Petroskoin valdivonyliopisto

Petroskoin valdivonyliopisto
Endizet nimet	Karjal-suomelaine valdivonyliopisto Petroskoin O. V. Kuusizen nimine valdivonyliopisto
Perustanduvuozi	1940
Tiippu	yliopisto
Rektoru	Anatolii Viktorovič Voronin
Rektoru	Anatolii Viktorovič Voronin
Opastujat	11231 (2014), 8824
Ulgomualazet opastujat	444
Bakalavriuattu	23 alua
Spacialitiettu	56 alua
Magistratuuru	17 alua
Aspirantuuru	4 alua
Douhturit	119
Professorat	53
Opastajat	711
Sijoittumine	Ven'a, Petroskoi, Karjalan tazavaldu
Juriidine adressi	185910, Ven'a, Petroskoi, Karjalan tazavaldu, Leninan prospektu, 33
Verkosivusto	www.petrsu.ru
Palkindot
Медиафайлы на РУВИКИ.Медиа

Petroskoin valdivonyliopisto

Petroskoin valdivonyliopisto (ven. Петрозаводский государственный университет) (vuodessah 1956 sen nimi oli Karjalas-suomelaine valdivonyliopisto) on vuvvennu 1940 perustettu yliopisto Karjalan tazavallas Petroskois. Vuvvennu 2017 yliopisto sai tugiyliopiston stuatusan.

Vuvven 2025 sygyzyn tiedoloin mugah yliopistos ruadau enämbi 1500 hengie, heis 403 ollah tiedoloin kandiduatat da 114 tiedoiloin douhturit.

Yleistiijot

Vuvven 2017 allus yliopistos on olluh 11 instituuttua:

• luonnontiijon, ekolougien da muaruavontehnolougieloin instituuttu;
• vierahien kielien instituuttu;
• informuatiekan da tiedotehnolougieloin instituuttu;
• histourien, poliitiekku- da yhteiskundutiedoloin instituuttu;
• meččy-, mägiruado- da rakendusalaninstituuttu;
• pedagougiekan da psiholougien instituuttu;
• voimistelu-, sportu- da matkailuinstituuttu;
• filolougien instituuttu;
• talovus- da oigevustiedoloin instituuttu;
• liečetiijolline instituuttu;
• fiiziekan da tehniekan instituuttu.

Yliopistos on 67 laitostu.

Petroskoin valdivonyliopistos on 40 tutkimuksien da uuzien tehnolougieloin keskustu, biznes-inkubuattoru, tehnoparku, oma ilmoihpiästämö, kazvitiedosadu, Onego-uinduallikko, tiedokirjasto. Yliopisto sijoittuu kaheksah rakendukseh, kuduat ollah eri linnan ozis. Petroskoin valdivonyliopistol on 77 rahvahienvälisty sobimustu 23 muanke, kudualoih kuulutah Suomi, Ruočči, Norviegii, Francii, Germuanii, Portugalii, Anglii, Amierikan Yhtysvallat, Kanuadu, Bel’gii, Korea, Baltiekkumeren muat da muut.

Joga vuottu yliopisto ottau vastah läs 200 vierastu opastujua, da läs 250 Petroskoin valdivonyliopiston opastujua da opastajua opastuu da harjaittelou rajan tagua.

Petroskoin yliopisto kannattau opastujua: se andau tervehyönkaičuksen, den’guavun. Opastujat voijah parandua tervehytty profilaktouries, kävvä huogavumah Mustanmeren rannale, Karjalan sanatourieloih, Urozero-tervehyönhoidokeskukseh da Šotjärvi (ven. Šotozero)- sportu- da tervehyönhoidoluagerih.

Palkindot

23. syvyskuudu vuvvennu 2025 yliopisto sai Karjalan tazavallan korgien Sampo-palkindon «korgielois suavutuksis da arvoruadolois Karjalan tazavallan da sen eläjien hyväkse tiijon da opastandan alal, korgeitazozien ammattimiehien valmistamizes».

Huomavukset