Uvvenvuvven bazarit Ven'al

Kustodijev "kuuzien myöndy"

Uvvenvuvven bazarit Ven'al on kuuzien da eriluaduzien uvvenvuvven tavaroin myöndykohtu, väliaigaine piädykauti uvvenvuvven puuloin — kuuzien, pedäjien da toizien myöndäh nähte luajittu kohtu.

Uvvenvuvven bazarit Ven'al on perindölline pido, kudai tavan mugah luajitah uvvenvuvven pruazniekkoi vaste uvvenvuvven puuloin, čomenduksien, lahjoin, mustomerkilöin, bobazien da toizien tavaroin myöndäh nähte^[1].

Uvvenvuvven bazariloin histourii Ven'al

Uvven Vuvven piendyperindöt

Uvven Vuvven piendyperindö ottau allun vuvven 1700 pakkaskuun 1. päiväs, Pedri I:n käskys uudeh vuozien lugemizeh nähte. Kaiken nedälin sit päiväs algajen pidi pidiä iluo, kävvä toine toizelluo gostih, a kodiloi čomendua havvupuuloin oksil — pedäjän, kuuzen, kadajan oksil. Kuuzen käyttämine uvvenvuvven puunnu ei kerras juurdunuh Ven'al. Tapahtui se jo Nikolai I:n aigah. Sanotah, ku sih oli vaikutannuh hänen akkah Aleksandra F'odorovna. Suuri kniäzitär Aleksandra F'odorovna (roindua myöte Prussien princessu Friderika Luiza Šarlotta Vil'gel'mina, germ. Friederike Luise Charlotte Wilhelmine von Preußen) pidi enzimäzen uvvenvuvven illačun kuuzahazenke rikkahien perehien lapsih nähte. Enzimäzet čomendetut kuuzet roittih meijän muas rikkahis talolois Rastavannu vuozinnu 1830—1840. А vuvvennu 1852 Piiterin erähäle azemale azetettih enzimäine erivärizil tilkuloil čomendettu kuuzi.^[2] Perindö azettua da čomendua kuuzi levii enzimäi dvorjuanon, sit kauppumiehien perehih. Muanruadajien da ruadajien perehis kuustu ei azetettu XX vuozisuan 30-vuozien puolivälissäh.

Uvvenvuvven bazarit Ven'al

Uvvenvuvven bazarit Ven'al roittih XIX vuozisuan puolivälis — enzimäi Piiteris, kuuzii myödih Aničkovan dvorčan pihas libo Jekaterinan savus.

Kuuzien enzimäzinny myöjinny oldih ven'avunnuot ulgomualazet — nemsat da šveicuarielazet. Tutkijat huomatah, ku Moskovas eräs enzimäzis bazarilois avattih XIX vuozisuan lopus, se oli Teatrulagevol, Bol'šoi-teatran lähäl.^[3] Eräs kuulužimis jarmankois oli Ohotnii r'ad -ostokeskukses.

Uvvenvuvven bazarit Nevvosto-Ven'al

Vuozien 1920 toizes puoliškos kuuzi pruazniekan simvolannu oli kielletty, nevvostovaldu nägi sit perindös mennyön aijan jiännöksii. Virrallizesti sit ei paistu, a kieldo sellitettih nenga, ku puuloi pidäy säilyttiä da meččii ei sua kuadua. Uvvessah kuuzii ruvettih myömäh 1930 vuozien puolivälis.^[4] Kuuzien hinnois vastai valdivo. Ezimerkikse, Moskovas talvikuul vuvvennu 1945 kuuzahaine metrissäh maksoi viizi rubl'ua, kaksimetrihine kuuzi maksoi jo 11 rubl'ua, kymmeneh metrissäh olijale uvvenvuvven puule hindu pandih 650 rubl'ua.^[5]

Uvvenvuvven bazariloin jevrouppalaine vero

Jevroupan mualois Uvvenvuvven bazariloi sanotah Rastavan bazariloikse, se on perindölline pido enne Rastavua Germuanies, Pol'šas, Avstries, Čeehies, Slovuakies, Vengries da toizis mualois. Rastavan bazaril ruatah myöndykohtat, kudamii luajitah linnan kovaliikkehellizis kohtis, piäuuličoil da lagevoloil. Ven'an Uvvenvuvven bazariloih verratunnu sie et lövvä myödävänny uvvenvuvven puuloi, ga sie myvväh perindöllizii Rastavan pastoksii, magevuksii, palavii juomii — glintveinua da punšua daigi hiilavii algusyömizii. Sie on äijy myöndykohtua, kus myvväh perindöllizii tavaroi: kuuzahazen čomenduksii, paikallizien neroniekkoin uvvenvuvven valmistehii.

