Slavjuanoin kirjukielen da kul'tuuran päivy

Slavjuanoin kirjukielen
da kul'tuuran päivy
Slavjuanoin kirjukielen ; da kul'tuuran päivy
Tiippu	Slavjuanoin kirjukielen pruazniekku
Pandih alguh	taza-arvozien apostoloin Kirillan da Mefoudien mustopäivän nimeh
Pietäh
Päivymiäry	24. oraskuudu
Piendy	svetskoit, kirikön da yhteiskunnallizet pruazniekkupivot
	Медиафайлы на РУВИКИ.Медиа

Slavjuanoin kirjukielen da kul'tuuran päivy on valdivolline kirikköpruazniekku^[1], kudai on omistettu taza-arvozien apostoloin Kirillan da Mefoudien mustopäiväle. Tädä päiviä pietäh Ven’al, Valgo-Ven’al, Bolguaries, Čeehies, Pohjazes Makedounies, Ukrainal, Moldovan tazavallas^[2].

Ven’al Slavjuanoin kirjukielen da kul’tuuran päiviä joga vuottu pietäh 24. oraskuudu.

Pruazniekan histourii

Tämän pruazniekan roindan histourii on kiini Hristosan uskon leviemizeh slavjuanoin keskes da taza-arvozien apostoloin, tiijonandajien Kirillan da Mefoudien nimih^[1]. Aigazembii tiedoloi pyhien taza-arvozien Kirillan da Mefoudien päiväs 11. oraskuudu, kudamii vie tutah Solunskoin vellekset -nimel, aijoitetah kahteltostu vuozisual. Erikseh pyhän Kirillan mustopäviä pietäh 14. (27. tuhukuudu), pyhän Mefoudien — 6. (19. sulakuudu), heijän kuolendupäivinny. Pyhien Kirillan da Mefoudien yhtehisty pruazniekkua Bolguarien kirikkö pidi tulieloin vuozisualoingi.

Slavjuanoin kirjukielen da kul'tuuran päiviä enzikerdua piettih 24. oraskuudu vuvvennu 1857 Bolguaries. Myöhembi pruazniekan piendyperindö siirdyi slavjuanoin toizih mualoih. Pruazniekkupäivänny kirikös pietäh Jumalallizii liturgieloi. Erähis linnois — ristukierdoloi.

Ven’an valdukunnas enzimästy kerdua pruazniekkua piettih 24. oraskuudu vuvvennu 1863 — pyhien Kirillan da Mefoudien slavjuanoin aberin vuozituhanden vuvvennu^[3]. Nevvostoliiton aigua tädä pruazniekkua ei pietty. Pruazniekan piendän perindö elvytettih vuvvennu 1986.

Vuvvennu 1991 Slavjuanoin kirjukielen da kul'tuuran päiväle annettih Virralline pruazniekku -stuatussu^[1].

Pruazniekan piendytavat

Ven'al

Slavjuanoin kirjukielen da kul'tuuran päivy on ainavo valdivolline kirikköpruazniekku Ven’anmual. Yhteiskunnallizet da valdivollizet laitokset pietäh tädä päiviä yhtes Ven’an pravosluavizen kirikönke.

Jelena Šuvannikova, fololougu, Ven’an Federacien ulgoazieloin ministerstavan Diplomuattuakadiemien opastai^[1]:

Slavjuanoin kirjukielen da kul'tuuran päivy on pruazniekku, kudai mustoittau meile kaikile sanan tärgies merkičykses, kul’tuuran väis daigi, tiettäväine, meijän yhtehizes hengizes perindös.

Tavan mugah Kirillan da Mefoudien kunnivokse järjestetäh da pietäh Kanzoinväline Slavjuanoin muailmu: yhtenäžys da moniluadužus -nimine tiedokonferensii ven. "Славянский мир: общность и многообразие"^[2].

Joga vuottu pruazniekkupidoloin keskučakse Ven’an linnois vallittih yksi linnu. Eri vuozinnu pruazniekan piälinannu oldih Murmansku^[4] (vuvvennu 1986 sie piettih enzimäine pruazniekku Kirjukielen pruazniekku -nimel), Voulogdu, Suuri Novgorodu, Kijev, Smolensku, Belgorodu, Vladimiran linnu, Kostroman linnu, Orlan linnu, Jaroslavl’u, Kolomnu, Tverin linnu, Pskovan linnu, R’azanin linnu, Novosibirsku^[5], Voronežan linnu, Novočerkassku^[6], Hanti-Mansiisku da toizet linnat. Vuvves 2010 piälimäzii pruazniekkupidoloi pietäh Moskovas^[7].

