Kul'tuurualan ruadajan päivy (Ven'a)
Материалы библиотеки имени Б.Н. Ельцина
B. N. Jel'cinan nimizen prezidentan kirjaston materjualat
| Kul'tuurualan ruadajan päivy | |
|---|---|
 | |
| Tiippu | Ammatilline pruazniekku |
| Pandih alguh | Ven'an Federacien piämiehen käskys |
| Päivymiäry | 25. kevätkuudu |
Kul'tuurualan ruadajan päivy on Ven'an ammatilline pruazniekku, kudamua pietäh kul'tuurualan ruadajat joga vuottu 25. kevätkuudu[1].
Histourii
Pruazniekan histourii sai allun vuozinnu 1990. Tietäh, ku 14. tuhukuudu vuvvennu 1996 Kul'tuurualan ruadajan päiviä piettih Naro-Fominskas (Moskovan aloveh) žurnalistan, säveldäjän da runoilijan Igor’ Gerasimovan da ohjuajan Oksana Akackovan alguhpanos[2]. Piendän kannatti piirin hallindo, ga sil oli ebävirralline stuatussu[3]. Kunnivoittih kul'tuurualan ruadajii Ven'an Federacien toizisgi alovehis, pruazniekan piendypäivät enimyölleh oldih kevätkuul[4].
Talvikuul vuvvennu 2006 kul'tuuru- da joukkoviestindyministru Aleksandr Sokolov Ven'an alovehispäi luguzien kiändymyksien da Kul'tuuran koordinaciinevvoston kehoituksien pohjal pidi paginua Valdivollizen Nevvoston istundol da kehoitti panna alguh kul'tuurualan ruadajien ammattilizen pruazniekan[1].
27. elokuudu vuvvennu 2007 Ven'an Federacien piämies Vladimir Putin allekirjutti käskyn № 1111 "Kul'tuurualan ruadajan päiväh nähte". Sit hyväksyttih pruazniekan piendypäivän — 25. kevätkuudu[5]. Kul'tuurualan ruadajan päivy ei ole huogavopäivänny.
25. kevätkuudu vuvennu 2009 Ven'an piämies Dmitrii Medvedevkul'tuurualan ruadajii hyvitelles pani merkile, ku Ven'an da sen kaikkien kanzoin kul'tuuruperindön säilyttämine da kehittämine on "valdivon piälimäzii ruadoloi"[6].
Perindöt
Ket pietäh
Kul'tuurualan ruadai on ebämiäräine ellendys[7].
Kul'tuurualan ruadajah kuulutah taidojoukot, teatroin, kirjastoloin, muzeiloin, kul'tuurutaloloin, kyläkluubien ruadajat, kul'tuuruperindön akkiloiččijat da popul'arizoiččijat, sežo kirjuttajat, runoilijat, kinonluadijat, ekskursieloinvedäjät, kai net, ket ollah tämän alan opastusruadolois.
Muas on Kogo Ven’an kul’tuurualan ruadajien ammattiliitto. Vuvven 2024 pakkaskuun 1. päivän tiedoloin mugah sih kuului enämbi 330 tuhattu hengie[8].
Pivot
Kul'tuurualan ruadajan päivänny perindön mugah palkitah tämän alan ruadajii.
Pietäh erilazii pruazniekkupidoloi: konsertoi, festivualiloi, luomisruadovastavuksii.
Kul’tuurulaitoksis pietäh avvonazien veriälöin päivii, seminuaroi, luvendoloi da tiedokonferensieloi[9].
Palkindot
Vuvves 2005 juatah Ven’an Federacien halličuksen palkindoloi kul’tuurualal[10], vuvves 2022 annetah Ven’an Federacien halličuksen seiččie palkinduo kul’tuurualal, niilöin suurus on 3 miljonua rubl'ua jogahine[11].
Vuvves 2011 Kul'tuurualan ruadajan päiviä vaste Moskovan Kremlis pietäh jogavuodistu Ven'an Federacien piämiehen palkindon juandua nuorile kul'tuurualan toimijoile, vuvves 2013 juatah sežo Ven'an Federacien piämiehen palkinduo kirjalližuon da taijon alal tevoksis lapsih da nuorižoh niškoi[12].
Joga vuottu Ven’an Federacien kul’tuuruministru jagau valdivollizii palkindoloi kul’tuurualan ruadajile[13].
Kul'tuurualan ruadajan päivänny sežo juatah kunnivokirjazii, diplomoi, dengupalkindoloi, lahjoi da toizii lahjoituksii.
Liittyjät pruazniekat
- Muailman ekskursienvedäjän päivy (21. tuhukuudu)
- Kanzoinväline mustopaččahien da histouriellizien kohtien päivy (18. sulakuudu)
- Kanzoinväline muzeiloin päivy (18. oraskuudu)
- Muzeiloin yö (piendypäivy joga vuottu vaihteleh)
Huomavukset
- ↑ 1 2 День работника культуры, Президентская библиотека имени Б.Н. Ельцина. Дата обращения: 21 tuhukuudu 2025.
- ↑ День работника культуры в 2025 году: дата, история и традиции, поздравления, Lenta.RU (10 pakkaskuudu 2025). Дата обращения: 21 tuhukuudu 2025.
- ↑ 25 марта — День работника культуры: история, традиции, как поздравить, Известия (24 kevätkuudu 2024). Дата обращения: 21 tuhukuudu 2025.
- ↑ День работника культуры 2025: история и традиции праздника. КП. Kačondan päivymiäry: 21. tuhukuudu 2025.
- ↑ Указ Президента Российской Федерации от 27.08.2007 г. № 1111, Президент России. Дата обращения: 21 tuhukuudu 2025.
- ↑ Поздравление Президента Российской Федерации Дмитрия Медведева деятелям культуры с профессиональным праздником –. culture.gov.ru. Kačondan päivymiäry: 21. tuhukuudu 2025.
- ↑ Что такое День работника культуры и кто его отмечает? Что такое День работника культуры и кто его отмечает?, AiF (25 kevätkuudu 2013). Дата обращения: 21 tuhukuudu 2025.
- ↑ ОПРК - О профсоюзе. www.rprk.ru. Kačondan päivymiäry: 21. tuhukuudu 2025.
- ↑ Культуру – в массы! В России отмечается День работника культуры, Радио Sputnik (25 kevätkuudu 2022). Дата обращения: 21 tuhukuudu 2025.
- ↑ Мишустин вручил премии правительства Яхиной, Михалкову и Машкову, РИА Новости (9 syvyskuudu 2020). Дата обращения: 21 tuhukuudu 2025.
- ↑ Постановление Правительства Российской Федерации от 01.02.2022 г. № 79. Правительство РФ. Kačondan päivymiäry: 21. tuhukuudu 2025.
- ↑ Путин 26 марта вручит премии молодым деятелям культуры, РИА Новости (21 kevätkuudu 2024). Дата обращения: 21 tuhukuudu 2025.
- ↑ Министр культуры вручила госнаграды Бабкиной, Запашному и Гладкову, РИА Новости (20 tuhukuudu 2024). Дата обращения: 21 tuhukuudu 2025.
Linkat
- В России учреждён День работника культуры
- В России 25 марта отмечается День работника культуры
- В Министерстве культуры РФ прошёл торжественный концерт, посвящённый Дню работника культуры