Perehen, rakkahuon da uskolližuon päivy

On otettu Рувики-späi

Материалы библиотеки имени Б.Н. Ельцина

Library.png
Täs kirjutukses on käytetty materjualoi B. N. Jel'cinan nimizen prezidentan kirjaston fondoispäi
Ližiä tieduo

Материалы библиотеки имени Б.Н. Ельцина

Library.png
Täs kirjutukses on käytetty materjualoi B. N. Jel'cinan nimizen prezidentan kirjaston fondoispäi
Materjualoih
Perehen, rakkahuon da uskolližuon päivy
Päivykukkaine on pruazniekan simvolannu
Päivykukkaine on pruazniekan simvolannu
Tiippu Siviilipruazniekku
Virrallizesti 28. kezäkuudu vuvvennu 2022
Pandih alguh 2008
Pietäh Ven'al
Päivymiäry 8. heinykuudu
Piendy pietäh svuad'boi, festivualiloi, konsertoi
Liittyy Pedrun da Fevronijan päiväh
Логотип РУВИКИ.Медиа Медиафайлы на РУВИКИ.Медиа


Perehen, rakkahuon da uskolližuon päivy (ven. День семьи, любви и верности) on Ven'an jogavuodine pruazniekku, kudamua pietäh 8. heinykuudu da se on sovitettu pruavosluavizeh pyhän kniäzin Pedrun da hänen akan Fevronijan mustopäiväkse. Kogo Ven'an pruazniekannu sidä virrallizesti pandih alguh Ven'an piämiehen käskys 28. kezäkuudu vuvvennu 2022[1].

Histourientutkijat ollah sidä mieldy, ku Muuroman Pedruu mieros tiettih nimel David Jurjevič — häi oli vuvves 1205 vuodessah 1228 Muuromas halliččii kniäzi. Pedru-nimen häi otti ičelleh, konzu rodih monuahakse, nygyaigazis lähtehis händy mainitah sil nimel[2].

Pokrovu Pedrun da Fevronijan kuvienke — tsuari F'odoran da tsuaritar Irinan panos Bohorodičan Rastavan kirikköh, (luajittih tsuarittaren ruadopajas vuvvennu 1593)

Legendan mugah setämä vuozi kniäzin valdah menendiä vaste Pedru tapoi pyhäl miekal juavolin Mavon, kudai kävyi hänen Puavil-vellen akalluo. Kuoltes mado brizgutti Pedruh verdy, sen periä häi voimatui prokuazah. Unis Pedru nägi, ku piästiä händy voimattomukses voi prostoi naine Fevronija, mehiläshoidajan tytär R’azanin alovehen Laskovo-kyläspäi. Fevronija oli parandajannu da avvutti tuliele kniäzile, häi sai kniäzis uskalduksen naija hänes. Pedru ei täyttänyh uskaldustu, Fevronija jätti hänen rungah parandamattoman kohtan, sen periä prokuazu levii uvvessah. Pedru avun ečos uvvessah tuli Fevronijalluo da sil kerdua nai[2].

Ruavahinnu ristikanzoinnu Pedru da Fevronija roittih manuahoikse eri manasterilois, otettih nimilöikse David- da Jefrosinija-nimet. Perindötiijon mugah hyö kuoltih jogahine omas kel’l’as samannu piän da samal aigua 8. heinykuudu vuvvennu 1228. Panna yhteh ruuheh manuahoi ei suannuh, heidy pandih muah sit eri kohtih, ga tossupiän net roittih yhtes. Sit ukkuo da akkua kalmattih yhtes Muuromas Bohorodičan Rastavan kirikös. Vuvvennu 1547 Ven’an pravosluavine kirikkö sanoi heidy pyhikse[3].

Piendy

Perehen, rakkahuon da uskolližuon päiviä pietäh Ven'al da toizis mualois — Bolgruaries, Valgoven'al, Azerbaidžuanas, Ukrainal, Germuanies, Velikobrituanies, Francies[4]. Ven’al pruazniekku pandih alguh Muuromas, sidä linnua pietäh pruazniekkupidoloin keskuksennu. 8. heinykuudu Muuromas ruvetah ruadamah kauppu- da neroniekkoin jarmankat, avatah animaciilagevoloi lapsih niškoi, pietäh konsertoi[5].

