Vasilii Lazarev

RUWIKIS on kirjutustu toizis ristikanzois sugunimenke Lazarev.

Vasilii Ivanovič Lazarev
Roindupäivy	1. pakkaskuudu 1924(1924-01-01)
Roindukohtu	Suopossalmi, Kalevalan piiri, Karjalan tazavaldu, Nevvostoliitto
Kuolendupäivy	4. syvyskuudu 2000(2000-09-04) (76 vuottu)
Kuolendukohtu	Kostamus, Karjalan tazavaldu, Ven'a
Kuulundu	Nevvostoliitto
Voiskien laji	jalguvägi
Palvelun vuvvet	1942—1947
Arvonimi	gvardien vahnembi
Torat/voinat	Suuri Ižänmualline voinu
Palkindot

Vasilii Ivanovič Lazarev (1. pakkaskuudu 1924 — 4. syvyskuudu 2000) on gvardien vahnembi, tiijustelii, Mainehkunnivomerkin tävvelline kavalieru.

Eloskerdu

Oli karjalaine. Vuvvennu 1936 loppi alguškolan da rubei ruadamah Uhtuon meččytalovuslaitokses.

Syvyskuul vuvvennu 1942 Lazarevua otettih armieh ammunduozaston piälikkölöin kursiloile, kudamien loppiettuu händy työttih Stalingruadah, kus häi rubei kuulumah 86. gvardien ammundudiviizien 263. gvardien polkan erillizeh routtah. Otti ozua Nikolajev-, Odessa-, Kišin'ov-linnoin bojuloih, Dnepran ylittämizeh, Rumiinien, Avstrien, Vengrien piästämizeh.

Odesan bojulois 10. sulakuudu vuvvennu 1944 tiijusteluruadolois olles nägi viizi piettyjiä vihollistu. Maltajen da peitoči heijän luo tulduu ambui avtomuataspäi kaksi vihollistu da kolme otti plenah, min periä sai medalin "Rohkevuos".

Budapeštan luo kylmykuul vuvvennu 1944 ozastoh kuulujannu otti plenah kuuzi ambujua, min periä sai III astien Mainehkunnivomerkin.

Pakkaskuul vuvvvennu 1945 Dunai-jovel suajes yhtyvytty diviizielöin välis tapoi kaksitostu vihollizen saldattua, min periä sai II astien Mainehkunnivomerkin.

Pakkaskuul vuvvennu 1945 Avstries valloitusjoukkoh kuulujannu Lazarev miinupellon kauti puutui vihollizen tagavoh, hävitti vihollizen ozaston da pulem'outtukohtan, min periä sai I astien Mainehkunnivomerkin.

Loppi voinan Čehoslovuakies.

Armiespiästön jälles sulakuul vuvvennu 1947 tuli järilleh Karjalah, eli Jyškyjärven kyläs, ruadoi parzienuittokantoras.

Kuoli 4. syvyskuudu vuvvennu 2000 Kostamukses.

Palkindot

• Mainehkunnivomerki: III astienи (28.11.1944, № 160233), II astien (02.02.1945 № 7238), I astien (15.05.1946 №1583)
• Ižänmuallizen voinan 1. astien kunnivomerki (11.03.1985).
• Medali "Rohkevuos"(22.04.1944).
• Medali "Germuanien voitandas Suuren Ižänmuallizen voinan aigah vuozinnu 1941-1945"]].
• Nevvostoliiton vuozipäivymedalit.

Kačo ližäkse

• Mihail Kononov

Kirjalližus

• Кавалеры ордена Славы трех степеней: Краткий биографический словарь / Пред. ред. коллегии Д. С. Сухоруков. — М.: Воениздат, 2000.
• Лазарев В. И. [Некролог] // Северный курьер. — 2000. — 7 сент.

Huomavukset

Linkat

• Vasilii Lazarev (рус.). Muan urhomiehet -verkosivusto.
• [https://web.archive.org/web/20160304190922/http://pobeda.gov.karelia.ru/Cronicle/lazarev.html Из наградного листа