Voiton aigu

Voiton aigu
festivuali[d]
Начало проведения	2019
Sijoittumine
Piendypaikku	Moskovu
Mua	Ven'a
Verkosivusto	времяпобеды.рф

Voiton aigu (ven. Вре́мя Побе́ды) on kanzoinväline festivuali-kilbu, kudai on omistettu nevvostolazen rahvahan Suures Ižänmuallizes voinas urhotevon mustole. Sidä pietäh vuvves 2019 Moskovas. Piänominaciet sit ollah: vokualutaido, horeogruaffine taido da teatralline taido.

Histourii

Festivuali pandih alguh vuvvennu 2019 muston Suures Ižänmuallizes voinas taijon avul iguzeh mustoh panemizekse. Alguhpanon vuoh kannatetah luomisruavon projektoi, kudamat on omistettu nevvostolazen rahvahan urhotevole da nuores polves ižänmuansuvaičuksen kazvattamizele. Festivualii pietäh joga vuottu Moskovas.

Vuvvennu 2023 festivuali sai abudengua Piämiehen kul’tuuralguhpanoloin fondaspäi, sen periä festivualih yhtyi uuttu ozanottajua da kilbupidoloin luadu äijäl pareni.

Kuvailu

Voiton aigu -festivualis on kaksi ozua: valličusozas da loppuoza, kudamas pidäy ezittyö ičel. Kilvas on kolme piänominaciedu:

• Vokualutaido: pajatetah voinale da Voitole omistettuloi pajoloi, luguh ottajen nevvostolazien säveldäjien tevoksii, moizien kui Aleksandra Pahmutova libo Mark Fradkin.
• Horeogruaffine taido: ezitetäh tansiloi, kudamis kuvastutah Suuren Ižänmuallizen voinan tapahtumat, luguh ottajen rahvahan da nygyaiagazii tansiloi.
• Teatralline taido: druamuozutukset libo histouriellizien tapahtumien pohjale libo soda-aihiellizien kirjalližustevoksien mugah luajitut ozutukset, ezimerkikse, Konstantin Simonovan tevoksien mugah.

Valličusozua pietäh online-muvvos 29. kevätkuudu — 25. sulakuudu. Ozanottajat työtäh pakičuksii virrallizen verkosivuston kauti, ezitetäh omien ezityksien videoloi. Loppuozua pietäh Moskovas oraskuun allus, tavan mugah Voiton päiviä vaste.

Festivualin luadijoinnu ollah Muuzikkukul’tuuran da -taijon kannattamizen da kehittämizen kuhkutusb’uro, ven. ООО «Звезда Медиа» da Valentina da Ramara Kidinovoin nimine hyvyönluajindufondu ven. «География сердца».

Festivuali kannattau eri-igähizii ozanottajii. Arvostelujoukkoh kuulutah kul’tuurualan toimijat, hyö arvostetah ezityksii taidoilmekkähyön kritierieloin mugah.

Festivualin loppuoza pietäh Moskovas oraskuun enzimäzinny päivinny. Valličusozas piässyöt ozanottajat ezitetäh omii ezityksii arvostelujoukon ies kolmes nominacies.

Festivualin piätapahtumannu on gala-konsertu, kudamas ezitytäh laureatat da kučutut artistat. Konsertas pietäh palkičuspiduo, kudamas voittajat suajah lahjoi, diplomoi da mustopalkindoloi.

Festivualih kuuluu opastuspiduogi, ezimerkikse, kuulužat taidoalan toimijat pietäh muasteripajoi.

Ozanotandu

Festivualih ozanottamizekse pidäy ilmoittuakseh sih virrallizen verkosivuston kauti. Sih kuuluu kyzelylistän täyttämine da ezityksen videon työndämine, kudai olis omistettu Suuren Ižänmuallizen voinan aihiele. Festivualin luadijat kačotah pakičustu kahten ruadopäivän aigah da otetah yhtevytty ozanottajah hyväksyndäh nähte.

Festivualih voijah ottua ozua eri-igähizet, ammatillizet da ei-ammattilizet rahvas.

Huomavukset

Linkat

• Официальный сайт фестиваля «Время победы» (рус.). Kačondan päivymiäry: 21. sulakuudu 2025.
• Президентский фонд культурных инициатив (рус.). Kačondan päivymiäry: 21. sulakuudu 2025.
• Фестиваль "Время Победы"
• В Кабардино-Балкарии прошел патриотический фестиваль "Время Победы"