Lazarev P'otr Vasiljevič

P'otr Vasiljevič Lazarev
P'otr Vasiljevič Lazarev
Roindupäivy	29. pakkaskuudu 1930 (96 vuottu)
Kanzalližus	Nevvostoliitto, Ven'anmua
Toimindu	školan opastai da johtai
Akku	Hel'mi Mihailovna Lazareva
Lapset	Nadežda Petrovna Lazareva
Palkindot da arvonimet	Karjalan tazavallan opastusalan arvostettu ruadai, Rahvahan opastuksen paras ruadai, Priäžän kanzallizen piirin kunnivokanzalaine

P'otr Vasiljevič Lazarev (ven. Пётр Васильевич Лазарев; roinnuhes 29. pakkaskuudu vuvvennu 1930) on Nevvostoliiton da Ven’an opastai, Karjalan tazavallan Priäžän školan johtai (1974-1998), Karjalan tazavallan opastusalan arvostettu ruadai, Rahvahan opastuksen paras ruadai, Priäžän kanzallizen piirin kunnivokanzalaine (2025)^[1].

Eloskerdu

P'otr Vasiljevič Lazarev on roinnuhes 29. pakkaskuudu vuvvennu 1930 Puudogan sepän Vasilii Lazarevan pereheh^[2]^[3].

Opastui pedagouguopistos Petroskois. Sen loppiettuu nuordu opastajua työttih ruadoh Sordavalan piirin Hämekosken školah^[3]. Siepäi otettih armieh. Lazarev sluuži kolme puolenke vuottu Pohjazes laivastos^[2]^[3].

Vuvvennu 1957 armiespäi piästyy P'otr Vasiljevič zaočno loppi pedagouinstituutan Petroskois da rodih histourien opastajakse^[3].

Ruadoi Puudogas da Puudogan piiris. Yhtelaigua oli opastajannu da Piirin rahvahan opastuksen ozaston inspektorannu. Oli Puudogan školan opastuspuolen johtajan sijahizennu^[3].

Vuvvennu 1974 pereh muutui elämäh Priäžäh. Kahtenkymmenen viijen vuvven aigah, vuvves 1974 vuodessah 1998, Lazarev oli Priäžän školan johtajannu. Hänen aigah Priäžän škola muutti uudeh taloih. Sie kehityi ammatilline opastundu. Vahnembien kluassoin oapastujil oli avtodielo-kursu, voimattomanhoidajan, ombelendu- da myöndyazien kursat. Lazarevan aigah Priäžän školas vuvvennu 1976 avattih nellikluassahine alguškola nol’a-kluasanke, Ven'al tämänmoine opastus rodih vaste 1984 vuvvel^[3].

Lazarevan sizäret da velli sežo ruattih opastajinnu. Anatolii Vasiljevič Lazarev oli matemuatiekan opastajannu, sizär Zinaida Vasiljevna Lazareva (Poletuhina) oli luonnontiijon opastajannu, sizär Vera Vasiljevna Lazareva (Sladkaja) oli palvelijan ruavon opastajannu^[3].

Školaspäi iäre lähtiettyy P’otr Vasiljevič kolme vuottu ruadoi Priäžän lapsienkois^[3].

Vuvvennu 2025 Priäžän kanzallizen piirin 95-vuozipäivänny P'otr Lazarevale annettih Priäžän kanzallizen piirin kunnivokanzalaine -arvonimi^[1]^[4].

Eläy Priäžäs.

Pereh

Akkah — Hel’mi Mihailovna Lazareva, matemuatiekan opastai, Priäžän internuatan lapsienkazvattai, ruadostuažu 45 vuottu. Mendih yhteh vuvvennu 1961^[3].
Tytär — Nadežda Petrovna Lazareva, algukluassoin opastai^[3].

Palkindot da arvonimet

Karjalan tazavallan opastusalan arvostettu ruadai
Rahvahan opastuksen paras ruadai
Priäžän kanzallizen piirin kunnivokanzalaine (2025)^[1]

Huomavukset

[Vesti-1] ¹ ² ³ Viestit-Karjala. Priäžän piiri täytti 95 vuottu

[Lazarev-2] ¹ ² Лазарев Петр Васильевич

[Resp-3] ¹ ² ³ ⁴ ⁵ ⁶ ⁷ ⁸ ⁹ ¹⁰ Республика. Формула судьбы

[4] Юбилейную дату Пряжинский район отметил масштабным праздником

[1]

[2]

[3]

[4]