Muailman ruadivon päivy

On otettu Рувики-späi
Muailman ruadivon päivy
Girl listening to radio.gif
Tiippu Kanzoinväline
Toizin World Radio Day
Sežo WRD
Pandih alguh UNESCO
Pietäh Yhtistynnyzien Kanzukundien ozanottaimuat
Päivymiäry 13. tuhukuudu
Piendy joga vuottu 13. tuhukuudu
Логотип РУВИКИ.Медиа Медиафайлы на РУВИКИ.Медиа

Muailman ruadivon päivy (ven. Всеми́рный день ра́дио, angl. World Radio Day, aruab. اليوم العالمي للإذاعة, isp Día Mundial de la Radio, fran. Le jour mondial de la radio) on Yhtistynnyzien Kanzukundien virralline pruazniekku, kuduan perustamizes 19. ligakuudu vuvvennu 2011 ilmoitti UNESCON Piäkonferensii. Jogavuodehistu pruazniekkua pietäh 13. tuhukuudu vuvves 2012 lähtijen.

Histourii

Muailman ruadivon päivän perustamizen ajatus tuli mieleh Ispuanien ruadivoakadiemien piämiehele Horhe Al’varesale. Pakkaskuus vuvvennu 2008 hänen idein kannatti UNESCON piäjohtai Koitiro Macuura.

19. ligakuudu vuvvennu 2011 UNESCON Piäkonferensii piätöksel 36 C/63[1] ilmoitti tuhukuun 13. päivän Muailman ruadivon päiväkse. Sinäpiän vuvvennu 1946 Yhtistynnyöt Kanzukunnat -yhtistys perusti YK:n ruadivon  (ven.) (olo.. Allus lähtijen päivän piendän ehoitus tuli UNESCON tyves alalleh ruadajas Ispuanien delegaciespäi[2][3].

Jällel vuvves 2012 lähtijen Ispuanien ruadivoakadiemii oppi suaja menemäh edehpäi Muailman ruadivon päivän kanzoinvälizen komitietan perustamizen ehoitustu tämän päivän jogavuodehizen piendän idein nostattamizekse, da sen kauti ruadivon, tiijonandovälinehen, arvon ližiämizekse[4].

14. pakkaskuudu vuvvennu 2013 Yhtistynnyzien Kanzukundien Piäassamblei virrallizesti hyväksyi Muailman ruadivon päivän julgisanoman. YK:n 67. istundol hyväksyttih rezol’ucii UNESCON Piäkonferensien 36. kerähmös, kudai ilmoitti tuhukuun 13. päivän Muailman ruadivon päiväkse. Alguhpano mugaže tuli Ispuanien kuningaskunnaspäi, sen šeikkuittavakse nostettih Ispuanien alallizet ezittäjät Yhtistynnyzis Kanzukunnis[5].

Pruazniekan roindu

Pruazniekku rodih 19. ligakuudu vuvvennu 2011 UNESCON Piäkonferensien piätökses[1]. 14. pakkaskuudu vuvvennu 2013 sen virrallizesti hyväksyi Yhtistynnyzien Kanzukundien Piäassamblei. Päivän perustamizen ehoitus tuli Ispuanien kunningaskunnaspäi, sen ezitettih sen alallizet ezittäjät Yhtistynnyzis Kanzukunnis[5]. Ven'al Muailman ruadivon päivän sijas puaksumbah pietäh Ruadivon päiviä.

Enzimäine Muailman ruadivon päivy

Yhtistynnyös Kuningaskunnas

Enzimäzen Muailman ruadivon päivän kunnivokse vuvvennu 2012 Lifeline Energy, Frontline SMS, SOAS Radio da Empower house -yhtistykset piettih Londonas semunuaran. Päivännouzupuolizien da afriekkalazien tutkimusškolien rahvas liityttih ruadivotehniekan harjaittelijoin, opastajien da tehniellizien azientiedäjien joukkoh käzittelemäh keinoloi, kudamien avul ruadivo piäzöy loittozimih, vaigiehpiästävimih da suojattovimih yhtevyksissäh[6]. Paginoin pidäjien keskes oldih Gai Berger (joukkoviestimien sananvällyön da kehityksen ozaston johtai UNESCOS), douhturi Čege Gitiora (Afriekkalazien tutkimuskeskuksien johtai Päivännouzupuolizis da afriekkalazis tutkimusškolis), Bridžit Jallov (Empower house / Panos London), Emi О’Donnell (FrontlineSMS: Ruadivo), Karlos Čirinos (Päivännouzupuolizien da afriekkalazien tutkimusškolien Ruadivo) da Linje Manjozo (LSE). Ohjai paginoi L’usi Duran (Päivännouzupuolizet da afriekkalazet tutkimusškolat, BBC Ruadivo 3, Human Planet).

Itualies

Avvonaine toimenpido Muailman ruadivon päivän kunnivokse piettih Pizan yliopistos  (ven.) (olo. (Itualii) 13. tuhukuudu vuvvennu 2012. Järjestettih sen Italruadivo sego Tehniekan da tiedoliikkehen tiedokundu. Pido keskityi ruadivon hinnan da sen helpon käytön kyzymyksih tiijonlähtönny.