Vuvvennu 2022 Perehen, rakkahuon da uskolližuon päiviä linnas piettih 15. kerdua. Oigevuksienvalvojien elimien tiedoloin mugah interaktiivukohtih linnan keskukses kävyi läs 117 tuhattu Muuroman eläjiä da gost'ua, randupihal konsertas kaččojua oli 75 tuhattu[6].

Perehen, rakkahuon da uskolližuon päivän piendy Muuromas

Muuromu pruazniekkupiän (8. heinykuudu)
Pruazniekkupivot Muuromas Perehen, rakkahuon da uskolližuon päivänny
Gala-konsertu.
Muuromu

8. heinykuudu kogo Ven’al pietäh perindöllizile pereharvoloile da lapsien da nuorižon hengellis-morualizele kazvattamizele omistettuloi opastuksellizii akcieloi[7][8].

Pruazniekan histourii

Vuozinnu 1990 Muuroman eläjät elävytettih siviilipruazniekan piendyperindön, konzu Linnan päivän yhtistettih Pereharvoloin päivänke.

Vuvvennu 2006 linnan vallasolijoin alguhpanos Muuroman eläjät kerättih 15—20 tuhattu allekirjutustu Kogo Ven’an molodoloin rakkahuon da perehozan päivän perustamizekse (Muuroman kniäzilöin Pedrun da Fevronijan mustokse), sit kirjazes hyö kehoitettih ilmoittua 8. päivy heinykuudu kogo Ven’an pruazniekakse. Huavattih luadie pruazniekku vastavuksennu päivänlaskun kaikkien Suvaittavien päiväh[9].

18. pakkaskuudu vuvvennu 2008 pruazniekku rodih kogo Ven'an pruazniekakse. Lugupaluatan piälikkö, Muuroman kunnivokanzalaine da Spuasan kirikön huolenpidonevvoston piälikkö Sergei Stepašin, manasterin igumienu Kirill (Jepifanov) da toizet valdivomiehet da yhteiskunnallizet ruadajat perustettih pruazniekku, alguhpanon kannatettih alovehellizet valdivomiehet da yhteiskunnallizet ruadajat, Valdivolline Duumu, Federacien Nevvosto da Ven’an pravosluavine kirikkö  (ven.) (olo.[10][11][5].

8. heinykuudu vuvvennu 2008 enzikerdua piettih Kogo Ven’an pruazniekkua Perehen, rakkahuon da uskolližuon päiviä. Sen luadijannu oli Sociualu-kul’tuurizien alguhpanoloin fondu, kudaman johtajannu oli Svetlana Medvedeva  (ven.) (olo., Ven’an kolmanden piämiehen Dmitrii Medvedevan akkah[5]. Pruazniekkua ruvettih pidämäh joga vuottu[12].

Vuvvennu 2016 Valdivollizen Duuman Ven’an liberualu-demokruattizen partien deputuatat Jaroslav Nilov da Aleksei Didenko työttih parluamentah zakonuprojektan, ku ilmoitettas 8. heinykuudu huogavopäiväkse. Duuman proufilikomitiettu piätti, ku huogavopäivän hyväksymine vähendäy ruadoaijan da pahoi vaikuttau tuotandoh da b’udžietan kululoih, vuvven peräs zakonäprojektu kumattih enzimäzen kačondan aigah[13][14].

28. kezäkuudu vuvvennu 2022 heinykuun 8. päivän pruazniekku sai valdivollizen stuatusan[15].

Heinykuul vuvvennu 2024 Valdivollizen Duuman perehen puolistuskomitietan piälikkö Nina Ostanina kiändyi Ven’an Federacien ruavon da sociualuturvan ministerstvah kehoituksenke luadie Perehen, rakkahuon da uskolližuon päivän huogavopäiväkse lapsekkahih perehih niškoi[16].

Pruazniekan perindöt

Simvolu

Päivykukkaine on pruazniekan simvolannu

Perehen, rakkahuon da uskolližuon päivän simvolannu on päivykukkaine  (ven.) (olo.. Pruazniekkupiän päivykukkazis luajitah venkoi, lahjoitetah päivykukkazien bukiettoi da "fevron’koi" — poštukartočkoi päivykukkazienke libo perehen toizien simvoloinke kuvis. Hyväkse perindökse on roinnuh kirjoih menendy 8. heinykuudu[17]. Ga pravosluavizile sinäpiän ei sua ruadua sidä, ku pruazniekku piädyy Pedrunpyhäh[18].