Genrih Manizer "kuuzien myöndy"

Uvvenvuvven bazarit nygözes Ven'as

Ven'al XXI vuzoisual Uvvenvuvven bazarit suadih uvven kehityksen. Ostettavimii tavaroi niilöis ollah elävät puut. Niilöin hindu rippuu puun korgevuos, tuuhežuos da alguperäs. On huomattu, ku jälgivuozinnu ruvettih vähembän ostamah elävii puuloi, ga niilöi endizelleh ostetah äijy^[6].

Tavan mugah myömäh kuuzii linnois da kylis ruvetah talvikuun kolmandes ozas. Suuris linnois Uvvenvuvven bazariloi luajitah linnan joga mikroalovehel, puaksuh on mondugi myöndykohtua mikroalovehen kohtah. Myöndykohtii tämän kuukauzitavaran myöndäh nähte annetah paikallizet vallasolijat.

Moskovas vuvvennu 2023 Uvvenvuvven bazarit ruattih 20.-31. talvikuudu. Piälinnan kauppu- da palveluloin departuamentan lehtistöpalvelu ilmoitti, ku linnanke allekirjutettih sobimukset 106 Uvvenvuvven bazarin ruandas, laukois ruadoi — 139, kaikkiedah linnas myödih kuuzii 245 kohtas. Moskovalazet voidih ostua Permin, Kirovan alovehelpäi, Baškortostanan tazavallaspäi tuoduloi kuuzii, pihtoi Daaniespäi da Bel'giespäi, myödih sežo pedäjii da kuuzen varboi. Ižänmuan kuuzen keskihindu oli 1,4-1,6 tuhattu rubl'ua metris (vuvvennu 2022 — 1-1,3 tuhattu rubl'ua), ižänmuan pedäi maksoi 1,8-2 tuhattu rubl'ua metri, ulgomualaine pihtu — metri 6 tuhandes rubl'as algajen^[7].

Piiteris vuvvennu 2023 Uvvenvuvven bazariloi avattih 20. talvikuudu. Linnan vallasolijoinke sobimuksen allekirjutettuu ruadoi 64 myöndykohtua^[8].

Vuvvennu 2023 Kazanin eläjät voidih ostua uvvenvuvven kuuzen 1.-31. talvikuudu^[9], myädih niilöi 24 kohtas^[10]. Kuuzen hindu oli 1-10 tuhattu rubl'ua, pedäjän — metri 500 rubl'as algajen, pihtan — puu 2500 rubl'as algajen^[11].

Novosibirskas vuvvennu 2023 Uvvenvuvven bazarit avavuttih talvikuun allus da ruattih kaiken kuun. Kaikkiedah linnas ruadoi 32 virrallistu uvvenvuvven puuloin myöndykohtua^[12].

Jekaterinburgas vuvvennu 2023 talvikuun 15. päiväs algajen virrallizesti ruadoi kaheksa Uvvenvuvven bazarii^[13].

Nižnii Novgorodas vuvvennu 2023 Uvvenvuvven bazarit avavuttih 10. talvikuudu da ruattih talvikuun 31. päivässäh. Linnalazet voidih ostua kuuzii 9 myöndykohtas linnan kolmes mikroalovehes: Avtozavodan, Okanlähäzes da Nižnii Novgorodan mikroalovehes^[14].

Krasnojarskas vuvvennu 2023 enämbi 50 bazarii ruadoi talvikuun puolivälis algajen. Uvvenvuvven puu sai ostua 1,5 tuhandes rubl'as algajen^[15].

Čel'abinskan eläjih nähte vuvvennu 2023 luajittih 100 Uvvenvuvven bazarii^[16], которые работали с 16 по 31 декабря^[17].

Samaras vuvvennu 2023 Uvvenvuvven bazarit avavuttih 15. talvikuudu, kuuzii myödih 155 myöndykohtas^[18].

Ufas 15.-30. talvikuudu vuvvennu 2023 ruadoi 17 Uvvenvuvven bazarii^[19].

