Pellastajan päivy (Ven'a)

On otettu Рувики-späi
Tarkastettu kirjutus
Ven'an Federacien
pellastajan päivy
Vladimir Putin 27 December 2000-1.jpg
Tiippu Ammatilline pruazniekku
Toizin Pellastajan päivy
Pandih alguh Ven'an Federacien piämiehen käskys
26. kylmykuudu vuvvennu 1995
Pietäh Ven'an Federacies
Päivymiäry 27. talvikuudu
Liittyy Ven'an federatiivizen socialistizen nevvostotazavallan Ministroin nevvoston käskyh
27. talvikuudu vuvvennu 1990
«Ven'an pellastaikunnan perustamizes...»

Ven'an Federacien pellastajan päivy (ven. День спаса́теля Росси́йской Федера́ции) on Ven'an pellastajien ammatilline pruazniekku[1].

Ven'al pellastajat ruatah-sluužitah ammatillizis hädäpellastusyhtymis, luguh ottajen ečindy- da pellastuspalvelut, alovehien hädäpellastuspalvelut, kunnan pellastuspalvelut, yhtehizet päivistys- da ohjailupalvelut, Ven’an hädätilaministerstvan vojennoloin pellastusjoukkoloin yhtymät, erilazet tulipalovardoičuslaitokset, ylimiäräzet hädäpellastusjoukot, hädätilaministerstvan muut laitokset, yksittäzet pellastuspalvelut da joukot sego erillizet yhteiskunnallizet profiliyhtistykset[2][3][4].

Pruazniekan päiväkse vallittih talvikuun 27. päivy, konzu oli perustettu Ven’an pellastaikundu. Tädä päiviägi pietäh Ven’an hädätilaministerstvan perustamispäivänny[1].

Histourii

26. kylmykuudu vuvvennu 1995 Vena’an Federacien enzimäine piämies Boris Jel'cin allekirjutti käskyn "Ven’an Federacien Pellastajan päivän perustamizes", kuduas miärättih päivän piendäkse talvikuun 27. päivy[5][6].

Pruazniekan päivymiäriä ei vallittu petties. 27. talvikuudu 1990 Ven'an federatiivizen socialistizen nevvostotazavallan Ministroin nevvosto piätti "Ven’an pellastaikunnan perustamizes Ven'an federatiivizen socialistizen nevvostotazavallan Valdivollizen komitietan oigevuksienke, sego yhtehizen valdivo-yhteiskunnallizen sistieman muvvostamizes hädätilandehien ennustamizekse, vastuamizekse da pričinöin hävittämizekse"[1][5].

Talvikuus vuvvennu 2023 Ven'an hädätilaministerstvu sai hyvin loppie operacien Ven'an Federacien kanzalazien pellastamizekse Gazaspäi

Ven'an hädätilaministerstvan perustandan histourii

Ven’an pellastaikundu perustettih vuvvennu 1990, myöhembäh sen nimi muutettih Valdivollizekse hädätilakomitietakse, kudaman pohjal terväh rodih Ven'an federatiivizen socialistizen nevvostotazavallan piämiehen tyves toimii Rahvahanpuolistusazieloin, hädätiloin da luondohädäjälgilöin hävitändän valdivokomitiettu. Se omal aijal oli muutettu Ven’an Federacien Rahvahanpuolistusazieloin, hädätiloin da luondohädäjälgilöin hävitändän valdivokomitietakse. 10. pakkaskuudu vuvvennu 1994 vie erähän muutandan aigua perustettih Ven’an Federacien Rahvahanpuolistusazieloin, hädätiloin da luondohädäjälgilöin hävitändyministerstvu (Ven’an hädätilaministerstvu)[1].

Ei-vldivollizet pellastusjoukot Ven'al

Ven'al toimi mondu ei-valdivollistu pallastusjoukkuo, kudamien ruadajil da omatahtozil ollah azienmugazet pellastajien tutkindotovestukset. Yksi kuulužimis joukkolois on Liza Alert  (ven.) (olo. -ečindy- da pellastusjoukko. Täh joukkoh kuulutah vai volont’uorat, se kogonah on kerätty omaltahtol ruadajien rahvahien vuoh, ga sentäh sil ollah kiingiet ruadoyhtevykset valdivovirrastoloih[7][8].