Konsertu Ruskiel lagevol. Vuozi 2023

Slavjuanoin kirjukielen da kul'tuuran päivän nimeh pietäh tiijollizii yleiskerähmölöi, festivualiloi, ozutteluloi, pravosluavizen kirjalližuon jarmankoi, runoloin lugemizii, konsertoi. Moskovas Ruskiel lagevol pietäh pruazniekkukonsertoi^[8].

Slavjuanoin kirjukielen da kul'tuuran päivänny juatah Kirillan da Mefoudien -nimizii Patriarhan palkindoloi, kudaman perustajannu on Ven’an pravosluavizen kirikön Pyhä sinodu. Palkindon laureatoikse roijah kirjuttajat, ken azui suuren panoksen ven’alazen kirjalližuon kehitykseh^[3].

Bolguaries

Bolguarien opastuksen, kul'tuuran da slavjuanoin kirjukielen päivy (bolg. Ден на българската просвета, култура и славянската писменост) on Bolguarien virralline kanzalline pruazniekku. Sidä joga vuottu pietäh 24. oraskuudu. Sinäpiän bolguarat kunnivoijah ei vai bolguariestu kul’tuurua, daigi slavjuanoin (kiriillizen) aberin luadijoi, taza-arvozii apostoloi pyhii Kirillua da Mefoudiedu.

Kirillan da Mefoudien mustopačas. Bolguarien kanzalline kirjasto

Enzimästy kerdua bolguaroin kirjukielen pruazniekkua, kudai piettih 22. oraskuudu vuvvennu 1803 Šumen -linnas, mainitah armienielazis vahnois aigukirjois vuvvennu 1813. Bolguarien kanzallizen elvyttämizen kuulužan ruadajan Naiden Gerovan ehoitukses Bolguaries tädä pruazniekkua ruvettih pidämäh vuvves 1851 (enzimäi Plovdiv -linnas, jällel Šumen, Lome, Skop’e, Veles, Stambul -linnois) da sen jälgeh ymbäri muadu. 11. päivy orakuudu oli vallittu sendäh, gu se oli yhtenäine kirikköpruazniekku mollembil pyhil.

Vuvvennu 1892 muuzikan opastai Rusespäi Stojan Mihailoivskii kirjutti školagimnan, kudamale pandih Pyhien Kirillan da Mefoudien gimnu -nimi. Gimnas oli nellitostu rivistyö, kudamis tavan mugah pajatetah vai kuuzi enzimästy. Bolguarat tietäh sidä enzirivii myö "Върви, народе възродени!" (ven. "Вперёд, народ возрождённый!"). Vuvvennu 1900 säveldäi Panaijot Pipkov, sillozel aigua opastai Lovečas, kirjutti gimnah muuzikan.

Grigorianskoin kalenduaran käyttöh otettuu vuvvennu 1916 valdivollizen kalenduaran mugah Bolguaries pruazniekkupävänny ruvettih pidämäh 24. päivy oraskuudu (kirikös säilyi Julianskoi kalenduaru). Vuvvennu 1968 kirikkö rubei elämäh uuttu julianskoidu kalenduarua myö, muga vuvvennu 1969 kirikköpruazniekku tuli 11. päiväle oraskuudu. Ga muallizes mieros säilyi perindö pidiä pruazniekkua 24. oraskuudu. 30. kevätkuudu vuvvennu 1990 Bolguarien Rahvahan kerähmön käskys 24. oraskuudu oli ilmoitettu virrallizekse pruazniekakse — Bolguarien opastuksen, kul'tuuran da slavjuanoin kirjukielen päiväkse.

Tänäpäigi Bolguaries pruazniekkupäiviä vaste školis da kirjastolois pietäh kirjaimile omistettuloi pruazniekkoi da tiedokilboi. Školaniekat elävis kukis pletittylöil venkoil čomendetah Kirillan da Mefoudien portrietat. Sidä paiči tiedoalan rahvas, yliopistoloin da školien opastajat vietäh venkoi da kukkii Kirillan da Mefoudien paččahilluo.

