Anna Zasekova
| Anna Petrovna Zasekova | |||
|---|---|---|---|
| Tiijosto:Засекова Анна Петровна.jpg | |||
| Roindupäivy | 21. heinykuudu 1928 | ||
| Roindukohtu | Parikan kylä, Vieljärven piiri, Karjalan avtonoumine socialistine nevvostotazavaldu | ||
| Kuolendupäivy | 2. elokuudu 2013 | ||
| Kanzalližus |
 Nevvostoliitto |
||
| Toimindu | lypsäi | ||
| Palkindot da arvonimet |
|
||
Anna Petrovna Zasekova (21. heinykuudu 1928 – 2. elokuudu 2013) on vieljärveläine lypsäi, Karjalan avtonoumizen socialistizen nevvostotazavallan Rahvahan talohuon arvostettu ruadai, Socialistizen ruavon urhomies (1966)[1], Priäžän kanzallizen piirin kunnivokanzalaine (2007)[2].
Eloskerdu
Anna Petrovna Zasekova oli roinnuhes Karjalan avtonoumizen socialistizen nevvostotazavallan Vieljärven piirin Parikan kyläs muanruadajien perehes[3]. Loppi seiččemenkluasan školan.
Ruadoi kabrastajannu Vieljärven školas, aigukauzi- da aburuadolois.
Vuvvennu 1956 rubei ruadamah Vieljärven souhozan piäferman lypsäjänny. Žiivatankazvattajien joukos ruadajes muga hyvin organizuičči ruavon, ga lehmykarju andoi ylen äijän maiduo. Hänen joga hoijettu lehmy lypsi piäl 5000 kiluo maiduo vuvves, mi oli parahii tuloksii Karjalan tazavallas.
Vuvvennu 1963 Zasekovan žiivatankazvattajien joukon tyveh oli perustettu "Lypsäjän Anna Zasekovan parahien maltoloin škola", kudamas opastui tazavallan kymmenii žiivatankazvattajii. Ven'an federatiivizen socialistizen nevvostotazavallan Korgeviman Nevvoston käskys Anna Zasekovale annettih Socialistizen ruavon urhomies -arvonimi, Leninan kunnivomerki da kuldaine medali "Čirpi da Pal’l’u". Anna Zasekova oli palkittu Leninan kunnivomerkilöil, Znak počota -kunnivomerkil, medaliloil, niilön keskes oldih Nevvostoliiton rahvahan talohuon suavutuksien ozuttelun kuldaine da hobjaine medali.
Huomavukset
- ↑ Вавулинская, Л. И. Засекова Анна Петровна / Л. И. Вавулинская // Карелия : энциклопедия. В 3 т. Т. 1. А-Й. — Петрозаводск, 2007. — С. 348.
- ↑ Priäžän piirin kunnivokanzalazet
- ↑ Карелы Карельской АССР / ИЯЛИ КарНЦ РАН|Ин-т яз., лит. и истории Карел. филиала АН СССР. — Петрозаводск: Карелия, 1983. — 288 с., ил.
Kirjalližus
- Шапиро, Л. Анна Петровна / Л. Шапиро // Карелия. Годы. Люди. — Петрозаводск, 1967. — С. 285—290
- Иванова, О. Заслуженные награды / Ольга Иванова // Наша жизнь. — 2011. — 21 апреля. № 15
Linkat
- Засекова Анна Петровна. Muan urhomiehet -verkosivusto.
- Nekrolougu // Naša Žizn'. 5. syvyskuudu 2013
- Vieljärven kunnivomerkilöin suannuot