Akcii "Anna minule elaigu"

Joga vuottu pietäh Anna minule elos -akciedu (ven. «Подари мне жизнь»), sen tarkoituksennu on pereharvoloin da -perindölöin säilyttämine. Pietäh kilboi, foto-ozutteluloi, levitetäh tiijoitusmaterjualoi da valmistetah pyöryžii stolii ari aloin ammattimiehienke: liečetiedoalan ruadajien, juristoin, psihoulogoin, žurnalistoin, uskondollizien da yhteiskunnallizien yhtistyksien rahvahienke[19].

Akcii "Anna minule elaigu"

Kinofestivuali

Vuvves 2006 Perehen, rakkahuon da uskolližuon päivänny Ven'al pietäh täh pruazniekkah sovitettuu kanzoinvälisty perehen da lapsien fil’moin festivualii ven. «В кругу семьи»[20].

Rakkahuos da uskolližuos -medalin annandu

Sinäpiän sežo annetah medaliloi "Rakkahuos da uskolližuos". Palkindon perustajannu on Ven'an Perehen, rakkahuon da uskolližuon päivän piendän ohjailukomitiettu. Palkindon reversas on päivykukkaine, aversu on čomendettu Pedrun da Fevronijan kuvil da sih on kirjutettu tunnussanat "Perehen rakkahuos da uskolližuos".

Palkindon reversu "Rakkahuos da uskolližuos" da tovestus

Palkindoloi suajah molodoit, kudamat ollah kirjois enämbi 25 vuottu, "kudamat roittih kuulužikse omien kanzalazien keskes pereharvoloin lujuos" da "kazvatettih lapsii yhteiskunnan kunnollizikse ristikanzoikse". Palkindon suajii kehoitetah paikallizet vallasolijat, palkičendupiduo pietäh alovehellizel da federuallizel tazol[5][10][4][21][22]. Ven'an erähis linnois molodoit, kudamat on eletty yhtes enämbän 50 vuottu, suajah dengumaksoloi. Sih niškoi ukol da akal pidäy olla Ven’an Federacien kanzalazennu da heil pidäy olla virrallizesti kirjois[19][23]. Moskovas vuvvennu 2025 maksot oldih moizet:

  • 27 972 rubl’ua 50 vuottu kirjois olduu
  • 34 964 rubl’ua 55 da 60 vuottu kirjois olduu
  • 41 955 rubl’ua 65 da 70 vuottu kirjois olduu[24]

Mustopaččahien azettamine

Perehen, rakkahuon da uskolližuon päivän perustandan hyvyös ruvettih nostamah Pedrun da Fevronijan mustopaččahii Ven'an monis linnois. Vuvvennu 2016 oli nostettu jo läs 60 mustopačastu, min periä pyhät roittih mustopaččahien kuulužimikse piähengilöikse Ven’al XXI vuozisual da tiražiiruittuvimikse pravosluavizikse pyhikse muas. Puolet mustopaččahis azetettih kogo kanzallizen programman ven. «В кругу семьи» hantuzis, puoli — paikallizien vallasolijoin alguhpanos. Suurin ozan mustopaččahis luajittih kuvanvestäjän, Surikovan instituutan loppenuon Konstantin Čern’avskoin viijen kompozicien mugah[25].