Toizii kuulužii ei-valdivollizii pellastusjoukkoloi ollah "SpasRezerv" da Kogo Ven’an opastujien pellastaikundu[9][10][11].

Pruazniekkupäivän piendy

Pellastajan päiviä tavan mugah pietäh kui Hädätilaministerstvan ozastolois, mugai temuattizien kul’tuurutapahtumien hantuzis. Äijil ruadajil sinäpiän tulou vastata omua ammattipäiviä ruadovuorolois — pellastajien sluužbu ei keskustu ammattipäivän aijaksegi. Pellastajan päivän perindökse rodih hyvin da kunnolleh omua iččie ozutannuzien ruadajien palkičendu[12]. Pietäh pruazniekkukonsertua[13].

Hädätilaministerstvan ruadokundu joga vuottu kävyy Kremenčugskaja-uuličale Moskovas iče vedämäh kukkua mustopaččahilluo "Tulipalosammuttajile da pellastajile" da "Ven’an hädätilaministerstvan veteruanoile". Sen ližäkse mustopiduo kuadunuzien pellastajien kunnivokse järjestetäh ruadopaikoil[12].

Elätit-pellastajat

Kaži yhtes hädätilaministerstvan joukos

Omas ruavos pellastajat puaksuh hädävytäh koiranohjuajih da piädykauti pellastusdieloh harjaitettuloih koirih[14]. Pellastajile abuh tullah rahvastu raunivoloin al eččimäh opastetut libo vezipellastusopastuksen  (ven.) (olo. loppenuot koirat[15].

Koirien ližäkse pellastajat toičigi käytetäh hebozii[16], kudamil voijah račastua raččupellastaijoukot, niilöl suau mennä moizih kohtihgi, kunne ei piästä ajamah mašinat[17].

Ven’an hädätilaministerstvan tulipalo- da pellastusjoukot ruavos ruvettih käyttämäh kažiloigi. Täs dielos niilöi ei pietä vai ruadobrujien jyrzijöis kaččojinnu, daigi nervoin ahtistundan jälgilöin eiständykeinonnu — kui iče sanotah tulensammuttajat, yhtesolendu kažiloinke avvuttau hoivendua ruadotakkua[18].

Kul'tuuras

Sem'on-kaži

Sem'on-kažin kunnivokse, kudamas rodih kuulužu yhten T’umenin tulipalokunnan simvolu, kirjutettih pajo da jullattih muuzikkuvideo[19], kudaman luadi Ven’an hädätilaministerstvu sen kuolendan jälgeh[20]. Tulipalokunnas eläjes Sem’on moneh kerdah oli uudislähetyksien urhoinnu[21].

Sem’onan kunnivokse oli perustettu erilline Sem’oniči-ozasto, kudamah kuuluu 8 kažiemiä da kaži-ižiä Ven’an eri linnois. Hädätilaministerstvan tyves toimijah joukkoh pandih kodielättii monen alovehen tulipalokunnispäi, täs joukos ollah Moskovan linnu, Smolenskan, Kurskan, Arhangelin, Vologdan alovehet da Komin tazavaldu[20].

Ven’an hädätilaministerstvan tulopalo-da pellastusjoukkoloin ruavole da borčale meččytulipaloloi vastah omistettih Tuli-fil’mu  (ven.) (olo.[22].

Myö elämmö hädäkellon mugah -pajo (ven. "Мы живем по сигналу тревоги") on omistettu hädätilaministerstvan pellastajile, sidä tavan mugah ezittäy ministerstvan hora da orkestru virraston pruazniekkutapahtumis[23].

