Nina Mamontova
| Nina Nikolajevna Mamontova | |
|---|---|
| Roindupäivy | 19. heinykuudu 1941 |
| Roindupaikku | Petroskoi |
| Mua |
 Nevvostoliitto,  Ven'anmua |
| Tiedoala | paikannimistö |
| Ruadokohtu | Ven'an tiedoakadiemien Karjalan tiedokeskuksen Kielen, literatuuran da histourien instituuttu |
| Opastus | Petroskoin valdivonyliopiston histourii-filolougine tiedokundu |
| Oppiarvo | filolougientiedoloin kandiduattu |
Nina Nikolajevna Mamontova (19. heinykuudu 1941) on paikannimistön tutkii, filolougientiedoloin kandiduattu, Ven'an tiedoakadiemien Karjalan tiedokeskuksen Kielen, literatuuran da histourien instituutan vahnin tiedoruadai.
Eloskerdu
Nina Nikolajevna Mamontova on roinnuhes 19. heinykuudu vuvvennu 1941 Petroskois. Hänen vahnembat oldih lyydiläzes Viidanan kyläspäi, vuozinnu 1930 muutettih Petroskoih. Tuatto ruadoi ruadudorogal, muamo kačoi lapsii - perehes oli viizi lastu.
Vuvvennu 1963 Nina Mamontova loppi Petroskoin valdivonyliopiston histourii-filolougizen tiedokunnan. Sen jälles händy työttih ruadoh Kondupohjan piirin Hirvahan kyläh ven'an kielen da literatuuran opastajakse. Petroskoih järilleh tulduu ruadoi kirjastos, oli komsomoluruadolois, ruadoi Petroskoin valdivonyliopiston ven'an kielen laitoksel laborantannu.
Vuvvennu 1970 tuli ruadoh Ven'an tiedoakadiemien Karjalan tiedokeskuksen Kielen, literatuuran da histourien instituuttah. Irma Mullonen, instituutan piätiedoruadai, Ven'an Federacien tiedoalan arvostettu ruadai, nenga kirjuttau Nina Mamontovan ruavos:
Juuri Nina Nikolajevna Mamontovan Ven'an tiedoakadiemien Karjalan tiedokeskuksen Kielen, literatuuran da histourien instituuttah tulduu algavui sistemuattine paikannimistön tutkimus Karjalas.
— Труды Карельского научного центра РАН № 6. 2011. С. 156–157
Vuvvennu 1982 Mamontova puolisti kandiduatan väitöskirjan Tarton yliopistos Estounies. Sen tiemannu oli ven. Структурно-семантические типы микротопонимии ливвиковского ареала Карельской АССР (Олонецкий район) [1].
Vuozinnu 1992-2005 ruadoi tiedosekretarin virras Kielen, literatuuran da histourien instituutas.
Tiedoruado
On enämbän migu 60 tiedoruavon kirjuttajannu da kanzoinvälizien kongressoin da simpoziumoin, Kogo Nevvostoliiton da alovehienvälizien konferensieloin da nevvotteluloin ozanottajannu.
Monien vuozien aigah Mamontova pidi luvendoloi paikannimistös Petroskoin valdivonyliopistos da rahvahien ies, kirjutti kirjutuksii paikallizih lehtilöih muantiedonimilöis. Hänen alguhpanos oli pandu alguh Karjalan tazavallan paikanimistön kilbu, kudaman tuloksennu rodih ven. Родные сердцу имена-kogomus.
Piäjulgavot
- Мамонтова Н.Н. Структурно-семантические типы микротопонимии ливвиковского ареала Карельской АССР (Олонецкий район). — Петрозаводск : Карелия, 1982. — 213 с. ; 20 см. — Библиогр.: с. 160-170 (se oli luajittu kanduduatan väitöskirjan käzikirjutuksen pohjal)
- Керт Г. М., Мамонтова Н. Н. Загадки карельской топонимики: рассказ о географических названиях Карелии [монография] — Петрозаводск : Карелия, 1976. — 104 с.
- Керт Г. М., Мамонтова Н. Н. Загадки карельской топонимики: рассказ о географических названиях Карелии [монография] — Петрозаводск : Карелия, 2007. — 120 с.
- Прибалтийско-финская географическая лексика Карелии / Н. Мамонтова, И. Муллонен; Рос. акад. наук, Карел. науч. центр, Ин-т яз., лит. и истории. — Петрозаводск : КНЦ РАН, 1991 (обл. 1992). — 158,[3] с. : ил.; 20 см.; ISBN 5-201-07813-3 : 90 к.