Runonpajattajan mustopačas
Runonpajattajan mustopačas (Petri Šemeikale) on kuvanvestäjän Alpo Sailon luajittu mustopačas (1877—1955) Karjalan tazavallan Sordavalan linnas.
Mustopačas on linnan histouriellizes keskukses, pienes puustos Väinämözen lagevol, kudamale tulou Väinämözen uuličču. Mustopačas on luajittu karjalazile runonpajattajile, runonpajattajan kuva on kollektiivine. Kirjalližuos sidä mainitah, kui Petri Šemeikan (1821—1915, Suistamol elänyön) mustopačastu.
Histourii
Kuvanvestäi Alpo Sailo kehitti luadie linnah tämän mustopaččahan vuvven peräs Petri Šemeikan kuoltuu. Sailo vie vuvvennu 1908 vastavui Petri Šemeikanke, fotokuvai händy da piirusti hänen portriettoi, sil aigua Petri Šemeikka oli jo äijäl vahnennuh da sogei.
Vaiku vuvvennu 1927 Eliel Wartiainen kirjutti Sailole, ku dengat mustopaččahan luajindah on löytty, ga kuvanvestäjän nimi vie ei ole tietois. Eliel Wartiainen kehoitti Alpo Sailon da händy vallittihgi[1]. Mustopačas oli luajittu 25 000 suomen markah, kudamat jätti perindökse sud'd'u Karl Gustav Berg (1845—1928)[2], da kudamat suadih Kogo Suomen pajopruazniekan (suom. Sortavalan Laulujuhlat) piendäs Sordavalas vuvvennu 1926.
Mustopačas oli luajittu 20. kezäkuudu vuvvennu 1935 Kalevala-eeposan 100-vuozipäiväkse. Pienen puuston pluanan luadi arhitektoru Uno Wernen Ullberg.
Huomavukset
- ↑ Marjut Kivelä, «Sydämessä kalevalainen kansa: Alpo ja Nina Sailo runonlaulajien ikuistajina»
- ↑ Забирунова Т. В. Карл Густаф Берг — первый бургомистр г. Сортавала (рус.) (22. kezäkuudu 2020). Kačondan päivymiäry: 5. pakkaskuudu 2021. Arhiviiruittu 16. pakkaskuudu 2021