Pagizemmo karjalakse

Pagizemmo karjalakse (ven. "Говорим по-карельски" ) on filolougienешувщдщшт kandiduatan Ol'ga Žarinovan karjalan kielen livvin murdehen opastuskniigu. Kniigu piästettih ilmah vuvvennu 2012 Petroskois.

Tarkoitus

"Pagizemmo karjalakse" on livvin algukursu. Kniigas opastuksen alguaskelet da kieliopin šeikat on sellitetty ven'an kielel, mi on hyvä niilöile, ket vaste ruvetah opastumah kieleh. Kieldy maltamatoi ristikanzu suau ičeväil opastuo sih.

Syväindö

Opastuskniigas on sellitetty livvin iäniopin da kieliopin šeikat, on seiččietostu eri tiemua. Niilöin mugah opastut tervehtimäh, sanelemah ičes da omas perehes, rubiet tiedämäh koin, aijan, tervehyön, syömizien, mieliruadoloin sanastuo da äijän muudu. Materjualu on eriluaduine: on kieliopin harjaitustu, voropaginuaa, tekstua lugiettavakse. Kniigas tulou nägyvih karjalaine kul'tuuru, sit on karjalan kielen idiomoi da sananpolviloi kohtas: Karjalaine sanou nenga.

Yhtes cd-diskanke

Tärgei on se, ku opastuskniigu on piästetty ilmah cd-diskanke, kudamas suau kuulta kniigan vuorpaginoi da tekstoi. Nenga kielen opastui harjavuu oigieh sanomah livvin iänii da sanoi. Nämä vuorpaginat da tekstat on lugiettu diskale Karjalan kanzalliskielizen TV:n da ruadivon toimittajat Nadežda Bukina da Ol'ga Kuzmina.