Muailman televidienien päivy

Muailman televidienien päivy
Muailman televidienien päivy
Merkičys	kiinittiä rahvaskunnan huomavuo moizih ongelmih kui rauhu, turvalližus, kehitys da kul'tuuruvaihton levendämine
Pandih alguh	21. kylmykuudu vuvvennu 1997
Alguhpanii	Yhtistynnyzien Kanzukundien Piäassamblei
Päivymiäry	21. kylmykuudu
Liittyy	I Muailman televidienien fourumas vuvvennu 1996

Muailman televidienien päivy (toizil Yhtistynnyzien Kanzukundien virrallizil kielil: angl. World Television Day , isp. Día Mundial de la Televisión, fr. Journée internationale de la télévision) on kanzoinväline päivy, kudamua pietäh Yhtistynnyzien Kanzukundien kehoitukses (Rezol'ucii № A/RES/51/205) joga vuottu 21. kylmykuudu vuvves 1997 algajen^[1].

Histourii

Muailman joukkoviestimien tundietut ezittäjät vastavuttih I Muailman televidieniifourumal 21.-22. kylmykuudu vuvvennu 1996, sen pidäjänny oldih Yhtistynnyöt Kanzukunnat. Televidienii tunnustettih yhteiskunnallizen mielen tarkailun da ohjuamizen tärgiekse keinokse^[2].

17. talvikuudu vuvvennu 1996 88. plenuaruistundos Yhtistynnyzien Kanzukundien Piäassamblei kehoitti pidiä 21. kylmykuudu Muailman televidienien päiviä televidienien kazvajan roulin tunnustamizekse piätöksien luadijes. Sen piätarkoituksekse rodih rauhale, turvalližuole, kehityksele da kul'tuuruvaihtole omistettuloin teleohjelmoin vaihtandan kannattamine.

Yhtistynnyzien Kanzukundien Piäsekretari Kofi Annan omas kirjazes vuvvennu 2002 pani merkile sen, ku^[3]:

muailman televidienien päiviä pietäh joga vuottu sikse, ku suas kiinittiä huomavuo televidienien roulih rauhan da kehityksen livuttamizes.Kofi Annan

Ven'al

Ven'al Muailman televidienien päivy ei ole virralline pruazniekku, ga sidä pietäh kaikin, ket ollah televidienien ruavos kiini: juondajat, diktorat, toimittajat, operuattorat da ohjuajat, sežo tämän alan opastuslaitoksien opastajat da opastujat^[4].

Ven'an televidienien ruadajil on oma ammatilline pruazniekku. Sidä pietäh yhtes Ruadivon päivänke — 7. oraskuudu. Tämän ližäkse on olemas Lapsien televidienien da ruadivon päivy, kudamua pietäh joga vuottu kevätkuun enzimäzenny pyhänpiän^[4].

Kačo ližäkse

Muailman ruadivon päivy

Huomavukset

↑ День телевидения (неопр.). Волонтеры культуры. Kačondan päivymiäry: 20. kylmykuudu 2023.
↑ Всемирный день телевидения (неопр.). РИА Новости (21. kylmykuudu 2022). Kačondan päivymiäry: 20. kylmykuudu 2023.
↑ Информационный центр ООН в Москве. Послание Генерального секретаря ООН по случаю всемирного дня телевидения (неопр.). Официальный сайт ООН (21. kylmykuudu 2002). Kačondan päivymiäry: 20. kylmykuudu 2023.
↑ ¹ ² Всемирный день телевидения – 2022: история и традиции праздника (неопр.). Известия (20. kylmykuudu 2022). Kačondan päivymiäry: 20. kylmykuudu 2023.

[1] День телевидения (неопр.). Волонтеры культуры. Kačondan päivymiäry: 20. kylmykuudu 2023.

[2] Всемирный день телевидения (неопр.). РИА Новости (21. kylmykuudu 2022). Kačondan päivymiäry: 20. kylmykuudu 2023.

[:0-3] Информационный центр ООН в Москве. Послание Генерального секретаря ООН по случаю всемирного дня телевидения (неопр.). Официальный сайт ООН (21. kylmykuudu 2002). Kačondan päivymiäry: 20. kylmykuudu 2023.

[:1-4] ¹ ² Всемирный день телевидения – 2022: история и традиции праздника (неопр.). Известия (20. kylmykuudu 2022). Kačondan päivymiäry: 20. kylmykuudu 2023.

[1]

[2]

[3]

[4]