Jevsejev Mihail Petrovič
| Mihail Petrovič Jevsejev | |
|---|---|
 | |
| Roindupäivy | 9. elokuudu 1928 (97 vuottu) |
| Roindukohtu | Pyhärvi, Priäžän piiri, Avtonoumine Karjalan socialistine nevvostotazavaldu, Nevvostoliitto |
| Kanzalližus |
 Nevvostoliitto→ Ven'anmua |
| Toimindu | miinoinhävitysruavot, zvierisouhozas toimindu |
| Tuatto | P'otr Aleksejevič Jevsejev |
| Muamo | Pelageja Ivanovna Jevsejeva |
| Palkindot da arvonimet |
Karjal-suomelazen socialistizen nevvostotazavallan Korgeviman Nevvoston Prezidiuman kunnivokirjazet (1948, 1965), Ruavon veteruanu -medali, Priäžän piirin kunnivokanzalaine (2025). |
Mihail Petrovič Jevsejev (ven. Михаил Петрович Евсеев; roinnuhes 9. elokuudu vuvvennu 1928[1]) on Suuren Ižänmuallizen voinan veteruanu, Karjalan tazavallan Priäžän kanzallizen piirin kunnivokanzalaine (2025)[2][3].
Eloskerdu
Mihail Petrovič Jevsejev on roinnuhes 9. elokuudu vuvvennu 1928 Karjalan Pyhärven kyläs muanruadajan pereheh. Tuattah — P'otr Aleksejevič Jevsejev, muamah — Pelageja Ivanovna Jevsejeva[4].
Konzu Mihail loppi Pyhärven školan viijenden kluasan, algavui Suuri Ižänmualline voinu. Jevsejevien pereh työttih evakkoh Arhangelin alovehele. Vuvvennu 1944 Karjalan vihollizis piästettyy hyö tuldih järilleh Pyhärveh[4][1].
Kodimuale tulduu opastui miinoinhävityskursiloil. Niilöin jälles oli miinoinhävitysruadolois Pyhärves da Veškelykses. Veškelykses Mihai Jevsejev sai kontuuzien[4].
Miinoinhävitysruadoloin jälles oli fuabrikku-zavoduopastuksis Petroskois, sai rakendai-kiviruadomiehen ammatin. Opastundan jälles oli suamas endizeh kundoh Petroskoin linnua[4][5].
Jälles sluužbua armies ruadoi Priäžän dorogurakendusozastos № 1[4].
Vuvves 1961 eläkkehele lähtendässäh ruadoi Pyhärven zvierisouhozas[4].
Eläy Karjalan tazavallan Priäžän kanzallizen piirin Pyhärven kyläs.
Vuvven 2025 tiedoloin mugah Mihail Jevsejev on ainavo hengih jiännyh veteruanu Priäžän kanzallizes piiris[1]. Sinävuon Priäžän kanzallizen piirin 95-vuozispäivänny hänele annettih Priäžän kanzallizen piirin kunnivokanzalaine -arvonimi[2].
Palkindot da arvonimet
- Karjal-suomelazen socialistizen nevvostotazavallan Korgeviman Nevvoston Prezidiuman kunnivokirjazet (1948, 1965)
- Mustumuattomien mualoin muutandas -medali (ven. Медаль «За преобразование Нечерноземья»)
- Ruavon veteruanu -medali
- Vuozipäivymedalit[4]
- Priäžän kanzallizen piirin kunnivokanzalaine (2025)[2].
Huomavukset
- ↑ 1 2 3 Ольга Шмаеник поздравила ветерана Великой Отечественной войны Михаила Петровича Евсеева с 95-летием
- ↑ 1 2 3 Viestit-Karjala. Priäžän piiri täytti 95 vuottu
- ↑ Юбилейную дату Пряжинский район отметил масштабным праздником
- ↑ 1 2 3 4 5 6 7 Евсеев Михаил Петрович
- ↑ Ветерана в поселке Святозеро поздравили с наступающим Днем Победы
Linkat
| Priäžän kanzallizen piirin kunnivokanzalazet | |
|---|---|
| Priäžän kanzallizen piirin eri vuozien kunnivokanzalazet |
|
