Sampo-kunnivomerki

On otettu Рувики-späi
Sampo-kunnivomerki
Изображение награды
Mua  Ven'anmua
Aloveh  Karjal
Tiippu kunnivomerki
Andau Karjalan tazavallan piämies
Stuatussu annetah
Statistiekku
Perustandupäivy 1. talvikuudu vuvvennu 2019
Enzimäine palkičendu 5. kezäkuudu vuvvennu 2019
Jälgimäine palkičendu 23. syvyskuudu vuvvennu 2025
Palkičendoin lugu 28 hengie, 3 laitostu
Vuoro
Nuorin palkindo Arvoruadolois Karjalan tazavallan hyväkse -medali

Sampo-kunnivomerki (ven. Орден «Са́мпо») on Karjalan tazavallan korgevin valdivonpalkindo talvikuun 1. päiväs vuvvennu 2019[1].

Histourii

Vuvvennu 2018 Karjalan tazavallan piämies Artur Parfenčikov ehoitti uuzien valdivonpalkindoloin perustamizen tazavallas, Sampo-kunnivomerki kačottih luadie korgevimakse valdivonpalkindokse[2]. Sillozel aijal — talvikuun 1. päivässäh vuvvennu 2019 — Karjalan tazavallan korgevimannu valdivonpalkindonnu oli vuvvennu 1994 perustettu Karjalan tazavallan kunnivokirju[3].

Karjalan tazavallan zakonoinhyväksyndykerähmön deputuatat hyväksyttih tämän ajatuksen[4], hosgi oli muudu valdivonpalkindon nimen ehoitustu, ezimerkikse "Väinämözen medali"[5].

Sampo-kunnivomerki piädykauti perustettih Karjalan valdivovallan sadavuodismerkivuvven nimeh (vuvvennu 2020), enzimäine, kelle se annettih kuolendan jälgeh, oli yksi tazavallan perustajis da alguhpanijois Edvard Gylling, hänen vunukku andoi kunnivomerkin Karjalan tazavallan kanzallizele muzeile[6].

Sampo-kunnivomerkin kavalieroil heijän suitettuloin ruadovuozien tietyn miärän mugah on oigevus eččie Karjalan tazavallan Ruavon veteruanu -arvonimie[7].

Stuatussu

Sampo-kunnivomerki annetah kanzalazile merkittävimis suavutuksis da arvotegolois talovuollizes, sociualu-kul’tuurizes, tiijollistehniellizes, valdivollizes, kunnallizes da yhteiskunnallizes toimindas, kul’tuuran, taijon, sportan, kazvatuksen, opastandan, kanzalazien tervehyön, elaijan da oigevuksien suojelendan alal sego toizis ylen suuris suavutuksis da ruadolois Karjalan tazavallan da sen eläjien hyväkse.

Sampo-kunnivomerkin suajikse ezitetäh rahvastu, kenele jo enne annettih Ven’an Federacien, Nevvostoliiton, Karjalan tazavallan valdivonpalkindoloi libo niilöi, ket ollah Karjalan tazavallan kunnivokanzalazii.

Sampo-kunnivomerkil palkitut suajah valdivonpalkindotovestehen da miärätyn mallin kunnivomerkin.

Sampo-kunnivomerki voibi andua kuolendan jälgeh[1].

Piendän miärätyt siännöt

Sampo-kunnivomerkii pietäh ryndähän oigiel puolel, a gu vastahottajal jo on Ven’an Federacien, Nevvostoliiton valdivonpalkinduo, kudamien piendyjälletysty da -taboi miärätäh Ven’anmuan zakonat, se kiinitetäh sobah niilöin jälgeh[8].

Kunnivomerkin toine puoli kiinitysozan da jälletysnoumeranke

Kuvailu

Sampo-kunnivomerki valmistetah 925. hobjan miärän segasulattehes da kullitah, myöhembi tuottehen pinnale suajah oksiidukalvo, valmis kunnivomerki on mygyry medaljon pyörikön muvvos, kudaman diametru on 45 millimetrii.

Medaljonas on kaheksan’okkaine tiähti, kudaman sägehet on yhtistetty keskenäh puaražin, se on kuulužin elementu karjalazien da vepsäläzien kirjondas. Vastazien sägehien väli on 50 millimetrii. Rajaviivoi pitkizin tiähtii reunustau kehä, kudai muuttuu piäsägehien välizis kulmis simmetrizikse ruadiusanmugazikse kehikse, kuduat mennäh keskele. Simmetrizien ruadiusanmugazien kehien väline tila on täytetty kohtinazes kulmas leviejöil samansuundazil sägehil. 90 astien kulmas yhtistettylöin sägehien välih rodih nelli fianiitoil čomendettuu nellikkyö. Nellän säjehpuaran välis mugaže on fianiittua  (ven.) (olo..

