Muujärven Sroičan manasteri
| Manasteri | |
| Muujärven Sroičan manasteri | |
|---|---|
_-_panoramio.jpg) | |
| 64°37′35″ с. ш. 33°22′11″ в. д.GЯO | |
| Mua |
 Ven'anmua |
| Sijoittumine | Belomorskan piiri, Uškela |
| Konfessii | pravosluavii |
| Jeparhii | Kostamuksen jeparhii |
| Tiippu | Miehien |
| Perustai | Muujärven Kassian |
| Perustandan päivymiäry | XVI vuozisada |
| Salbuandan päivymiäry | vuvvennu 1764 |
| Stuatussu |
 ОКН № 1030429000 |
| Tila | salvattu |
 |
|
 Медиафайлы на РУВИКИ.Медиа | |
|
Ven'an Federacien kanzoin |
Muujärven Sroičan manasteri (ven. Муезерский Троицкий монастырь) on Ven’an pravosluavizen kirikön salvattu miehien manasteri Karjalan tazavallas kolmen kilometrin piäs Uškela-kyläspäi. Sijaiččou Sroičan suarel Muujärvel[1].
Histourii
Muujärven manasterin perusti XVI vuozisuan puolivälil Solovetskoin manasterin monuahu Muujärven Kassian (hänen elaigah da kanonizacieh niškoi ei tietä, ga nimi on Novgorodan Pyhien luvettelus) Pyhän Elaigua andajan Sroičan kunnivokse[2].
Manasteris oli Pyhän Sroičan kirikkö (ei säilynyh)[3].
Vuvvennu 1602 nostettih lämmin piduličan nellikön muodoine Pyhän Miikulan puukirikkö kaksipuolizen levonke kirikön pordahien da altarin piäl, kupolan da ristanke.
Manasteris mugaže oldih kollojallat, Pyhän Spuasan obrazan aittučasounu, kudamas on počitoittavan vahnan ristikanzan Aleksein vuvvennu 1672 luajittu nellimetrihine ristu da kolmemetrihine puuristu.
Pyhän Miikulan kirikön altaris oli ristu kirjutuksenke: ven. "поставил сий крест первоначальной старец инок Генадей лета 7081 (1573) августа в 11 день". Vuozien 1960 algupuolel Valadivollizen Ven’an muzein matkukundu vei ristan Leningruadah.
Vuvvennu 1580 Muujärven manasteri vojevodan Kiprijan Oničkovan johtol väisti rouččilazii, kuduat 3 tuhanden suuruol joukol ymbäröittih manasterin.
Jekaterina I:n käskys vuvvennu в 1764 manasteri salvattih, kiriköt vie kodvan kuuluttih Voijärven prihodah, omua papistuo manasteris ei olluh.
XVIII vuozisual manasterin salvandan jälgeh sie vie elettih vahnan uskon monuahat, on säilynyh heijän kalmužin[4].
Meijän päivissäh säilyttih Pyhän Miikulan kirikkö (endizelleh kunnostandu piettih vuvvennu 1976), kerran vuvves kirikös pietäh sluužbua; Pyhän Spuasan obrazan časounu.
On säilynyh časounu havvan piäl, kudamas on ruuhi yhten manasterin nostajis, voi olla, sih on pandu muah Muujärven Kassianu (toizien tiedoloin mugah prepodobnoi Kassian kuoli Kenan Spaso-Preobraženskois manasteris, hänen pyhäluut viettih Antonijevo-Siiskoih manasterih).
Ven'an federatiivizen socialistizen nevvostotazavallan Ministroin nevvoston piätökses № 624 4. talvikuudu vuvvennu 1974 Pyhän Miikulan kirikkö da časounat tunnustettin puuarhitektuuran mustomerkilöike, myöhembi Ven'an kul'tuuruperindön objektoikse[5].
12. talvikuudu vuvvennu 2014 Karjalan tazavallan kul'tuuruministerstvas piettih Kostamuksen da Kemin Ignuatii-jepiskopan da sillozen kul’tuuruministran Jelena Bogdanovan vastavus, kudamal paistih Muujärven Sroičan miehien manasterin elvyttämisty[6][7].
Manasterin ižändien luvettelu
- Nikandr, igumen (haldivoiččijan F’odor Ioannovičan aigah);
- Firs, igumen vuozinnu 1600—1606;
- Gennadii, vuvvennu 1606;
- Makarii, igumen vuvvennu 1611;
- Firs, igumen vuvvennu 1613;
- Makarii, igumen 1620 г.;
- Savva, srojitel’u 1638—1641 г.г.
- Veniamin, igumen 1644—1651 г.г.
- Simeon, srojitel’u, ijeromanuahu vuozinnu 1653—1654;
- Nafanail, srojitel’u, ijeromanuahu vuodessah 1680;.
- Pahomii, srojitel’u vuozinnu 1704—1706;
- Jepifanii, vuvvennu 1714;
- Varlaam, vuvvennu 1719;
- Filaret, vuozinnu 1721—1722[8].
Huomavukset
- ↑ Троица, остров. Муезерский Троицкий монастырь. Kačondan päivymiäry: 4. tuhukuudu 2026.
- ↑ Минеева И. Н. Почитание прп. Кассиана Муезерского в Карельском Поморье. Kačondan päivymiäry: 4. tuhukuudu 2026. Arhiviiruittu 19. ligakuudu 2016
- ↑ . — Архангельск, 1896. — 154 с.
- ↑ Муезерский Троицкий монастырь. Kačondan päivymiäry: 4. tuhukuudu 2026. Arhiviiruittu 9. elokuudu 2016
- ↑ Список объектов культурного наследия (памятников истории и культуры), находящихся на территории Беломорского муниципального района. Kačondan päivymiäry: 4. tuhukuudu 2026. Arhiviiruittu 23. syvyskuudu 2018
- ↑ https://web.archive.org/web/20161022084315/http://od.obsheedelo.ru/index.php?category=data&webpage=407. Kačondan päivymiäry: 4. tuhukuudu 2026.
- ↑ Обзор выступлений на Круглом столе. Kačondan päivymiäry: 4. tuhukuudu 2026.
- ↑ Строев П. М. Списки иерархов и настоятелей монастырей российской церкви. — СПб., 1877. — 1002 с.
Kirjalližus
- Шургин И. Н. Никольская трапезная церковь на Муеозере // Реставрация и исследования памятников культуры. Вып. 2. — М., 1982. — С. 89—95.
- Titova T. Mujejärven Troitskinsaarella oli ennen luostari. 29. heinäkuu. (№ 29) // Karjalan Sanomat. — Петрозаводск: Периодика, 2009. — С. 6.
- Titova T. Троицкий остров [озера Муезеро]. 16 июля (№ 28) // Беломорская трибуна. — Петрозаводск: Периодика, 2009. — С. 4.
Linkat
- Муезерский скит (рус.).
- Шургин И. Н. Никольская трапезная церковь на Муезере // Реставрация и исследования памятников культуры. — 1982.
- Муезеро (рус.).
- Троица, остров. Муезерский Троицкий монастырь (рус.).