V'ačeslav Orfinskii

V'ačeslav Petrovič Orfinskii
Roindupäivy	29. sulakuudu 1929(1929-04-29)
Roindupaikku	Petroskoi
Kuolendupäivy	2024(2024-09-02) (95 vuottu)
Mua	Ven'anmua
Tiedoala	arhitektuuran histourii, arhitektuuru, etnogruafii
Ruadokohtu	Petroskoin valdivonyliopisto
Opastus	Moskovan arhitektuuruinstituuttu[d]
Oppiarvo	professoru Ven'an arhitektuuran da rakendustiedoloin akadiemien akadiemiekku
Tiedoarvonimi	arhitektuuran douhturi
Tundiettu kui	Ven'an pohjazen rahvahan puuarhitektuuran tutkijannu
Arvonimet da palkindot	D. S. Lihačovan nimizen fondan palkindo[d] (2007)
Медиафайлы на РУВИКИ.Медиа

V'ačeslav Petrovič Orfinskii (2024) on arhitektoru, tiedomies, opastai, publicistu. Kuulužu Ven'an pohjazen rahvahan puuarhitektuuran azientiedäi. Uvven tiedoalan — etnoarhitektuuruopin — alguhpanii.

Eloskerdu

Oli roinnuhes vuvvennu 1929 Petroskois.

Vuvvennu 1948 loppi Petroskoin arhitektuurutehnikuman.

Vuvves 1950 algajen V. P. Orfinskii oli histourii- da arhitektuurututkimusmatkoin alallizennu ozanottajannu da luadijannu, niilöin aigah tarkah tutkittih Lapis.

Vuvvennu 1954 loppi Moskovan arhitektuuruinstituutan.

Algoi ruavon ven. «Карелгражданпроект» -projektuinstituutas (vuvvet 1954—1970) da sit jatkoi Petroskoin valdivonyliopistos, kus vuvvennu 1972 perusti arhitektuuran laitoksen.

Vuozinnu 1962—1975 oli Ven'an federatiivizen socialistizen nevvostotazavallan Arhitektoroin liiton Karjalan ozaston piälikönny.

Vuvves 1970 oli Petroskoin valdivonyliopiston konstrukcieloin da arhitektuuran laitoksen, arhitektuuran da gruafiekan laitoksen opastajannu. Vuvves 1997 algajen oli Petroskoin valdivonyliopiston rahvahan puuarhitektuuran tiedotutkimusinstituutan johtajannu.

Vuvvennu 1996 Orfinskii rodih puuarhitektuuran tutkimizen laboratourien, kudamas vuvvennu 1997 luajittih Ven'an arhitektuuran da rakendustiedoloin akadiemien arhitektuuran teourien da histourien tiedotutkimusinstituutan ozasto Petroskoin valdivonyliopiston tyves — Rahvahan puuarhitektuuran histouriiteoriellizien probliemoin tiedotutkimusinstituuttu. Se rodih Karjalan tazavallas perindöllizen rahvahan kul'tuuran ei-virrallizekse monitiijollizekse tutkimuskeskuksekse.

Sit vuvves lähtijen ihan kuolendassah V. P. Orfinskii oli jogavuodizien kompleksututkimusmatkoin johtajannu Karjalan da lähialovehien rahvahan kul'tuuran tutkimizes.

Orfinskii on arhitektuuran da etnogruafien ristavukses olijan uvven tiedoalan — etnoarhitektuuruopin — luadijannu.

Vuozinnu 1960 Orfinskii oli Petroskois rahvahan sovvanduškolan erähii luadijoi. Tämä ruado tapahtui Karelprojektan alazennu da Orfinskoin johtol soudajat äijän kerdua roittih Karjalan čempionoikse, otettih ozua Nevvostoliiton rahvahien spartakiadoih, Orfinskii valmisti mondu enzimäzen razr'uadan sportumiesty. В 1950-е годы В. Орфинский являлся заместителем совета физкультуры при Карелпроекте, а также будучи спортсменом-разрядником руководил шахматным кружком учреждения.

V'ačeslav Orfinskii kuoli 2024 95 vuvven ijäs.

Palkindot da arvonimet

• Toizen astien ven. За заслуги перед Отечеством -kunnivomerkin medali (1997).
• Karjalan avtonoumizen socialistizen nevvostotazavallan tiedoalan arvostettu ruadai (1989),
• Karjalan avtonoumizen socialistizen nevvostotazavallan valdivollizen palkindon laureattu (1984, 1988) da Karjalan tazavallan valdivollizen palkindon laureattu (2006),
• Ven'an Federacien ammatillizen korgeiškolaopastuksen kunnivoittu ruadai (2004),
• Kogo Ven'an histourien da kul'tuuran mustomerkilöin suojeluyhtistyksen kunnivojäsen,
• Petroskoin kunnivokanzalaine (2014),
• Karjalan tazavallan kunnivokanzalaine (2021).

Bibliogruafii

V'ačeslav Orfinskii on enämbän migu 230 tiedoruavon, popul'uarutiijollizien da publicistiekkuruadoloin kirjuttajannu ižänmuallizis da ulgomualazis julgavolois, niilöin joukos on 11 monogruafiedu, kudamis viizi ollah kollektiivuruadoloinnu.

• Деревянное зодчество Карелии. Л., 1972;
• Вековой спор. Типы планировки как этнический признак (на примере поселений Русского Севера) // Советская этнография. 1989. № 2;
• Загадки храмов Софии — Премудрости Божией // Архитектура в истории русской культуры. М., 1996;
• Народное деревянное культовое зодчество Российского Севера (истоки и импульсы развития) // Архитектурное наследство. М., 1996. Вып. 41; * К вопросу о типологии этнокультурных контактов в сфере архитектуры (на примере Российского Севера) // Фольклорная культура и её межэтнические связи в комплексном освещении. Петрозаводск, 1997;
• Село Суйсарь: история, быт, культура. Петрозаводск, 1997 (в соавт.);
• Некрокультовые сооружения Российского Севера в контексте христианско-языческого синкретизма // Народное зодчество. Петрозаводск, 1998.
• Логика красоты //Карелия, 1982
• Закономерности развития архитектуры // Стройиздат, 1987

Pereh

• Akku — Raisa Ivanovna Orfinskaja (Pol'akova) (roinduvuozi 1931)
• Tytär — Ol'ga V'ačeslavovna Orfinskaja (roinduvuozi 1958), histourientutkii.
• Poigah — Andrei V'ačeslavovič Orfinskii (roinduvuozi 1956)

Kirjalližus

• Карелия: энциклопедия: в 3 т. / гл. ред. А. Ф. Титов. Т. 2: К — П. — Петрозаводск: ИД «ПетроПресс», 2009. С. 330—464 с.: ил., карт. ISBN 978-5-8430-0125-4 (т. 2)

Linkat

• Слово об Учителе. Вячеславу Петровичу Орфинскому — 85!