Tiähten keskele on sijoitettu Karjalan tazavallan gerban kohokuva (geral’dine kohtikulmikon muodoine alimazen reunan kolmandehes pyöristetty da kolmeh kerdah yhtensuuruoh Karjalan tazavallan valdivollizen flavun värilöih ajettu suojus, kudamas on seizojan kondien sivukuva huruale päi kiännetynny kunnivomerkih kaččojen. Suojuksen kuldaine kehys muuttuu stiiliteltylöih huruas puoles olijan kuuzen da oigies puoles olijan pedäjän kuvih. Suojuksen yläozas on kaheksan’okkaine tiähti.

Sampo-kunnivomerki on mygyrymuodoine, se rodih kolmes piälekkäi azetetus ozas: medaljonas on tiähti da tiähtel — Karjalan tazavallan gerbu.

Sampo-kunnivomerkin toizes puoles on jälletysnoumeru da sobah kiinitettävy laiteh[8].

Kunnivomerkil palkitut

Palkindon päivymiäry on merkitty salbavomerkilöis.

  • Gylling Edvard Otto Vilhelm (05.06.2019) — valdivomies, Karjalan ruadokommuunan  (ven.) (olo. enzimäine piälikkö (kuolendan jälgeh)[У 1];
  • Repnikov Vasilii Petrovič (20.06.2019) — 71. ammundudiviizien veteruanoin nevvoston piälikkö, Kogo Ven’an yhteiskunnallizen Ven’an veteruanuliitto -veteruanuyhtistyksen Karjalan alovehozaston komitietan ozanottai, Petroskoin linnupiiri[У 2];
  • Ščerbakov Anatolii Pavlovič (20.06.2019) — Suuren Ižänmuallizen voinan veteruanu, eläkkehel olii polkouniekku, Kurskan linnu[У 2];
  • Vavilov Gennadii Aleksejevič (28.10.2019) — Nevvostoliiton da Ven’an säveldäi, Ven'an federatiivizen socialistizen nevvostotazavallan taidoalan arvostettu ruadai, Karjalan tazavallan rahvahan artistu, Karjalan tazavallan kunnivokanzalaine[У 3];
  • Zil'ber Anatolii Petrovič (28.10.2019) — Ven’an Federacien tiedoalan arvostettu ruadai, Karjalan tazavallan rahvahan da arvostettu liäkäri, Petroskoin valdivonyliopiston liečetiijollizen instituutan opastuslaitoksen johtai[У 3];
  • Kolker Aleksandr Naumovič (28.10.2019) — Nevvostoliiton da Ven’an säveldäi,Ven'an federatiivizen socialistizen nevvostotazavallan taidoalan arvostettu ruadai, Karjalan tazavallan kunnivokanzalaine[У 3];
  • Lazutina Larisa Jevgenjevna (28.10.2019) — Nevvostoliiton da Ven'an hiihtäi, viizikerdaine Olimpiuadukižoin voittai, monikerdaine Muailman kilboin voittai, kaksikerdaine muailmankižoin voittai, Nevvostoliiton sportan arvostettu muasteri, Ven’an sportan arvostettu muasteri, Ven’an Federacien urhomies, Karjalan tazavallan liikundukul’tuuran arvostettu ruadai, Karjalan tazavallan kunnivokanzalaine[У 3];
  • Mal'mi Violetta Genrihovna (Viola Valentinovna) (28.10.2019) — horeograffu, baliettumuasteri, Ven'an federatiivizen socialistizen nevvostotazavallan da Karjalan avtonoumizen socialistizen nevvostotazavallan kul’tuurualan arvostettu ruadai, Karjalan tazavallan kunnivokanzalaine (kuolendan jälgeh)[У 3];
  • Sen'kin Ivan Iljič (28.10.2019) — nevvostolaine parties ruadanuh da valdivomies, Nevvostoliiton kommunistizen partien Karjalan alovehkomitietan enzimäine sekretari, Karjalan avtonoumizen socialistizen nevvostotazavallan Korgeviman Nevvoston Prezidiuman piälikkö (kuolendan jälgeh)[У 3];
  • Jufa Tamara Grigorjevna (28.10.2019) — Ven'an Federacien arvostettu taidoilii, Karjalan rahvahan taidoilii, Karjalan avtonoumizen socialistizen nevvostotazavallan taidoalan arvostettu ruadai, Karjalan avtonoumizen socialistizen nevvostotazavallan Valdivollizen palkindon laureattu, Karjalan tazavallan kunnivokanzalaine[У 3];
  • Solovjova L'udmila Vasiljevna (05.12.2019) — Ven’an Federacien da Karjalan tazavallan kul’tuurualan arvostettu ruadai, Karjalan tazavallan valdivollizen keskiammattiopastuslaitoksen "Petroskoin K. E. Raution nimizen muuzikkukoulledžan" opastai"[У 4];
