tiemu:
- 2007 — "Linnat — toivon magnietat" (angl. Cities, magnets of hope)
- 2008, 6. ligakuudu — omistettih tundietun arhitektoran, Kanzoinvälizen arhitektoroin liiton varapiämiehele Džankarlo Jusan mustole, häi kuoli 4. heinykuudu vuvvennu 2005[3]. Pruazniekan tunnussanoikse rodih rivi "Child be the Architect of a better future" (Lapsi, kazva parahan tulien aijan arhitektorakse libo "Lapsen pagin arhitektoranke") pajospäi, kudamah Džankarlo kirjutti sanat.
- 2009 — "Arhitektoran energii — muailman kriizissua vastah"[4]
- 2011, 3. ligakuudu — "Arhitektuuru da ristikanzan oigevukset"[5]
- 2012 — "Arhitektorat — linnoin uvvistajat"[6] (angl. Architects are city changers)[7]
- 2015 — "Arhitektuuru, srojindu, ilmasto Ruavot da niilöin ruandu"[8]
Huomavukset
- ↑ World Day of Architecture — Message from the UIA President Arhiivukoupii 3 pakkaskuudu 2014 Wayback Machine
- ↑ The International Union of Architects (UIA) Arhiivukoupii 1 oraskuudu 2013 Wayback Machine
- ↑ International Union of Architects vice president Giancarlo Ius dies Arhiivukoupii 12 syvyskuudu 2015 Wayback Machine
- ↑ Бюллетень МСА №9 2009 г. Kačondan päivymiäry: 26. oraskuudu 2010. Arhiviiruittu originualaspäi 24. tuhukuudu 2010
- ↑ Союз архитекторов России | Всемирный день архитектуры. Kačondan päivymiäry: 9. tuhukuudu 2012. Arhiviiruittu 29. oraskuudu 2012
- ↑ "Архитекторы — реформаторы городов", Союз архитекторов России, 2012. Kačondan päivymiäry: 1. heinykuudu 2013. Arhiviiruittu 14. ligakuudu 2013
- ↑ World Day of Architecture Architects are city changers, UIA, 2012 Arhiivukoupii 14 oraskuudu 2013 Wayback Machine
- ↑ 2015 год на сайте агентства союзов архитекторов. Kačondan päivymiäry: 16. kylmykuudu 2015. Arhiviiruittu 10. sulakuudu 2022
Kačo ližäkse
- Kirvesmiehen päivy — sidä pietäh Ven'al Nevvostoliiton aijas elokuun toizennu pyhänpiän.
- Muailman modernan päivy — pietäh joga vuottu 10. kezäkuudu vuvves 2013 algajen.