Ispuanies

Vuvvennu 2012 Barcelonas (Ispuanii) 21. tuhukuudu Katalounien Tiedoliikehinženieroin yhtymän alguhpanos Muailman ruadivon päivän nimeh piettih avvonaine toimenpido. Se järjestettih Katalounien halličuksen kannatuksel. Piätapahtumakse rodih joukkomielenvaihtopagin tiemas "Globuallizemban da kilbailukygyzembän ruadivon puoles"[7].

Jevrpupan liitos

Šveicuaries Jevroupan yleisruadivoliitto järjesti "Digitualizen ruadivonedälin" (angl. Digital Radio Week). Tehniellizien pidoloin sarju algavui 3. tuhukuudu vuvvennu 2012, sih otettih ozua tärgevimät ruadivon kaikile yhtenmugazekse luadijat yhtistykset: DRM Consortium, WorldDMB da RadioDNS. Siegi oli ezitetty paikalline lähetys DAB+  (ven.) (olo. -formuatas, kudai ozutti mahton "demokruatizoija" lähetykset ilmazil ruadovehkehil.

Bangladešas

Bangladešas ei-halličukselline Bangladesh NGOs Network for Radio and Communication -yhtistys avvuttau Muailman ruadivon pruazniekkupäivän piendiä 13. tuhukuudu yhtes valdivollizien, kaupallizien da yhteiskunnallizien ruadivoloinke paikallizel da kanzallizel tazol. Täh tarkoitukseh niškoi muas perustettih Muailman ruadivon päivän Kanzalline komitiettu.

Toimenpivot

Muailman ruadivon päivän kunnivokse UNESCO kehoittau pidämäh tapahtumua, kudamien tehtävih kuuluu ruadivokeskuksien keskinäzien välilöin kehittämine. Järjestiä pagizutteluloi, luvendoloi, ezityksii da muudu ruadivon kehitysty koskijoi pidoloi[8]. Ezimerkikse, vuvvennu 2025 UNESCOS nostettih ezile 13 idiedy, kui pidiä Muailman ruadivon päiviä[9]. Joga vuottu UNESCO ezittäy tieman ruadivoazemile pruazniekkupäivänny paistavakse.

UNESCON Muailman ruadivon päivän tiemat

Vuozi Tiemu
2025 Ruadivo da ilmaston muuttumine
2024 Ruadivo: Tiijon, iloituksen da opastumizen vuozisada
2023 Ruadivo da muailmu
2022 Ruadivo da luоttamus
2021 Uuzi miero, uuzi ruadivo
2020 Eriluadužus
2019 Vuoropagin, vuadimattomus da rauhu
2018 Ruadivo da sportu
2017 Ruadivo se olet sinä
2016 Ruadivo katastrouffoin da hädätilandehien aigua[10]
2015 Nuorižo da ruadivo[11]
2014 Sugupuolien taza-arvo ruadivos[12]
2013 Muailman ruadivon päivy 2013[13]
2012 Muailman ruadivon päivy 2012[14]

Huomavukset

  1. ↑ 1 2 Резолюция 36 C/63. Kačondan päivymiäry: 10. talvikuudu 2025. Arhiviiruittu 21. kylmykuudu 2021
  2. ↑ Día Mundial de la Radio. Kačondan päivymiäry: 10. talvikuudu 2025. Arhiviiruittu 21. kylmykuudu 2021
  3. ↑ Всемирный день радио. Kačondan päivymiäry: 10. talvikuudu 2025. Arhiviiruittu 11. kylmykuudu 2020
  4. ↑ Иcтоки всемирного Дня радио. Kačondan päivymiäry: 10. talvikuudu 2025. Arhiviiruittu 4. kevätkuudu 2016
  5. ↑ 1 2 ООН официально утвердила Всемирный день радио. Kačondan päivymiäry: 10. talvikuudu 2025. Arhiviiruittu 26. elokuudu 2016
  6. ↑ World Radio Day (англ.). UNESCO (8. kezäkuudu 2020). Kačondan päivymiäry: 10. talvikuudu 2025.
  7. ↑ Jornada Fia Mundial de la Radio (кат.). PIMEC. Kačondan päivymiäry: 10. talvikuudu 2025. Arhiviiruittu 22. tuhukuudu 2014
  8. ↑ Всемирный день радио 13 февраля (рус.). Kačondan päivymiäry: 10. talvikuudu 2025.
  9. ↑ 13 идей для празднования Всемирного дня радио 13 февраля (рус.). unesco.org.
  10. ↑ О Всемирном дне радио (рус.). Kačondan päivymiäry: 10. talvikuudu 2025.
  11. ↑ Всемирный день радио 2015 (рус.). Kačondan päivymiäry: 10. talvikuudu 2025.
  12. ↑ Всемирный день радио 2014. Kačondan päivymiäry: 10. talvikuudu 2025. Arhiviiruittu 24. sulakuudu 2022
  13. ↑ Всемирный день радио 2013. Kačondan päivymiäry: 10. talvikuudu 2025. Arhiviiruittu 13. tuhukuudu 2022
  14. ↑ Всемирный день радио 2012. Kačondan päivymiäry: 10. talvikuudu 2025. Arhiviiruittu 7. kylmykuudu 2021

Linkat

Lähteh - "https://olo.ruwiki.ru/w/index.php?title=Muailman_ruadivon_päivy&oldid=126360835"