  • Šegel'man Ilja Romanovič (05.12.2019) — tiedodouhturi, professoru, Petroskoin valdivonyliopiston piätiedomies, sambo-školan perustai Karjalan tazavallas, Ven’an da Karjalan tazavallan arvostettu valmistai, Karjalan tazavallan liikundukul’tuuran arvostettu ruadai, Karjalan avtonoumizen socialistizen nevvostotazavallan arvostettu uvvistai da keksii[У 4];
  • Patrušev Nikolai Platonovič (08.06.2020) — Ven'an valdivomies, Ven'an Federacien Turvalližuon Nevvoston sekretari, Karjalan tazavallan valdivollizen vuvvennu 2020 Karjalan tazavallan perustandan 100-vuozipäivän piendän komissien piälikkö[У 5];
  • Larin Vladislav Vladimirovič (30.07.2021) — Ven'an thekvondistu, Olimpiuadukižoin voittai, Muailman kilvan voittai da kaksikerdaine Jevroupan kilvan voittai, Karjalan tazavallan avtonoumizen Sportuvalmistuskeskus-opastuslaitoksen sportumies-ohjuaju, Petroskoin linnupiiri[У 6];
  • Petrov Sergei Nikolajevič (30.07.2021) — Karjalan tazavallan avtonoumizen Sportuvalmistuskeskus-opastuslaitoksen Karjalan tazavallan thekvondojoukkovehen piävalmistai, Petroskoin linnupiiri[У 6]
  • Artemjev Aleksandr Borisovič (12.08.2021) — Ruskeala-matkailukompleksan piäjohtai, Sordavalan piirikundu (kuolendan jälgeh)[У 7];
  • Deržavina Nadežda Ivanovna (19.08.2021) — Karjalan tazavallan arvostettu liäkäri da tervehyönhoidoalan arvostettu ruadai, Karjalan avtonoumizen socialistizen nevvostotazavallan tervehyshoijon ministru (1973—1980), Petroskoin linnupiiri[У 8];
  • Makarov Nikolai Ivanovič (20.08.2021) — Karelstroimehanizacija -vuitinomistaiyhtymyksen piäjohtai, Petroskoin linnupiiri[У 9];
  • Pivnenko Valentina Nikolajevna (23.05.2022) — Ven'an poliitiekku, Ven’an Federacien Valdivollizen Duuman kučundukerähmölöin deputuattu[У 10];
  • Vavilova Natalja Ivanovna (20.01.2023) — Ven’an Federacien da Karjalan tazavallan kul’tuurualan arvostettu ruadai, Ystävyön kunnivomerkin kavalieru, yhteiskunnallisalan kuulužu ruadai, Petroskoin linnupiiri[У 11];
  • M’asnikov Aleksandr Abramovič (22.03.2023) — Karjalan tazavallan V. A. Baranovan nimizen bol'ničan ozaston johtai — liäkäri-gematoulogu, Petroskoin linnupiiri[У 12];
  • Fedorenko Nikolai Vladimirovič (29.05.2023) — Karjalan tazavallan kalatalovusalan arvostettu ruadai, Karjalan tazavallan kunnivokanzalaine, Kondupohjan piirikundu[У 13];
  • Razbivnaja Galina Anatoljevna (21.09.2023) — Kunnivon da Ystävyön kunnivomerkilöin kavalieru, Karjalan avtonoumizen socialistizen nevvostotazavallan arvostettu opastai, Karjalan tazavallan kunnivokanzalaine, Petroskoin linnupiiri[У 14];
  • Titov Aleksandr F’odorovič  (ven.) (olo. (16.08.2024) — Ven’an tiedoakadiemien federuallizen tutkimuskeskuksen Biolougien instituutan piätiedomies, Petroskoin linnupiiri[У 15];
  • Tol’skii Valerii Anatoljevič (17.12.2024), Petroskoin linnupiiri[У 16];
  • ven. «Инжиниринговая компания «АЭМ-технологии»- vuitinomistaiyhtymyksen Petroskoin ozasto (22.05.2025)[У 17];
  • Žerdev Vladislav Petrovič (episkoppu Pankratii Troickii) (17.06.2025) — Ven’an pravosluavnoin kirikön Valamoin manasteri-miehienmanasterin igumnu (Moskovan patriarhuattu), Sordavalan piirikundu[У 18];
  • Petroskoin valdivonyliopisto (20.08.2025)[У 19];
  • Leitis Igor’ Mihailovič (16.10.2025) — Adamant-holdingan piämies, Piiteri[У 20];
  • ven. «Карелстроймеханизация», Petroskoin linnupiiri (23.10.2025)[У 21];
  • Zaharov Vladimir Nikolajevič  (ven.) (olo. (23.10.2025) — Petroskoin valdivonyliopiston filolougien instituutan opastuslaitoksen johtai[У 21].