Rostov-na-Donu -linnas Uvvenvuvven bazarit ruattih 12.-31. talvikuudu 2023, linnan haldivon tiedoloin mugah sie myödih kuuzii 30 kohtas^[20].

Krasnoduaral Uvvenvuvven bazarit ruattih 15.-31. talvikuudu 2023^[21], linnas ruadoi 42 Uvvenvuvven bazarii^[22]

Omskas vuvvennu 2023 Uvvenvuvven bazarit ruvettih ruadamah 15. talvikuudu, linnan haldivollizis piirikunnis oli 88 myöndykohtua^[23].

Voronežas 79 Uvvenvuvven bazarii rubei ruadamah 19. talvikuudu 2023^[24].

Permis enzimäzet Uvvenvuvven bazarit avavuttih 15. talvikuudu vuvvennu 2023, linnas ruadoi 35 uvvenvuvven puun myöndykohtua. Kuuzi sai ostua 10.00-20.00 čuasun aigah^[25].

Volgogruadas vuvvennu 2023 Uvvenvuvven bazarit linnalazien hyväkse avattih linnan kaikis mikroalovehis, Volgogruadan haldivon tiedoloin mugah hyväksyttih 70 virrallistu kuuzien myöndykohtua^[26].

Huomavukset

Kirjalližus

Абазиева Камилла Григорьевна, Гончарова Светлана Николаевна, Гуденица Ольга Васильевна. Приоритетные направления развития потребительского рынка и сферы услуг города Ростова-на-Дону // Вестник Московского университета имени С. Ю. Витте. Серия 1: Экономика и управление. — 2018. — № 4 (27).

[1] Ёлочный базар — Фермерское хозяйство своими руками

[2] ttps://weekend.rambler.ru/read/51980270/?utm_content=weekend_media&utm_medium=read_more&utm_source=copylink

[3] Как праздновали Новый год и Рождество в XIX веке

[4] Душечкина Е. В. Русская елка. История, мифология, литература. 2-е изд. , перераб. И доп. СПб. : Издательство Европейского университета в Санкт-Петербурге, 2012. 360 с. https://cyberleninka.ru/article/n/dushechkina-e-v-russkaya-elka-istoriya-mifologiya-literatura-2-e-izd-pererab-i-dop-spb-izdatelstvo-evropeyskogo-universiteta-v-sankt.

[5] ttps://www.mos.ru/news/item/100632073/

[6] Спрос на живые ели упал, а цены на импортные добрались до 200 тысяч — МК

[7] В Москве открываются елочные базары — РИА Новости, 20.12.2023

[8] Сайт СПб ГКУ «Имущество Санкт-Петербурга»

[9] В Казани с 1 декабря официально открываются ёлочные базары — МК Казань

[10] ttps://www.kazan.kp.ru/online/news/5594789/

[11] В Казани заработали елочные базары: сколько стоит хвойный символ Нового года и где его купить

[12] В Новосибирске с 1 декабря заработают 32 елочных базара — МК Новосибирск

[13] ttps://newdaynews.ru/ekaterinburg/813375.html

[14] Девять елочных базаров откроют в трех районах Нижнего Новгорода 10 декабря — МК Нижний Новгород

[15] Открылись елочные базары: какие елки и за сколько можно купить в городах России — Российская газета

[16] Для челябинцев организуют сто ёлочных базаров — МК Челябинск

[17] В Челябинске начинают работать елочные базары

[18] В Самаре заработали елочные базары | ОБЩЕСТВО: События | ОБЩЕСТВО | АиФ Самара

[19] В Уфе заработали ёлочные базары. Их число увеличилось — Новости Уфы и Башкирии — Медиакорсеть

[20] ttps://www.rostov.kp.ru/online/news/5573928/

[21] В ТЦ и гипермаркетах Краснодара с 15 декабря откроются елочные базары. 29 ноября 2023 г. Кубанские новости

[22] В Краснодаре будут работать 42 елочных базара и 16 палаток по продаже украшений — Коммерсантъ Краснодар

[23] В Омской области в середине декабря откроются 88 елочных базаров — МК Омск

[24] ttps://voronezh-city.ru/communications/announcement/detail/46819/

[25] Стало известно, когда и где откроют ёлочные базары в Перми и крае | ОБЩЕСТВО | АиФ Пермь

[26] ttps://vlg-media.ru/2023/12/06/v-volgograde-gotovyatsya-k-otkrytiyu-bolee-70-elochnyh-bazarov/

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

[25]

[26]