Huomavukset

  1. ↑ Указ Президента Российской Федерации от 28.06.2022 № 411 "О Дне семьи, любви и верности"
  2. ↑ 1 2 История любви святых. lenta.ru (6. sulakuudu 2025). Kačondan päivymiäry: 1. heinykuudu 2025.
  3. ↑ День семьи, любви и верности в России: когда отмечают, традиции праздника, РИА Новости (27 kezäkuudu 2025). Kačondan päivymiäry: 1. heinykuudu 2025.
  4. ↑ 1 2 8 июля - День семьи, любви и верности. ТАСС (6. heinykuudu 2012). Kačondan päivymiäry: 5. heinykuudu 2017. Arhiviiruittu 22. syvyskuudu 2020
  5. ↑ 1 2 3 4 День семьи, любви и верности. Досье. ТАСС (7. heinykuudu 2015). Kačondan päivymiäry: 1. heinykuudu 2025. Arhiviiruittu 12. sulakuudu 2021
  6. ↑ Праздничные мероприятия в Муроме посетило 117 тысяч человек. муром24.рф (11. heinykuudu 2022). Kačondan päivymiäry: 30. heinykuudu 2025.
  7. ↑ Как отмечают праздник. lenta.ru (8. sulakuudu 2025). Kačondan päivymiäry: 27. kezäkuudu 2025.
  8. ↑ День семьи, любви и верности в России: когда отмечают, традиции праздника. РИА новости (23. kezäkuudu 2025). Kačondan päivymiäry: 1. heinykuudu 2025.
  9. ↑ 8 июля — День семьи, любви и верности: история и традиции праздника. iz.ru (7. heinykuudu 2024). Kačondan päivymiäry: 1. heinykuudu 2025.
  10. ↑ 1 2 Ольга Светлова. Приложение 4: Праздник день семьи, любви и верности // Святые покровители брака и семьи Петр и Феврония. — М.: АСТ, 2011. — 192 с. — (Святые вам помогут). — ISBN 978-5-17-074464-0.
  11. ↑ В России может появиться свой День всех влюблённых. РБК (21. pakkaskuudu 2008). Kačondan päivymiäry: 1. heinykuudu 2025. Arhiviiruittu 8. heinykuudu 2018
  12. ↑ День семьи, любви и верности (2008-2017). Красный квадрат. Kačondan päivymiäry: 1. heinykuudu 2025. Arhiviiruittu 9. heinykuudu 2021
  13. ↑ День семьи предложили сделать выходным для повышения рождаемости. Lenta.ru (8. heinykuudu 2016). Kačondan päivymiäry: 5. heinykuudu 2017. Arhiviiruittu 5. pakkaskuudu 2021
  14. ↑ День, семьи, любви и верности не сделают выходным. m24.ru (16. kezäkuudu 2017). Kačondan päivymiäry: 1. heinykuudu 2025.
  15. ↑ День семьи, любви и верности в России: когда отмечают, традиции праздника. РИА новости (23. kezäkuudu 2025). Kačondan päivymiäry: 1. heinykuudu 2025.
  16. ↑ В Госдуме предложили сделать День семьи выходным для многодетных, РБК (3 heinykuudu 2024). Kačondan päivymiäry: 1. heinykuudu 2025.
  17. ↑ День семьи, любви и верности в девятый раз отметят в России. ТАСС (8. heinykuudu 2016). Kačondan päivymiäry: 1. heinykuudu 2025. Arhiviiruittu 24. kezäkuudu 2017
  18. ↑ День семьи, любви и верности в 2025 году: история и традиции праздника. vesti.ru (7. oraskuudu 2025). Kačondan päivymiäry: 1. heinykuudu 2025.
  19. ↑ 1 2 День семьи, любви и верности в России. РИА Новости (6. kezäkuudu 2024). Kačondan päivymiäry: 1. heinykuudu 2025.
  20. ↑ В кругу семьи кинофестиваль. vkrugu7i.com. Kačondan päivymiäry: 1. heinykuudu 2025.
  21. ↑ День семьи, любви и верности в России: история и традиции праздника. РИА Новости (8. heinykuudu 2013). Kačondan päivymiäry: 1. heinykuudu 2025. Arhiviiruittu 8. heinykuudu 2018
  22. ↑ День семьи, любви и верности в России. РИА Новости (8. heinykuudu 2015). Kačondan päivymiäry: 1. heinykuudu 2025. Arhiviiruittu 8. heinykuudu 2018
  23. ↑ В России проходит акция «Подари мне жизнь!» Фонд социально-культурных инициатив.
  24. ↑ День семьи, любви и верности в 2025 году: история и традиции праздника. vesti.ru (7. oraskuudu 2025). Kačondan päivymiäry: 1. heinykuudu 2025.
  25. ↑ День семьи, любви и верности​. БУЗ ВО "Сомовский санаторий для детей". Kačondan päivymiäry: 1. heinykuudu 2025.

Linkat

Lähteh - "https://olo.ruwiki.ru/w/index.php?title=Perehen,_rakkahuon_da_uskolližuon_päivy&oldid=126355559"