Huomavukset

  1. ↑ 1 2 3 4 27 декабря – День спасателя Российской Федерации. МЧС России (27. talvikuudu 2017). Kačondan päivymiäry: 18. kylmykuudu 2025.
  2. ↑ Профессиональные аварийно-спасательные формирования. МЧС России. Kačondan päivymiäry: 18. kylmykuudu 2025.
  3. ↑ Аттестованные аварийно-спасательные службы и аварийно-спасательные формирования. МЧС России. Kačondan päivymiäry: 18. kylmykuudu 2025.
  4. ↑ Федеральный закон от 22.08.1995 N 151-ФЗ (ред. от 14.07.2022) "Об аварийно-спасательных службах и статусе спасателей". Консультант плюс. Kačondan päivymiäry: 18. kylmykuudu 2025.
  5. ↑ 1 2 Образован российский корпус спасателей. День спасателя России. Президентская библиотека имени Б. Н. Ельцина. Kačondan päivymiäry: 18. kylmykuudu 2025.
  6. ↑ Указ Президента РФ от 26.12.1995 N 1306 "Об установлении Дня спасателя Российской Федерации". Консультант Плюс. Kačondan päivymiäry: 18. kylmykuudu 2025.
  7. ↑ Илья Титов. Стать волонтёром. Как присоединиться к поисковым отрядам. Аргументы и факты (12. oraskuudu 2021). Kačondan päivymiäry: 18. kylmykuudu 2025.
  8. ↑ Отряд имени Лизы Фомкиной. LizaAlert. Kačondan päivymiäry: 18. kylmykuudu 2025.
  9. ↑ Региональная общественная организация «Общественный поисково-спасательный отряд „Спасрезерв“». Агентство социальной информации. Kačondan päivymiäry: 18. kylmykuudu 2025.
  10. ↑ "Ребята, вызов!" Один день из жизни добровольцев "СпасРезерва". ТАСС (6. kezäkuudu 2022). Kačondan päivymiäry: 18. kylmykuudu 2025.
  11. ↑ О ВСКС. История. Всероссийский студенческий корпус спасателей. Kačondan päivymiäry: 18. kylmykuudu 2025.
  12. ↑ 1 2 День спасателя в 2023 году: история и традиции праздника. Комсомольская правда. Kačondan päivymiäry: 18. kylmykuudu 2025.
  13. ↑ Праздничный концерт ко Дню спасателя. Первый канал (26. talvikuudu 2021). Kačondan päivymiäry: 18. kylmykuudu 2025.
  14. ↑ Кинологические службы в системе МЧС. Портал Правительства Москвы (21. pakkaskuudu 2016). Kačondan päivymiäry: 18. kylmykuudu 2025.
  15. ↑ Четвероногие спасатели – особая категория «сотрудников» МЧС России. МЧС России (20.06. 2015). Kačondan päivymiäry: 18. kylmykuudu 2025.
  16. ↑ Методические рекомендации по применению Конной службы МЧС России.
  17. ↑ Любить зверей и людей. О конно-кинологическом спасательном центре МЧС. ТАСС (20. kezäkuudu 2022). Kačondan päivymiäry: 18. kylmykuudu 2025.
  18. ↑ Татьяна Солдатова. Усы, лапы, хвост. В пожарном отряде МЧС служат двое московских котов. Аргументы и факты (19.07. 2023). Kačondan päivymiäry: 18. kylmykuudu 2025.
  19. ↑ Памяти кота-пожарного Семёна посвящается. Kačondan päivymiäry: 18. kylmykuudu 2025.
  20. ↑ 1 2 Ева Беловецкая. В России создали первый кошачий отряд спасателей МЧС. Комсомольская правда (13. oraskuudu 2023). Kačondan päivymiäry: 18. kylmykuudu 2025.
  21. ↑ Талисман и сослуживец: кот Семен из пожарной части. РИА Новости (24. pakkaskuudu 2022). Kačondan päivymiäry: 25. talvikuudu 2023.
  22. ↑ Огонь (2020). Кинопоиск. Kačondan päivymiäry: 18. kylmykuudu 2025.
  23. ↑ "Мы живём по сигналу тревоги". Группа "Кватро"/хор и оркестр МЧС России (26. talvikuudu 2016). Kačondan päivymiäry: 18. kylmykuudu 2025.

Kirjalližus

Linkat

Lähteh - "https://olo.ruwiki.ru/w/index.php?title=Pellastajan_päivy_(Ven%27a)&oldid=126360943"