Rajanvardoiččijan päivy

Rajanvardoiččijan päivy
Rajanvardoiččijan päivy
Päivymiäry	28. oraskuudu
	Медиафайлы на РУВИКИ.Медиа

Rajanvardoiččijan päivy on Nevvostoliiton valdivollizen turvalližuon komitietan rajanvardoiččiivoiskien da Ven'an federuallizen turvalližuon palvelun rajanvardoiččiipalvelun rahvaskunnan ammattipruazniekku (ven.) (olo. Ven'an federuallizen turvalližuon palvelun rajanvardoiččiipalvelun rahvaskunnan ammattipruazniekku.

Rajanvardoiččijan päiviä joga vuottu pietäh 28. oraskuudu. Päivän piendän perindyö jatketah Iččenäzien valdivoloin yhtymän erähis mualoisgi^[1].

Rajanvardoiččijan päivy ei kuulu huogavundupäivih, ga sentäh pruazniekkupidoloi pietäh ymbäri Ven'anmuadu^[2].

Histourii

Nevvostoliiton rahvahan komissuaroin piätökses 28. oraskuudu vuvvennu 1918 perustettih Ven'an federatiivizen socialistizen nevvostotazavallan rajanvardoičus. Vähästy enne sidä 30. kevätkuudu vuvvennu 1918 Ven'an federatiivizen socialistizen nevvostotazavallan Rahvahan rahavaroin komissuariatan tyveh luajittih Rajanvardoičuksen piähaldivo, sih tuli endizen Rajanvardoičuksen erillizen kunnan vähiä vajai kai oficierujoukko, kudai enne oli vardoiččemas Ven'an valdukunnan rajoi. 1. tuhukuudu vuvvennu 1919 Vallankumovuksellizen vojennoin nevvoston käskyn mugah rajanvardoičus muutettih Ven'an federatiivizen socialistizen nevvostotazavallan rajanvardoičusvoiskikse. 24. päiväs kylmykuudu vuvvennu 1920 uvvessah perustettih rajanvardoičus, kudai kuului Ven'an federatiivizen socialistizen nevvostotazavallan Rahvahan komissuaroin nevvoston tyves toimijah VČK:n Erillizeh ozastoh. 27. syvyskuudu vuvvennu 1922 oli luajittu Erilline rajanvardoičuskundu, se kuului Ven'an federatiivizen socialistizen nevvostotazavallan NKVD:n Valdivollizeh poliittizeh haldivoh (jälles 15. kylmykuudu vuvvennu 1923 — Nevvostolliton Rahvahan komissuaroin nevvoston OGPU:n voiskih). Heinykuus vuvvennu 1934 rajanvardoičuksen voiskujoukkoloin tomindua johti Nevvostoliiton NKVD:n Rajan- da syväinvardoičuksen piähaldivo. Vuvves 1937 algajen käyttöh uudehes otettih rajanvardoičusvoiskat -terminy. Rajanvardoičusvoiskii johti Nevvostoliiton NKVD:n Rajan- da syväinvardoičuksen piähaldivo. 28. päiväs kevätkuudu vuvvennu 1957 Nevvostoliiton valdivollizen turvalližuon komitietan rajanvardoičusvoiskat liityttih Nevvostoliiton Ministroin nevvoston tyves toimijah Valdivollizeh turvalližuon komitiettah. Oli perustettu Nevvostoliiton valdivollizen turvalližuon komitietan rajanvardoičuksen piähaldivo. 5. päiväs heinykuudu vuvvennu 1978 Nevvostoliiton Ministroin nevvoston Valdivolline turvalližuon komitiettu muutettih iččenäzekse valdivollizekse komitietakse — Nevvostoliiton Valdivollizekse turvalližuon komitietakse. 12. kezäkuudu vuvvennu 1992 luajittih rajanvardoičusvoiskat, kuduat kuuluttih Ven’an Federacien Turvalližuon ministerstvah. Nämmien struktuuroin perijäkse rodih Ven’an Federacien Federualline rajanvardoičuspalvelu, kudai perustettih Ven'an Federacien Piämiehen käskys 30. talvikuudu vuvvennu 1993. 1. päiväs heinykuudu 2003 Federualline rajanvardoičuspalvelu siirdyi Ven’an Federacien Federuallizeh turvalližuon palveluh, sidä ruvettih sanomah Ven’an Federacien Federuallizen turvalližuon palvelun rajanvardočuspalvelukse.

Nevvostoliiton valdivollizen turvalližuon komitietan rajanvardoiččiivoiskat -hiemaimerki.

Rajanvardoiččijan päiviä joga vuottu pietäh 28. oraskuudu vuvves 1958 algajen, silloi Nevvostoliiton Ministroin nevvoston käskys allettih pidiä tädä ammattipruazniekkua. Tänäpäi pruazniekan piendän tarkoituksih kuuluu rajanvardočusvirrastoloin ruadosovun da bojuvoimien ozuttamine sego bojumielen kohottamine oficieroil, pruaporšiekoil, mičmanoil, seržantoil, staršinoil, saldatoil da matrosoil, kuduat ollah vardoiččemas Ven’an Federacien valdivollistu rajua merel da kuival mual.

Nygözel aijal Rajanvardoiččijan päiviä pietäh Ven’an Piämiehen käskys 23. 05.1994,^[3] "päivän piendän tarkoituksennu on elvyttiä Ven’an histouriellizet perindöt da sen rajanvardoičusvoiskat".

