Jelena Bogdanova
| Jelena Viktorovna Bogdanova | |
|---|---|
 | |
| Roindupäivy | 23. heinykuudu 1973 (53 vuottu) |
| Roindukohtu | Suurimägi, Anuksen piiri, Karjalan avtonoumine socialistine nevvostotazavaldu |
| Kanzalližus |
 Nevvostoliitto→ Ven'anmua |
| Toimindu | Kiži-muzein johtai |
| Palkindot da arvonimet |
|
Jelena Viktorovna Bogdanova (ven. Елена Викторовна Богданова; roin. 23. heinykuudu 1973, Suurimägi, Karjalan avtonoumine socialistine nevvostotazavaldu[d]) on filolougientiedoloin kandiduattu, karjalan kielen tutkii da opastai. Hätken aigua ruadoi Petroskoin valdivonyliopistos karjalan da vepsän kielen laitoksel. Oli Karjalan tazavallan Kanzallizen poliitiekan ministran sijahizennu da Karjalan kul'tuuruministrannu. Nygöi on Kiži-muzein johtajannu.
Valličuksis 2024 kuului Ven'an Federacien piämiehekse kandiduatan Vladimir Putinan luotettavien persounoin joukkoh[1].
Eloskerdu
Jelena Bogdanova on roinnuhes Suurenmäin kyläs Anuksen piiris. On karjalaine[2].
Vuvvennu 1990 loppi Videlen keskiškolan da piäzi Petroskoin valdivonyliopistoh karjalan da vepsän kielen ozastole opastumah karjalan da suomen kieldy da literatuurua. Se oli enzimäine karjalan kielen opastujien joukko yliopistos.
Vuvvennu 1995 Petroskoin valdivonyliopiston itämerensuomelazien kielien da kul'tuuran tiedokunnan loppiettuu[2] piäzi opastumah Petroskoin valdivonyliopiston aspirantuurah. Vuvvennu 2003 väitti filolougientiedoloin kandiduatakse. Hänen väitösruavon tiemannu oli "Refleksiivuverbit karjalan kieles".
Yliopiston loppiettuu, vuvves 1995 vuodessah 2007[3], ruadoi Petroskoin valdivonyliopiston karjalan da vepsän kielen laitoksel. Opasti karjalan kielen morfolougiedu, pagin- da kirjutuskieldy, virkehoppii, pidi kiännösruavon harjaituskursua, oli yliopastujien kursu- da diplomuruadoloin ohjuajannu da arvostelijannu. Yliopistos ruadajes sai docentan virran.
Jelena Bogdanova opasti karjalan kieldy Kanzoinvälizil karjalan kielen kursiloil, kudamien pidäjinny oldih Suomes ruadai Karjalan Liitto da Karjalan opastajien jatko-opastuksen instituuttu (nygöine Karjalan opastuksen kehitysinstituuttu), oli Karjalan tazavallan škola-akadiemien karjalan kielen opastajannu. Jelena Bogdanova kuului Karjalan Rahvahan Liiton halličukseh da Karjalan tazavallan piämiehen tyves ruadajah sanastokomissieh. On monien karjalankielizien kniigoin da opastuskniigoin redaktorannu.
Vuozinnu 2007—2010 oli Karjalan tazavallan Kanzallizen poliitiekan ministran sijahizennu[2].
Vuozinnu 2010—2015 ruadoi Karjalan tazavallan kul'tuuruministrannu.
Vuvven 2015 ligakuus on Kiži-muzein johtajannu[4].
Pakkaskuul vuvvennu 2024 rubei kuulumah Ven'an Federacien piämiehekse kandiduatan Vladimir Putinan luotettavien persounoin joukkoh.
Vuvven 2024 ligakuus kuuluu Ven'an kul'tuuru- da taidonevvostoh[5][6].
Bibliogruafii
- Il'jina, O. Karjalan kielen harjoituskogomus : Nominat : Livvin murdehel / O. Il’jina, L. Bogdanova, L. Markianova. — Petroskoi: Petroskoin valtionüliopiston kustantamo, 1999. — 84 с.
- Il'jina, O. Karjalan kielen harjoituskogomus. Verbit. Infinitiivat. Partisiipat. Adverbit : livvin murdehel / O. M. Il’jina, J. V. Bogdanova, L. F. Markianova. — Petroskoi: Petroskoin valtionüliopiston kustantamo, 2000. — 107 с.
- Bogdanova, L. Karjalan kielen harjoituskogomus : 3—4. luokku : livvin murdehel / L. Bogdanova, T. Ščerbakova. — Petroskoi: Periodika, 2004. — 95 с.
- Bogdanova, L. Karjalan kielen harjoituskogomus : 5. luokku : livvin murdehel / L. Bogdanova, S. Kondratjeva. — Petroskoi: Periodika, 2004. — 110 с.
- Bogdanova, L. Karjalazien elaigu : tekstukogomus : (livvin murdehel) / L. Bogdanova, O. Žarinova. — Petroskoi: Издательство ПетрГУ, 2005. — 99 с.
Palkindot da arvonimet
- Kunnivomerki "Arvoruadolois kul'tuuran da taijon alal" — suures panokses ižänmuan kul'tuuran da taijon kehittämizeh, monivuodizes tuloksellizes ruavos (2024)[7];
- Ven'an Federacien halličuksen palkindo matkailun alal vuvves 2025 (2026)[8][9].
Huomavukset
- ↑ Доверенные лица Владимира Путина из Карелии получили удостоверения, выданные Центральной избирательной комиссией (рус.). rk.karelia.ru (20. pakkaskuudu 2024). Kačondan päivymiäry: 29. syvyskuudu 2025.
- ↑ 1 2 3 Bogdanova Jelena Viktorovna] (рус.). karelnovosti.ru. Kačondan päivymiäry: 23. syvyskuudu 2025.
- ↑ Елена Богданова назначена директором музея-заповедника "Кижи" (рус.). https://culture.gov.ru/. Министерство культуры Российской Федерации (6. ligakuudu 2017). Kačondan päivymiäry: 22. syvyskuudu 2025.
- ↑ Директором музея «Кижи» стала Елена Богданова (рус.). https://kizhi.karelia.ru/. Музей Кижи (21. ligakuudu 2015). Kačondan päivymiäry: 23. syvyskuudu 2025.
- ↑ Владимир Путин утвердил новый состав Совета по культуре и искусству (рус.). salt.news. Kačondan päivymiäry: 22. syvyskuudu 2025.
- ↑ Директор музея «Кижи» Елена Богданова вошла в состав Президентского совета по культуре (рус.). kizhi.karelia.ru. Kačondan päivymiäry: 22. syvyskuudu 2025.
- ↑ Директору музея Кижи вручили государственную награду (рус.). karelia.news (25. sulakuudu 2024). Kačondan päivymiäry: 23. syvyskuudu 2025.
- ↑ Названы лауреаты премий Правительства РФ в области туризма 2026 (рус.). rst.ru (11. kevätkuudu 2026). Kačondan päivymiäry: 23. kevätkuudu 2026.
- ↑ Директор музея «Кижи» Елена Богданова стала лауреатом премии Правительства России (рус.). site.kizhi.karelia.ru (11. kevätkuudu 2026). Kačondan päivymiäry: 23. kevätkuudu 2026.