Huomavukset

  1. ↑ 1 2 Закон Республики Карелия от 21.06.2018 № 2257-ЗРК «О внесении изменений в Закон Республики Карелия „О государственных наградах Республики Карелия“». Kačondan päivymiäry: 1. talvikuudu 2025. Arhiviiruittu 15. sulakuudu 2019
  2. ↑ Парфенчиков предложил учредить орден «Сампо». Интернет-газета «Столица на Onego.ru» (18. oraskuudu 2018). Kačondan päivymiäry: 1. talvikuudu 2025. Arhiviiruittu 15. oraskuudu 2021
  3. ↑ Степанова А. В. Некоторые актуальные проблемы наградного права в Российской Федерации // Управление: история, наука, культура. Материалы XXIII научно-практической конференции (16—17 апреля 2019 года). — Петрозаводск : Изд-во КарНЦ РАН, 2020. — С. 365—370. — 392 с. — 150 экз. — ISBN 978-5-9274-0882-5.
  4. ↑ Депутаты Заксобрания одобрили идею Парфенчикова учредить орден «Сампо». Сетевое издание «Вести Карелии» (21. oraskuudu 2018). Kačondan päivymiäry: 1. talvikuudu 2025. Arhiviiruittu 10. ligakuudu 2021
  5. ↑ Депутат парламента Карелии предложил альтернативное название для ордена «Сампо». Сетевое издание «Вести Карелии» (21. oraskuudu 2018). Kačondan päivymiäry: 1. talvikuudu 2025. Arhiviiruittu 10. ligakuudu 2021
  6. ↑ Гольденберг М. Л. Выставка «Место и время действия — Карелия» в Национальном музее Карелии // Сборник тезисов докладов научно-практической конференции «Многообразие культур и многоконфессиональность — пути сотрудничества и взаимодействия» в рамках 100-летия Республики Карелия и 100-летия Республики Татарстан [Электронный ресурс] / отв. ред. М. А. Питухина. — Петрозаводск : Изд-во ПетрГУ, 2021. — С. 43—51. — 288 с.
  7. ↑ В правительстве разъяснили условия получения льгот награжденными Орденом «Сампо». Сетевое издание «Вести Карелии» (4. talvikuudu 2018). Kačondan päivymiäry: 1. talvikuudu 2025. Arhiviiruittu 10. ligakuudu 2021
  8. ↑ 1 2 Указ Главы Республики Карелия от 29.12.2018 № 102 «О мерах по реализации Закона Республики Карелия „О государственных наградах Республики Карелия“». Kačondan päivymiäry: 1. talvikuudu 2025. Arhiviiruittu 15. sulakuudu 2019
Palkindokäskyt
  1. ↑ Указ Главы Республики Карелия от 05.06.2019 № 41 "О награждении государственной наградой Республики Карелия" (рус.). Kačondan päivymiäry: 1. talvikuudu 2025.Arhiivukoupii 4 oraskuudu 2021 Wayback Machine
  2. ↑ 1 2 Указ Главы Республики Карелия от 20.06.2019 № 47 "О награждении государственной наградой Республики Карелия" (рус.). Kačondan päivymiäry: 1. talvikuudu 2025. Arhiivukoupii 4 oraskuudu 2021 Wayback Machine
  3. ↑ 1 2 3 4 5 6 7 Указ Главы Республики Карелия от 28.10.2019 № 66 "О награждении государственными наградами Республики Карелия" (рус.). Kačondan päivymiäry: 1. talvikuudu 2025.Arhiivukoupii 4 oraskuudu 2021 Wayback Machine
  4. ↑ 1 2 Указ Главы Республики Карелия от 05.12.2019 № 72 "О награждении государственными наградами Республики Карелия" (рус.). Kačondan päivymiäry: 1. talvikuudu 2025. Arhiivukoupii 7 talvikuudu 2019 Wayback Machine
  5. ↑ ; Указ Главы Республики Карелия от 08.06.2020 № 56 "О награждении государственной наградой Республики Карелия" (рус.). publication.pravo.gov.ru. Kačondan päivymiäry: 1. talvikuudu 2025.
