Zil'ber Anatolii Petrovič

Anatolii Petrovič Zil'ber
Roindupäivy	13. tuhukuudu 1931(1931-02-13)
Roindupaikku	Zaporožje[d], Ukrainan socialistine nevvostotazavaldu[d]
Kuolendupäivy	25. sulakuudu 2023(2023-04-25) (92 vuottu)
Kuolendupaikku	Petroskoi
Mua	Nevvostoliitto →  Ven'anmua
Tiedoala	Anesteziolougii, patolougine fiziolougii
Ruadokohtu	Petroskoin valdivonyliopisto
Opastus	Piiterin valdivolline liečetiijolline yliopisto (1954)
Oppiarvo	Liečetiedoloin douhturi
Tiedoarvonimi	professoru
Arvonimet da palkindot

Anatolii Petrovič Zil'ber (ven. Анато́лий Петро́вич Зи́льбер; 13. tuhukuudu 1931, Zaporožje^[d], Ukrainan socialistine nevvostotazavaldu^[d] — 25. sulakuudu 2023, Petroskoi) on Nevvostoliiton da Ven'an liäkäri, monipuolizen terapien, anestezii- da tehohoidopalvelun ohjuaju Karjalas (ITAR). Kriizissutilan liečetiijon koncepcien kirjuttai (1989).

Ven'an federatiivizen socialistizen nevvostotazavallan tiedoalan arvostettu ruadai (1989), liečetiedoloin douhturi (1969), professoru (1973), Ven'an liečetiijollizen da tehniellizen akadeemien yhteiskunnallisakadiemieloin (1997) da Ven’an Federacien turvalližus-, puolistus- da zakonoinvalvonduakadiemien täyzi ozanottai (2007).

Eloskerdu

Vuvvennu 1948 loppi školaopastundan Taškentan linnas. On vuvven 1954 Piiterin valdivollizen liečetiijollizen yliopiston loppenuh (Leningruadan enzimäine liečetiijolline instituuttu).

Vuvves 1954 toimi Avangard-zavodan liečetervehyönhoido-ozaston vahnimannu liäkärinny Petroskoil. Myöhembi ruadoi hirurgannu, sen jälgeh Karjalan avtonoumizen socialistizen nevvostotazavallan Tazavallan bol’ničan anesteziiliäkärinny (1957). Vuvvennu 1959 häi perusti yhten muan enzimäzis ITAR-ozastolois. Sit vuvves lähtijen on Karjalan avtonoumizen socialistizen nevvostotazavallan tervehyönhoidoministerstvan piäanesteziiliäkäri. Vuvvennu 1966 järjesti enzimäzen Nevvostoliitos iččenäzen anestezien da tevokkahan hoijon opastuskursan (vuvves 1989 — opastuslaitos) Petroskoin valdivonyliopistos, rubei sen johtajakse.

Joga vuottu Petroskoil järjesti kriizissutilan liečetiijon koncepcieh liittyjii opastusmetoudizii seminuaroi (vuvves 1964). Tiijollizen ruavon piäalovehet ollah: kliinine fiziolougii da kriizissutiloin tevokas hoido, kliinine hengitysfiziolougii, liečetiijollizen opastuksen da liäkärilöin ruadokogemuksien gumanituarizien perustehien propagandu, liečetiijon ulgopuolel kuulužikse tulluzien liäkärilöin toimindan tutkimine (muga sanottu liečetiijolline truentizmu).

Kuoli 25. sulakuudu vuvvennu 2023 93 vuvven ijäs.

Tiedokirjutukset

On enämbän migu 460 painetun tiedoruavon kirjuttajannu, niilöin joukos on 53 monogruafiedu.

• Зильбер А. П. Операционное положение и обезболивание. — Петрозаводск, 1961.;
• Зильбер А. П. Регионарные функции лёгких. — Петрозаводск, 1961.;
• Зильбер А. П. Клиническая физиология в анестезиологии и реаниматологии. — М., 1984. — 486 с.;
• Зильбер А. П. Дыхательная недостаточность. — М., 1989.; 
• Зильбер А. П. Трактат об эйтаназии. — Петрозаводск: ПетрГУ, 1998. — 464 с.;
• Зильбер А. П. Этюды критической медицины. — Петрозаводск, 1995—1998. — Т. в 4 т.;
• Зильбер А. П.  Этика и закон в медицине критических состояний. — Петрозаводск: Изд-во Петрозаводского университета, 1998. — С. 560.;
• Зильбер А. П. Кровопотеря и гемотрансфузия. Принципы и методы бескровной хирургии. — Петрозаводск: Издательство Петрозаводского государственного университета, 1999. — 114 с. — 5 000 экз. — ISBN 5-8021-0057-5.;
• Зильбер А. П. Этические и юридические проблемы гемотрансфузии. Пособие для врачей. — Минздрав РФ, 2001.;
• Зильбер А. П. Реанимация и интенсивная терапия. — М., 2007..

Palkindot da arvonimet

Ven’an Federacien anesteziiliäkärilöin da tehohoijon ammattimiehien liiton johtokunnan arvokas tiedomies da täyzi ozanottai, Karjalan avtonoumizen socialistizen nevvostotazavallan arvostettu liäkäri (1968), Ven'an federatiivizen socialistizen nevvostotazavallan tiedoalan arvostettu ruadai (1989), Ven'an Federacien korgeviman ammattiopastuksen kunnivoruadai (2000), Karjalan tazavallan rahvahan liäkäri (2001), Ystävyön kunnivomerkin kavalieru, Kunnivon kunnivomerkin da Sampo-kunnivomerkin kavalieru (2019), Karjalan tazavallan kunnivokanzalaine (2021). Tuhukuus vuvvennu 2022 on palkittu Pirogovan kunnivomerkil.

Huomavukset

Kirjalližus

• Карелия: энциклопедия: в 3 т. / гл. ред. А. Ф. Титов. — Петрозаводск: ИД «ПетроПресс», 2007. — Т. 1: А — Й. — С. 355. — 400 с. — 3 000 экз. — ISBN 978-5-8430-0123-0.