Vasilii Bogdanov
| Vasilii Vasiljevič Bogdanov | |
|---|---|
 | |
| Roindupäivy | 12. elokuudu 1945 |
| Roindukohtu | Suurimägi, Anuksen kanzalline piiri, Karjalan avtonoumine socialistine nevvostotazavaldu, Nevvostoliitto |
| Kuolendupäivy | 20. talvikuudu 2024 (79 vuottu) |
| Kuolendukohtu | Anuksenlinnu, Anuksen kanzalline piiri, Karjalan tazavaldu |
| Kanzalližus |
 Nevvostoliitto,  Ven'anmua |
| Toimindu | poliitiekku, edustaja |
Vasilii Vasiljevič Bogdanov (12. elokuudu vuvvennu 1945 — 20. talvikuudu vuvvennu 2024) on poliitiekku, Karjalan avtonoumizen socialistizen nevvostotazavallan Korgeviman Nevvoston XII kučundukerähmön da Karjalan tazavallan Zakonoinluajindukerähmön deputuattu[1].
Eloskerdu
Oli roinnuhes 12. elokuudu vuvvennu 1945 Anuksen piirin Suurenmäin kyläh. Oli karjalaine.
Loppi Moskovan Partien korgeiškolan da Yhteiskundutiedoloin akadiemien Nevvostoliiton kommunistizen partien tyves.
Algoi ruavon Videlen meččyruadokeskukses.
Sluuži armies, ruadoi Nevvostoliiton kommunistizen partien Anuksen piirikomitietan instruktorannu, Mägrien souhozan partiiozaston sekretarinnu.
Oraskuul vuvvennu 1987 händy vallittih Nevvostoliiton kommunistizen partien Anuksen piirikomitietan enzimäzekse sekretarikse.
Vuvvennu 1990 Bogdanovua vallittih Karjalan avtonoumizen socialistizen nevvostotazavallan Korgeviman Nevvoston XII kučundukerähmön deputuatakse. Kuului Korgeviman Nevvoston Prezidiumah.
Oli Karjalan tazavallan Zakonoinluajindukerähmön I kučundukerähmön deputuatannu, sie Tazavallan Paluatas kuului Valdivollizen rakendehen, paikallizen ičehallindon da kanzallizen poliitiekan komitiettah.
Häi oli se mies, kudai vuvvennu 1996 andoi meijän parluamentah kačottavakse kielizakonan projektan, kudaman mugah karjalan kieli voinnus roita valdivonkielekse Karjalas.Ol'ga Ogneva, Viestit-Karjala
Eläkkehele lähtiettyy eli Anuksenlinnas.
Kuoli 20. talvikuudu vuvvennu 2024 Anuksenlinnas.
Pereh
Akkah — Aleksandra Bogdanova. Yhtes kazvatettih kolme lastu[2].