Ven'alazen kinon päivy

Ven'alazen kinon päivy
Ven'alazen kinon päivy
Päivymiäry	27. elokuudu
	Медиафайлы на РУВИКИ.Медиа

Ven'alazen kinon päivy on Ven'an Federacien kinonluadijoin da kinonsuvaiččijoin ammatilline pruazniekku, kudamua pietäh 27. elokuudu.

Pruazniekan histourii

Enzimäine kinonozutandu oli Ven'an valdukunnas 16. oraskuudu vuvvennu 1896 4. (16.) oraskuudu vuvvennu 1896 Piiterin Akvarium-savus^[1]. 2. (15.) ligakuudu vuvvennu 1908 enzikerdua ozutettih kaheksaminuuttahine Ven'al luajittu fil'mu ven. «Понизовая вольница». Ohjuajan Vladimir Romaškovan kino (Stepan Razinah nähte ven'alazen rahvahan pajon mugah ven. «Из-за острова на стрежень») oli avannuh ven'alazen kinon aijanluvun^[2]. 27. elokuudu vuvvennu 1919 Ven'an federatiivizen socialistizen nevvostotazavallan Rahvahien komissuaroin nevvosto hyväksyi dekrietän kinoruavon nacionalizacies (maksamattoman ekspripriacien kauti). Sit päiväs algajen kai Ven'an federatiivizen socialistizen nevvostotazavallan foto- da kinonluajindukauppu da -tevolližus, kinoteatratgi ruvettih kuulumah Opastuksen rahvahankomissariuattah^[3].

Nevvostoliiton Korgeviman Nevvoston Prezidiuman vuvven 1980 ligakuun 1. päivän käskyn № 3018-X mugah "Pruazniekku- da mustopäivis", Nevvostoliiton Korgeviman Nevvoston vuvven 1988 kylmykuun 1. päivän käskyn № 9724-XI redakcies "Muutoksis Nevvostoliiton zakonoinluajindah pruazniekku- da mustopäivis" (31. oraskuudu vuvvennu 2006 nämmä käskyt kaimattih oman vallan^[4]) oli pandu alguh nevvostolazen kinon päivän piendy.

Vuvven 1980 käskyn mugah (kačo ylembä) pruazniekal oli "Nevvostolazen kinon päivy", a vuvven 1988 käskyn mugah — "Kinon päivy. Perestroikan vuozinnu pruazniekkua ruvettih sanomah "Ven'an kinon päiväkse", a oman nygözen nimen "Ven'alazen kinon päivy" se sai jälles Nevvostoliiton häviendiä.

Pruazniekan piendypäiviä puaksuh muutettih. Enzimäi se siirrettih talvikuun 28. päiväkse, yhtistettih Kanzoinvälizen kinon päivänke. Sit kanzallizennu pruazniekannu Ven'alazen kinon päiviä voibi sanuo ei roinnuh. Nenga oli vuodessah 2001, kuni Ven'an Federacien kinonluajindupalvelus ei piätetty, ku ven'alazel kinematograffal pidäy olla oma pruazniekku.

Ven'an kinematografistoin liiton piälikkö Nikita Mihalkov oraskuul vuvvennu 2002 kehoitti pidiä pruazniekkua syvyskuun jälgimäzenny piätteniččän, konzu pietäh Kinematogruafien taijon da tiijon kanzallizen akadiemien Kuldaine kotku (ven. «Золотой орёл») -palkindon juandua^[5]. Ga tädä kehoitustu ei kannatettu vallasolijat da Ven'alazen kinon päiviä ruvettih iellehgi pidämäh 27. elokuudu.

Kačo ližäkse

Kinon päivy.

Huomavukset

↑ Н. А. Лебедев. Глава 1. Кинематограф в дореволюционной России (1896-1917) (рус.). Очерки истории кино СССР. «Библиотекарь». Kačondan päivymiäry: 5. sulakuudu 2015. Arhiviiruittu 23. syvyskuudu 2015
↑ Сегодня — день российского кино
↑ День российского кино: история и традиции празднования. Справка
↑ РОСПРОМ — Федеральное агентство по промышленности (недоступная ссылка)
↑ Никита Михалков учредил День российского кино

[1] Н. А. Лебедев. Глава 1. Кинематограф в дореволюционной России (1896-1917) (рус.). Очерки истории кино СССР. «Библиотекарь». Kačondan päivymiäry: 5. sulakuudu 2015. Arhiviiruittu 23. syvyskuudu 2015

[NewsVO-2] Сегодня — день российского кино

[3] День российского кино: история и традиции празднования. Справка

[4] РОСПРОМ — Федеральное агентство по промышленности (недоступная ссылка)

[Lenta.ru_2002-5] Никита Михалков учредил День российского кино

[1]

[2]

[3]

[4]

[5]