  6. ↑ 1 2 Указ Главы Республики Карелия от 30.07.2021 № 41 "О награждении государственными наградами Республики Карелия"= (рус.). Kačondan päivymiäry: 1. talvikuudu 2025.Arhiivukoupii 7 elokuudu 2021 Wayback Machine
  7. ↑ Указ Главы Республики Карелия от 12.08.2021 № 46 "О награждении государственной наградой Республики Карелия" (рус.). Kačondan päivymiäry: 1. talvikuudu 2025.Arhiivukoupii 3 elokuudu 2021 Wayback Machine
  8. ↑ Указ Главы Республики Карелия от 19.08.2021 № 47 "О награждении государственными наградами Республики Карелия" (рус.). publication.pravo.gov.ru. Kačondan päivymiäry: 1. talvikuudu 2025.
  9. ↑ Указ Главы Республики Карелия от 20.08.2021 № 48 "О награждении государственной наградой Республики Карелия" (рус.). Kačondan päivymiäry: 1. talvikuudu 2025.Arhiivukoupii 31 elokuudu 2021 Wayback Machine
  10. ↑ Указ Главы Республики Карелия от 23 мая 2022 года № 26 "О награждении государственными наградами Республики Карелия" (рус.). publication.pravo.gov.ru. Kačondan päivymiäry: 1. talvikuudu 2025.
  11. ↑ Указ Главы Республики Карелия от 20.01.2023 № 2 "О награждении государственными наградами Республики Карелия" (рус.). publication.pravo.gov.ru. Kačondan päivymiäry: 1. talvikuudu 2025.
  12. ↑ Указ Главы Республики Карелия от 22.03.2023 № 12 "О награждении государственными наградами Республики Карелия" (рус.). publication.pravo.gov.ru. Kačondan päivymiäry: 1. talvikuudu 2025.
  13. ↑ Указ Главы Республики Карелия от 29.05.2023 № 34 "О награждении государственными наградами Республики Карелия" (рус.). publication.pravo.gov.ru. Kačondan päivymiäry: 1. talvikuudu 2025.
  14. ↑ Указ Главы Республики Карелия от 21.09.2023 № 63 "О награждении государственными наградами Республики Карелия" (рус.). publication.pravo.gov.ru. Kačondan päivymiäry: 1. talvikuudu 2025.
  15. ↑ Указ Главы Республики Карелия от 16.08.2024 № 54"О награждении государственными наградами Республики Карелия" (рус.). publication.pravo.gov.ru. Kačondan päivymiäry: 1. talvikuudu 2025.
  16. ↑ Указ Главы Республики Карелия от 17 декабря 2024 года № 97 «О награждении государственными наградами Республики Карелия» (рус.). publication.pravo.gov.ru. Kačondan päivymiäry: 1. talvikuudu 2025.
  17. ↑ Указ Главы Республики Карелия от 22.05.2025 № 47 "О награждении государственными наградами Республики Карелия" (рус.). publication.pravo.gov.ru. Kačondan päivymiäry: 1. talvikuudu 2025.
  18. ↑ Указ Главы Республики Карелия от 17.06.2025 № 54 "О награждении государственными наградами Республики Карелия" (рус.). publication.pravo.gov.ru. Kačondan päivymiäry: 1. talvikuudu 2025.
  19. ↑ Указ Главы Республики Карелия от 20.08.2025 № 67 "О награждении государственными наградами Республики Карелия" (рус.). publication.pravo.gov.ru. Kačondan päivymiäry: 1. talvikuudu 2025.
  20. ↑ Указ Главы Республики Карелия от 16 октября 2025 года № 80 «О награждении государственными наградами Республики Карелия» (рус.). publication.pravo.gov.ru. Kačondan päivymiäry: 1. talvikuudu 2025.
  21. ↑ 1 2 Указ Главы Республики Карелия от 23.10.2025 № 82 "О награждении государственными наградами Республики Карелия" (рус.). publication.pravo.gov.ru. Kačondan päivymiäry: 1. talvikuudu 2025.

Linkat

Lähteh - "https://olo.ruwiki.ru/w/index.php?title=Sampo-kunnivomerki&oldid=126361864"