Muailman mustutukkunaizien päivy
| Muailman mustutukkunaizien päivy | |
|---|---|
 | |
| Tiippu | Ei-virralline pruazniekku |
| Toizin | Mustutukkunaizien päivy |
| Merkičys | mustutukkunaizien kaunehuon da individualižuon merkičendy |
| Pietäh | ymbäri muailmua |
| Päivymiäry | 28. oraskuudu vuvvennu 2006 |
| Piendy | joga vuottu, 28. oraskuudu |
Muailman mustutukkunaizien päivy (ven. Всеми́рный день брюне́ток) on kaikkien mustutukkazien naizien ei-virralline pruazniekku, kudamua pietäh oraskuun 28. päivänny.
Pruazniekan histourii
Mustutukkunaizien päiviä pietäh joga vuottu 28. oraskuudu, sil ei ole virallizen pruazniekan stuatussua[1]. Päivy rodih vuvvennu 2006 vaihtovariantannu "Muailman valgeipiänaizien päiväle". Päivän perustajua ei tietä[2].
Pruazniekkupivot
Ven'al sinäpiän pietäh temuattizii illaččuloi, kaunehuskilboi da flešmoboi. Monet kompuaniet käytetäh pruazniekkua rekluamuakcieloih laukois da kluubis. А parikmuaherat taritah erialendustu mustien tukkien hoidoh.
28. oraskuudu erähät läpettäjät žurnualat pietäh omii palkičuspidoloi, kudamien aigua juatah palkindoloi čomimile da lykykkähimile mustutukkunaizile[3].
Mustutukkunaizet kerävytäh tyttöpidoloih da pruaznuijah päiviä koufeilois da buarois. Sociualuverkolois työnnelläh toine toizele vesselii hyvittelyrunoloi da kartočkoi, otetah vastah virtualizii lahjoi miehispäi.
Amierikan Yhtysvallois da Jevroupan mualois Muailman mustutukkunaizien päiviä puaksumbah pietäh sociualuverkolois — käyttäjät työtäh fotokuvii, luajitah jumorististu kuvua, nenga hyö hyvitelläh toine tostu[4].
Japounies da Suvi-Koreis, kus tukkien luonnolline väri on mustu, päivy ei mene huomuamattah, enne kaikkie nuorien keskes: blogguajat järjestetäh "kuvapäivii" da juatah tukkien hoidoh pädijöi hyövyllizii nevvoloi[5].
Mustutukkazis
ven. Брюнетка-sana tuli francien kielen brunette-sanas — brun-sanan deminutiivizes muvvos, kudai merkiččöy "maksankarvastu värii". Mustien tukkien geenu on halliččii. Suurimal ozal Muan eläjis (se läs 70 %) ollah mustat tukat.
Mustat tukat ozutetahes turbiembikse. Sendähgi tukkienpezo- da pričoskunavedinduainehien rekluamoih niškoi puaksumah kuvatah mustutukkunaizii.
Mallii da kuulužua rahvastu mustien tukkienke puaksumbi toizii kučutah juveliiručomenduksien da toizien l’uksusegmentan tavaroin rekluamah. Toinah se johtuu sit, gu kallisarvozet metallat da kirkahat kivet eritabah tunnutah mustutukkazil rahvahil.
Kinos mustutukkunaizet puaksumbahgi ezitytytäh "houkuttelijoin naizien" roulilois. Vuvvennu 1946 ekruanoile piäzi nuar-lajin ven. Убийцы-fil’mu, kudamas "muanittelijan naizen" ozutti Ava Gardner, händy myöhembi sanottih yhtekse kinohistourien čomimis naizis. Vuozinnu 1990 hänen sijale tuli vie yksi mustutukkunaine — Monika Bellučči. Vuvvennu 2000 Malena-fil’man piästyy kinoartistu tunnustettih vuozikymmenen seksikkähimäkse naizekse[6][7].
Huomavukset
- ↑ 28 мая отмечается Всемирный День брюнеток. mk.ru. Московский комсомолец] (28. oraskuudu 2024). Kačondan päivymiäry: 10. kylmykuudu 2025.
- ↑ 28 мая отмечается Всемирный День брюнеток. mk.ru. Kačondan päivymiäry: 10. kylmykuudu 2025.
- ↑ День брюнеток в 2025 в России: дата, история праздника брюнеток. astromeridian.ru. Kačondan päivymiäry: 10. kylmykuudu 2025.
- ↑ День брюнеток в США в 2025 году. Dayspedia.com. Kačondan päivymiäry: 10. kylmykuudu 2025.
- ↑ Ульяна Светачева. День брюнеток 2025: какого числа, история и традиции всемирного праздника, Комсомольская правда. Kačondan päivymiäry: 10. kylmykuudu 2025.
- ↑ 28 мая — Всемирный день брюнеток. Интересные факты о «темненьких», Пятый канал (28 oraskuudu 2022). Kačondan päivymiäry: 10. kylmykuudu 2025.
- ↑ Дарья Любимская. Почему количество блондинов на Земле уменьшается - Русская семерка. russian7.ru. Русская семёрка. Kačondan päivymiäry: 10. kylmykuudu 2025.