Muailman teatran päivy
| Muailman teatran päivy | |
|---|---|
 Bol'šoi-teatru | |
| Tiippu | Ei-virralline pruazniekku |
| Toizin | Kanzoinväline teatran päivy |
| On pandu alguh | Kanzoinvälizen teatran instituutan IX kongressu |
| Päivymiäry | 27. kevätkuudu |
| Perindöt | eriluaduzien tälle päiväle omistettuloin pidoloin piendy |
 Медиафайлы на РУВИКИ.Медиа | |
.jpg){kind=link}
Muailman teatran päivy (angl. World Theatre Day) on kanzoinväline kaikkien teatran ruadajien ammatilline pruazniekku, kudamua pietäh muailmas joga vuottu 27. kevätkuudu[1]. Tämän pruazniekan tunnussanoinnu tavan mugah ollah sanat "Teatru kui rahvahien keskenäzen ellendyksen da rauhan lujittamizen keino".
Histourii, kuvailu da piendy
Muailman teatran päivy on pandu alguh vuvvennu 1961 UNESCON tyves ruadajan Kanzoinvälizen teatran instituutan (fr. Institut international du théâtre) (on perustettu Pragas (Čehoslovuakii) vuvvennu 1948) IX kongresan deleguattoin kehoitukses. Nevvostoliitto oli Kanzoinvälizen teatran instituutan ozanottajannu vuvves 1959 algajen, sit aijas, konzu Nevvostoliiton piälinnas Moskovas Kogo Ven'an teatruyhtevyksen perustehel luajittih Kanzoinvälizen teatran instituutan Nevvostoliiton Kanzalline keskus[2].
Teatran päivy on teatran ruadajien ammatilline pruazniekku: ozuttelijoin, ohjuajien, prod'usseroin, valgotehniekkoin, iänitehniekkoin, dekoracieloin azettajien, kai lippuloin myöjien da sobavuarnakkolois ruadajien — sendäh ku vie 23. pakkaskuudu vuvvennu 1933 omas kirjazes Moskovan akadiemizen taidoteatran sobavuarnakos ruadajile tundiettu ven'alaine teatruohjuaju da akt'ouranneron opastai Konstantin Stanislavskii kirjutti: "…spektakli algavuu, konzu kaččojat tullah teatrah. Työ enzimäzet vastuatto tulluzii …[3]». Täs situatas aijan mendyy rodih sanondu "teatru algavuu vuarnas»[4], kudai tarkoittau sidä, ku teatran ruadojoukos ei ole sivurouliloi da -ammattiloi.
Teatrutaijon suvaiččijoih nähte Teatran päivy on tovelline pruazniekku, sikse päiviähäi sovitetah eriluaduzii pruazniekkupidoloi "kul'tuuran hruamois", erilazii festivualiloi, erähät teatrat tavoitellah pidiä sinäpiän uuzien spektakliloin enzi-ildoi.
Kaččomattah sih, ku Ven'an Federacies Muailman teatran päiväl ei ole virrallistu valdivollistu stuatussua, Ven'an Federacien virgumiehet sinäpiän hyvitelläh muan teatroin ruadajii[5][6]. Erähis alovehis vallasolijat palkitah teatran ruadajii kunnivokirjazil, dengupalkindoloil, kiitändykirjazil da kallehil lahjoil[7], ga mostu tapahtuu harvah.
Teatran päivy ei ole huogavopäivänny, ku vai ei piädyne huogavopäiväh.
Kačo ližäkse
Huomavukset
- ↑ Всемирный день театра, РИА Новости (27.03.2024). Дата обращения: 27 kevätkuudu 2024.
- ↑ Театра международный институт // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
- ↑ Станиславский К. С. Собр. соч. Т. 8. М., 1961
- ↑ Театр начинается с вешалки. Станиславский. Kačondan päivymiäry: 27. kevätkuudu 2010. Arhiviiruittu 14. pakkaskuudu 2010
- ↑ Губернатор Алексей Гордеев поздравил воронежцев с Днем театра — Культура · ВРН. Kačondan päivymiäry: 27. kevätkuudu 2010. Arhiviiruittu 30. kevätkuudu 2010
- Wayback Machine
- ↑ Саратовская ГТРК / В День театра награждали лучших. Kačondan päivymiäry: 27. kevätkuudu 2010. Arhiviiruittu 2. sulakuudu 2015
Linkat
- [www.calend.ru/holidays/0/0/26/ Muailman teatran päivy "Pruazniekoin kalenduaras"].
 |
Параметр text не задан |