Pertilomuloin azujan päivy
| Pertilomuloin azujan päivy | |
|---|---|
 | |
| Tiippu | Ammatilline |
| Virrallizesti | ei-virralline |
| Pandih alguh | vuozinnu 2010 |
| Pietäh | joga vuottu |
| Päivymiäry | kezäkuun toine suovattu |
Pertilomuloin azujan päivy on ammatilline pruazniekku, kudamua Ven'al pietäh eri ammattiloin rahvas, kudamat otetah ozua pertilomuloin luajindah. On pandu alguh XXI vuozisuan toizen vuozikymmenen allus, pruazniekkua pietäh kezäkuun toizennu suovatannu.
Histourii
Jälles Nevvostoliiton häviendiä vuozinnu 1990 pertilomuloin alal, kui monis toizis alois, rodih kriizissu. Pertilomuloin tuottajien kannattamizekse vuvvvennu 1997 oli perustettu ei-kaupalline yhtistys "Pertilomuloin da puutevolližuon laitoksien associacii", kudai yhtisti täl alal ruadajii eri azientiedäjii. Associacien perustandu pani alguh pädevän ammattiyhtistyksen[1].
XXI vuozisuan toizen vuozikymmenen allus Associacii piätti luadie oma ammatilline pruazniekku, kudamua nygöi pietäh joga vuottu kezäkuun toizennu suovatannu. Täkse päiviä tavan mugah luajitah pertilomuloin ozutteluloi, laitoksis palkitah parahii ruadajii - juatah palkindoloi, kunnivokirjazii da diplomoi[2], sežo pietäh kilboi eri ammattiloih kuulujien keskes. Niilöi azientiedäjii, ket pietäh tädä pruazniekkua, on äijy[3]:
- luajittelii-inženierat;
- puusepät;
- montažniekat;
- keriäjät;
- dizainerat;
- taidoilijat;
- ombelijat.
Mieldykiinittäjät toziaziet
- Pitkevin divan, kudai on puuttunuh Ginnessan rekordoin kniigah, oli luajittu vuvvennu 2014 Saratovas. Sen piduhus oli vähästy enämbi kilometrii, istuo sil yhtel aigua sai 2500 hengie. Divanan hindu oli 10 miljonua rubl'ua. Jälles rekordan kirjoile panendua divan riičittih da myödih ozinnu; dengat myöndäs mendih hyvyönluajindufondoih[4].
- Pertilomu-uuličču (ven. Мебельная улица) on Piiteris, Penzas, Čel'abinskas, Orenburgas, Petroskois da Tihvinäs.
Pertilomuajotie (ven. Мебельный проезд) on Piiteris da Velikije Luki -linnas; Penzas on kai kolme Pertilomuajotiedy: 1., 2. da 4.