Tavan mugah pruazniekan nimeh pietäh muudugi kul’tuurupiduo, sanakse, Sofias Rahvahan Dvoršas pietäh Taidosalon -nimisty piduo, kirjoin jarmankoi, runoloin lugemizii, kirjuozutteluloi da tostu^[9].

Ristukierdo Novosibirskas slavjuanoin kul’tuuran da kirjukielen päivänny (vuozi 2009)
Pyhien Kirillan da Mefoudien kumardusristu (Saratovan linnu), avattu 24. oraskuudu vuvvennu 2006.
Pyhien Kirillan da Mefoudien mustopačas Saratovas. Avattu 23. oraskuudu vuvvennu 2009
Pruazniekan tunnusmerki, Kolomnu, vuozi 2007
Konsertu Moskovas, Ruskei lagevo, vuozi 2015

Valgo-Ven'al

Slavjuanoin kirjukielen da kul'tuuran päivänny Valgo-Ven’al pietäh pruazniekkuseremounieloi, kudamih yhtytäh toizien mualoin diplomuatat. Niilöin piendypaikannu on Minskan Pyhien Duuhoin kirikkö. Sinäpiän muas pietäh Jumalallizii liturgieloi, kult’uurizii da yhteiskunnallizii pidoloi. Kirjastolois, školis da yliopistolois pietäh tiijollizii opastuskonferensieloi, palkitah kirjuttajii, järjestetäh vastavuksii literatuururahvahienke^[10].

Čeehies da Slovuakies

Taza-arvozien pyhien Kirillan da Mefoudien päiviä libo Slavjuanoin kirjukielen pruazniekkua (slov. Sviatok svätého Cyrila a svätého Metoda, čeeh. Den slovanských věrozvěstů Cyrila a Metoděje) Slovuakies da Čeehies pietäh 5. heinykuudu. Tavan mugah kirikkölöis sinäpiän pietäh pruazniekkukirikkösluužbii. Monis linnois järjestetäh konferensieloi da yhteiskunnallizii pruazniekkupidoloi^[11].

Pohjazes Makedounies

Pohjazes Makedounies pruazniekan virralline nimi on Kaikkien slavjuanoin tiijonandajien da opastajien päivy (maked. Ден на сесловенските просветители и учители) libo Pyhien Solunskoin velleksien pyhien Kirillan da Mefoudien päivy (maked. Ден на Светите браќа на Солун, Свети Кирил и Методиј). Tavan mugah päivy algavuu Pohjazen Makedounien piäministran tervehtyssanois omuan muan kanzalazile.

Piäpidoloi järjestetäh Ohridas: jo huondekses Vančo Pitošeskoin nimizes keskiškolas Ohridan kunnan keskiškolien opastujien keskes pietäh minijalgumiäččy -ottelusarjua. Piäseremounii Kaikkien slavjuanoin tiijonandajien da opastajien päivän nimeh pietäh Kirillan da Mefoudien paččahalluo linnanpuustos, sen järjestäjinny on linnanhaldivo. Pruazniekkah tullah kul’tuuru- da opastusalan ruadajat, opastujat, yhteiskunnallizien yhtistyksien da poliittizien partieloin rahvas, kuduat heitetäh paččahalluo kukkua^[12].

Moldovan tazavallas

Enzipäivän konvertu, omistettu Slavjuanoin kirjukielen da kul'tuuran päivile

Joga vuottu 24. oraskuudu Moldovan tazavallas pruaznuijah Slavjuanoin kirjukielen da kul’tuuran päivii (mold. Зилеле скриерии ши културии славе). Vuvvennu 1994 pruazniekku luajittih valdivollizekse^[13]. Pyhien Kirillan da Mefoudien mustole omistettuloi enzimäzii pruazniekkupidoloi piettih vuvvennu 1990 Tiraspol’an linnan keskuskirjastolluo^[14].

Kahten pyhien Kirillan da Mefoudien nimi annettih T.G. Ševčenkon nimizen Pridnestrovjan valdivollizen yliopiston (ven.) (olo. kul’tuuru- da opastuskeskuksele^[14], sego Dnestrovskan kiriköle.

Vuvvennu 1999 ven. "Марка Приднестровья" -unitarine valdivonlaitos piästi ilmoih poštumarkan, kuduan omisti Slavjuanoin kirjukielen da kul'tuuran päivile.