Rajanvardoiččijan päivänny vojennoil sluužbal olijat rajanvardoiččijat järjestetäh omien neroloin da varustustazon ozuttelendoi sego Kodimuan puolistandah varustumistu erilazih ilmaston- da siäololoih huolimattah. Rajanvardoičusvoiskien kundah kuulujat da rajanvardoičusvirrastoloin virgimiehet, varas da eläkkehel olijat, yhtytäh pruazniekkukulguloih eländypaikoin piäpihoi myö, tuvvah kukkua vojennoiloin mustopaččahien edeh, Tundemattoman saldatan kalmale, sego valmistetah avvonazii ozuttelendoi.

Rajanvardoiččijan päivy Nevvostoliiton jälgehizel aijal

Endizen Nevvostoliiton erähät tazavallat iččenäžyön suaduu säilytettih da jatketah pidiä tädä päiviä, se sie rodihes kanzallizen muston pruazniekkupäiväkse. Muga Valgo-Ven'al, Kirgizies, Tadžikistuanas rajanvardoiččijan päiviä pietäh 28. oraskuudu kuigi Ven’an Federacies.

Ukrainal vuvves 2018 Rajanvardoiččijan päiviä pietäh 30. päivänny sulakuudu. Vuodessah 2018 Rajanvardoiččijan päiviä piettih 28. päivänny oraskuudu.

Ven'an rajanvardoiččii virgukoiranke

Turkmenistuanas Rajanvardoiččijan päivy on 11. elokuudu. Sil päiväl vuvvennu 1992 perustettih Turkmenistuanan valdivolline rajanvardoičuspalvelu^[4].

Kazahstuanas Rajanvardoiččijan päiviä pietäh 18. päivänny elokuudu, sinäpiän vuvvennu 1992 luajittih Kazahstuanan tazavallan rajanvardoičusvoiskat.

Uzbekistuanas Rajanvardoiččijan päiviä pietäh 24. kevätkuudu, sendäh gu sil päväl vuvvennu 1992 perustettih Uzbekistuanan tazavallan rajanvardoičusvoiskien joukot. Latvies rajanvardoiččijan päiviä pietäh 7. kylmykuudu vuvves 2015 algajen^[5].

Molduavies Rajanvardoiččijan päivy on 10. kezäkuudu, sidä pietäh vuvves 1995.

Azerbaidžuanas Rajanvardoiččijan päiviä pietäh 18. elokuudu, juuri täl päiväl vuvvennu 1919 Azerbaidžuanan demokruattizen tazavallan parluamentu ilmoitti käskys, kudai koski Azerbaidžuanan Tazavallan valdivollizen rajan vardoičustu, da oli hyväksytty zakon Azerbaidžuanan tazavallan raja- da tullivardoičuksen luajindas. Zakonan enzimäzes luvus, kuduas on kaheksa pygäliä, on sanottu: "luadie 99 rajanvardoičuskohtua, kudamien kundah rubieu kuulumah 992 rajanvardoiččijua, Azerbaidžuanan kogo rajua pitkin sen vardoiččemizekse luvattomas kaupas da kieldotavaroin vedelendän eistämizekse ". Vuvvennu 2000 Azerbaidžuanan Piämies Geidar Alijev (ven.) (olo. ilmoitti 18. päivän elokuudu rajanvardoiččijoin ammattipruazniekakse^[6].

Huomavukset

↑ История празднования дня пограничника
↑ День пограничника в России, РИА Новости (14 sulakuudu 2025). Kačondan päivymiäry: 15. oraskuudu 2025.
↑ Ven’an Federacien Piämiehen käsky № 1011 23.05.1994 "Rajanvardoiččijan päivän perustandas"
↑ День пограничника в Туркменистане
↑ Инара Мурниеце. Grozījumi likumā "Par svētku, atceres un atzīmējamām dienām" (латыш.). Сейм Латвии (22. ligakuudu 2015). Kačondan päivymiäry: 16. tuhukuudu 2016.
↑ Azerbaidžanan rajanvardoičusvoikil rodieu 91 vuottu

Kirjalližus

Надарин Э. С. Исторические аспекты зарождения пограничной службы в Российской Федерации // Законность и правопорядок в современном обществе. — 2013. — № 13.
Терентьев Евгений Михайлович. Деятельность государственных органов по усилению охраны государственной границы СССР в 1924-1928 гг // Армия и общество. — 2007. — № 4.

Linkat

28 мая — День пограничника
День пограничника в 2024 году: история и традиции праздника
Статья, посвящённая празднику, на сайте Президентской библиотеки

[1] История празднования дня пограничника

[2] День пограничника в России, РИА Новости (14 sulakuudu 2025). Kačondan päivymiäry: 15. oraskuudu 2025.

[3] Ven’an Federacien Piämiehen käsky № 1011 23.05.1994 "Rajanvardoiččijan päivän perustandas"

[4] День пограничника в Туркменистане

[5] Инара Мурниеце. Grozījumi likumā "Par svētku, atceres un atzīmējamām dienām" (латыш.). Сейм Латвии (22. ligakuudu 2015). Kačondan päivymiäry: 16. tuhukuudu 2016.

[6] Azerbaidžanan rajanvardoičusvoikil rodieu 91 vuottu

[1]

[2]

[3]

[4]

[5]

[6]