Muuttopalvelun ruadajien päivy
| Muuttopalvelun ruadajien päivy | |
|---|---|
 Ven'an Federacien Muuttopalvelun logotiippu | |
| Tiippu | Ammatilline pruazniekku |
| On pandu alguh | 6. oraskuudu vuvvennu 2007 |
| Pietäh |
 Ven'anmua |
| Päivymiäry | 14. kezäkuudu |
Muuttopalvelun ruadajien päivy on Ven'an Syväinazieloin ministerstvan Federuallizen muuttopalvelun ruadajien ammatilline pruazniekku, kudamua pietäh Ven'al joga vuottu 14. kezäkuudu. Ei ole huogavopäivänny.
Histourii
6. oraskuudu vuvvennu 2007 Ven'an piämies Vladimir Putin Federuallizen muuttopalvelun 15-vuozipäiväkse allekirjutti käskyn "Muuttopalvelun ruadajien päivän alguhpanos", kudai tuli voimah hedi sen allekirjutandan jälles. Pruazniekan piendypäiväkse vallittih 14. kezäkuudu[1].
Vuvvennu 2012 Federuallizen muuttopalvelun ruadajien lugu oli 42 013 hengie, luguh ottamattah vardoiččijoi da rakenduksien kunnospidäjii ruadajii[2].
Vuvvennu 2007, enzimäzen Muuttopalvelun ruadajien päivän piendyvuvvennu, Ven'an Federacien piämiehen Volganrannikon federualuokrugan täyzivaldaine ezittäi Aleksandr Konovalov pruazniekkupidolois Uljanovskas kiändyjen Federuallizen muuttopalvelun ruadajien da veteruanoin puoleh sanoi:
Jo 15 vuvven aigah Ven'an Uljanovskan alovehen Federuallizen muuttopalvelun virguniekat da ruadajat korgiel tazol ruatah kaikkii ruadoloi. Pidäy panna merkile, ku palvelun ruavos aktiivizesti otetah käyttöh nygyaigazii tiedotehnolougieloi, rodieu parembakse palvelun kul'tuuru, alalleh suurenou palveluloin luvettelu. Uljanovskan alovehen Federuallizen muuttopalvelun pozitiivizii puolii merkile pannes myö ellendämmö, ku vie ei kai probliemat rahvahien kanzalližuon annandas da muutandas olla sellitetty da ies on vie vagavu da tarku ruado... Lykkyy teile omas ruavos da toimindas Ven'an hyväkse[3].
Federualline muuttopalvelu on perustettu vuvvennu 1992; vuvvennu 1999 se muutettih Ven'an Federacien Federacieloin, kanzallis- da muuttopoliitiekan azienloin ministerstvakse. Vuodessah 2016 Federualline muuttopalvelu oli Ven'an Syväinazieloin ministerstvan alazennu. 5. sulakuudu vuvvennu 2016 Federualline muuttopalvelu hävitettih, a sen funksiet ruvettih kuulumah Ven'an Federacien Syväinazieloin ministerstvan Muuttokyzymyksien piähallindole[4].
Huomavukset
- ↑ Федеральная миграционная служба России — Президент России Владимир Владимирович Путин подписал Указ об установлении Дня работника миграционной службы
- ↑ Постановление Правительства РФ от 13 июля 2012 г. N 711 "О вопросах Федеральной миграционной службы"
- ↑ Информационный портал United Volga — новости Поволжья — Самара, Тольятти, Ульяновск, Пенза, Саратов, Димитровград, Сызрань. / Новости / Ульяновск. Полпред Президента поздравил …
- ↑ [ttps://www.pnp.ru/social/u-rabotnikov-migracionnoy-sluzhby-professionalnyy-prazdnik.html У работников миграционной службы профессиональный праздник]