Vuvvennu 2011 13. — 25. oraskuudu Pridnestrovjas piettih Slavjuanoin kirjukielen da kul'tuuran päivile omistettuloi pruazniekkupidoloi. Sinäpiän järjestettih tiemuattizii ozutteluloi, konsertu- da veseldysprogrammoi, kirikkölöis - liturgieloi, luvendoloi da literatuuran lugemizii, teatruspektakliloi, kul’tuuru- da opastuslatoksis - tiijollis-praktiekallizii konferensieloi ^[15].

Vuvvennu 2013 Dnestrovskan kirikön oččuseinäh oli azetettu da pyhitetty pyhien taza-arvozien apostoloin Kirillan da Mefoudien slavjuanoin aberin 1150-vuozipäivän mustolaudu^[16].

Huomavukset

↑ ¹ ² ³ ⁴ Гавришева, А. День славянской письменности и культуры: история и традиции праздника (неопр.). Газета. ру (21. oraskuudu 2024). Kačondan päivymiäry: 25. sulakuudu 2025.
↑ ¹ ² Воловатов, В. Где празднуют День славянской письменности и культуры (неопр.). Парламентская газета (24. oraskuudu 2020). Kačondan päivymiäry: 25. sulakuudu 2025.
↑ ¹ ² Зарбалиева, М. День славянской письменности и культуры 2025: история и традиции праздника (неопр.). Комсомольская правда (2024). Kačondan päivymiäry: 25. sulakuudu 2025.
↑
1. REDIRECT Šablonu:Citeweb
↑ Имидж 3 (неопр.). Kačondan päivymiäry: 12. elokuudu 2006. Arhiviiruittu 10. kevätkuudu 2007
↑ День славянской письменности и культуры. Прямая трансляция из Новочеркасска
↑ Дни славянской письменности обоснуются в Москве Arhiivukoupii 13 kevätkuudu 2009 Wayback Machine. Лента. Ру
↑ Концертом на Красной площади отметили День славянской письменности и культуры (неопр.). Мос. ру (25. oraskuudu 2023). Kačondan päivymiäry: 25. sulakuudu 2025.
↑ 24 мая — День святых братьев Кирилла и Мефодия, болгарской азбуки, просвещения, культуры и славянской письменности (неопр.). Жизнь в Болгарии (16. ligakuudu 2024). Kačondan päivymiäry: 25. sulakuudu 2025.
↑ В Минске пройдут торжества в честь дня памяти равноапостольных Мефодия и Кирилла и Дня славянской письменности и культуры (неопр.). Официальный портал Белорусской Православной Церкви (21. oraskuudu 2024). Kačondan päivymiäry: 25. sulakuudu 2025.
↑ Трухачёв, В. Чехия, Словакия и Словения хранят наследие Кирилла и Мефодия (неопр.). Международная общественная организация "Всемирный Русский Народный Собор". Kačondan päivymiäry: 25. sulakuudu 2025.
↑ ОХРИД СЕ ПОКЛОНИ ПРЕД СВЕТИКЛИМЕНТОВИТЕ УЧИТЕЛИ Arhiivukoupii 6 kevätkuudu 2016 Wayback Machine
↑ О РЕСПУБЛИКАНСКИХ ДНЯХ КУЛЬТУРЫ И ИСКУССТВА (рус.) (25. tuhukuudu 1994). Kačondan päivymiäry: 29. oraskuudu 2013. Arhiviiruittu 29. oraskuudu 2013
↑ ¹ ² В ПРИДНЕСТРОВЬЕ ПРОХОДЯТ ДНИ СЛАВЯНСКОЙ КУЛЬТУРЫ И ПИСЬМЕННОСТИ (ven.). Arhiviiruittu 25 kevätkuudu 2016 . Kačondan päivymiäry: 29. oraskuudu 2013.
↑ Александр Комаров. Дни Славянской письменности в Приднестровье будут отмечать почти две недели (ven.) (27 апреля 2011). Arhiviiruittu 24 oraskuudu 2013 . Kačondan päivymiäry: 29. oraskuudu 2013.
↑ В Днестровске стартовали Дни славянской письменности (ven.) (24 мая 2013). Arhiviiruittu 18 sulakuudu 2014 . Kačondan päivymiäry: 29. oraskuudu 2013.

Kirjalližus

Бакула, В., Коренева, А., Саватеева, О. и другие. День славянской письменности и культуры в системе работы по гражданско-патриотическому и духовно-нравственному воспитанию студентов // Высшее образование сегодня. — 2022. — № 1—2.
Волкова, Н. А., Новикова, О. В., Орехова, Т. И. Совершенствование коммуникативных компетенций в рамках празднования Дня славянской письменности и культуры // Мир науки, культуры, образования. — 2017. — № 1 (62).
Лешкова, О. О. День славянской письменности и культуры: на филологическом факультете МГУ // Вестник Московского университета. Серия 9. Филология. — 2011. — № 1.
Первова, Г. М. Мысли вслух в день славянской письменности и культуры // Неофилология. — 2018. — № 13.

Linkat

Статья о святых равноапостольных Кирилле и Мефодии на сайте Президентской библиотеки

[:0-1] ¹ ² ³ ⁴ Гавришева, А. День славянской письменности и культуры: история и традиции праздника (неопр.). Газета. ру (21. oraskuudu 2024). Kačondan päivymiäry: 25. sulakuudu 2025.

[:1-2] ¹ ² Воловатов, В. Где празднуют День славянской письменности и культуры (неопр.). Парламентская газета (24. oraskuudu 2020). Kačondan päivymiäry: 25. sulakuudu 2025.

[:2-3] ¹ ² Зарбалиева, М. День славянской письменности и культуры 2025: история и традиции праздника (неопр.). Комсомольская правда (2024). Kačondan päivymiäry: 25. sulakuudu 2025.

[4] 
REDIRECT Šablonu:Citeweb

[5] REDIRECT Šablonu:Citeweb

[5] Имидж 3 (неопр.). Kačondan päivymiäry: 12. elokuudu 2006. Arhiviiruittu 10. kevätkuudu 2007

[6] День славянской письменности и культуры. Прямая трансляция из Новочеркасска

[7] Дни славянской письменности обоснуются в Москве Arhiivukoupii 13 kevätkuudu 2009 Wayback Machine. Лента. Ру

[8] Концертом на Красной площади отметили День славянской письменности и культуры (неопр.). Мос. ру (25. oraskuudu 2023). Kačondan päivymiäry: 25. sulakuudu 2025.

[9] 24 мая — День святых братьев Кирилла и Мефодия, болгарской азбуки, просвещения, культуры и славянской письменности (неопр.). Жизнь в Болгарии (16. ligakuudu 2024). Kačondan päivymiäry: 25. sulakuudu 2025.

[10] В Минске пройдут торжества в честь дня памяти равноапостольных Мефодия и Кирилла и Дня славянской письменности и культуры (неопр.). Официальный портал Белорусской Православной Церкви (21. oraskuudu 2024). Kačondan päivymiäry: 25. sulakuudu 2025.

[11] Трухачёв, В. Чехия, Словакия и Словения хранят наследие Кирилла и Мефодия (неопр.). Международная общественная организация "Всемирный Русский Народный Собор". Kačondan päivymiäry: 25. sulakuudu 2025.

[12] ОХРИД СЕ ПОКЛОНИ ПРЕД СВЕТИКЛИМЕНТОВИТЕ УЧИТЕЛИ Arhiivukoupii 6 kevätkuudu 2016 Wayback Machine

[13] О РЕСПУБЛИКАНСКИХ ДНЯХ КУЛЬТУРЫ И ИСКУССТВА (рус.) (25. tuhukuudu 1994). Kačondan päivymiäry: 29. oraskuudu 2013. Arhiviiruittu 29. oraskuudu 2013

[autogenerated20130604-1-14] ¹ ² В ПРИДНЕСТРОВЬЕ ПРОХОДЯТ ДНИ СЛАВЯНСКОЙ КУЛЬТУРЫ И ПИСЬМЕННОСТИ (ven.). Arhiviiruittu 25 kevätkuudu 2016 . Kačondan päivymiäry: 29. oraskuudu 2013.

[15] Александр Комаров. Дни Славянской письменности в Приднестровье будут отмечать почти две недели (ven.) (27 апреля 2011). Arhiviiruittu 24 oraskuudu 2013 . Kačondan päivymiäry: 29. oraskuudu 2013.

[16] В Днестровске стартовали Дни славянской письменности (ven.) (24 мая 2013). Arhiviiruittu 18 sulakuudu 2014 . Kačondan päivymiäry: 29. oraskuudu 2013.

[18] REDIRECT Šablonu:Citeweb

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]