Belomorsku
Linnu
Ozuta/peitä kartoi
|
.png)
.svg)
Belomorsku (ven. Беломорск; vien. Šuomua, suom. Sorokka) on linnu Ven’al, Karjalan tazavallas. Se on Belomorskan piirin hallindolline keskus.
Belomorskah kuulutah Vodnikov-pos’olku, Gorelyi Most-razjezdu da 19. salbavon pos’olku.
Raududorogoin ristelmys, meriportu Vienanmeren Sorokan lahtes. Belomorskan-Baltien kanualan loppupunktu.
Muantiedo
Linnu sijoittuu Vienanmeren päivänlaskurannale, Vig-jovensuus, 376 km. Petroskoispäi pohjazeh, Solovetskoin suariloin lähäl.
Linnan suurin oza sijoittuu Vig-piäjovenvirran oigiel rannale.
Histourii
Enzimäzet kirjutusmainičendat Soroka-hierus (suom. «saari» da «joki»: «Saarijoki») ollah vuvvennu 1419. Juuri siepäi vuvvennu 1429 lähtiettih Solovetskoin suariloile kuulužan manasterin perustajat German da Savvatii.
Vuvves 1551 algajen Iivan Groznii -suarin käskyn mugah Sorotskaja-kylä rodih Solovetskoin manasterin omažusmuakse.
Vuvvennu 1869 Sorokan lähäl puutevolližusruadai M.P. Bel’ajev nosti höyrypuunhuavustuszavodan. Vuvvennu 1912 oli jo kolme mostu zavodua.
Talvikuus vuvvennu 1915 avattih Murmanskan raududorogan Sorokskaja-azetuskohtu (kč. Kirovskaja-raududorogu).
Vuvvennu 1933 rubei ruadamah Belomorskan-Baltien kanualu, mi andoi mahton tevolližuon kehittämizele pos’olkois, kudamat myöhembäh ruvettih kuulumah Belomorskah. Konzu rakendettih Vienanmeren-Baltienmeren kanualu, sie oli luageri (BelBaltLag), da myöhembäh rodih Vodnikov-pos’olku.
Vuvvennu 1938 Soroka-hieru, V.P. Soluninan kunnivokse nimitetty meččymiehien pos’olku Vig-joven oigiel rannal, Vodnikov-pos’olku da Sorokskaja-raudutieazetuskohtan pos’olku yhtistettih. Sit net suadih linnan stuatusan da nimen Belomorsku.
Suuren Ižänmuallizen voinan aigua (1941—1944) Belomorsku oli Nevvosto-Karjalan väliaigazennu piälinnannu.
Nähtävykset
Linnan lähäl, Šoirukšan-kosken rinnal, Vyg-jovensuus säilyttih kallivopiirrokset (petroglifat) — ristikanzoin da elättilöin kallivopiirrokset, mečästyksen kuvat dmi. (kaikkiedah läs 2 000 piirrostu), kudamat oli luajittu vuozinnu 6000—5000 enne meijän aijanluguu. Besovi sledki -kallivopiirroksii enzikerran kuvaili vuvvennu 1926 Aleksandr Linevskii, kudai tuli myöhembäh fantastiekkukirjuttajakse.
Kirjalližus
- Беломорск. [Сост. Н. Н. Горбачёва]. — Петрозаводск, Карел. кн. изд., 1963. — 15 с.
- Карелия: энциклопедия: в 3 т. — Т. 1.: А — Й / Гл. ред. А. Ф. Титов. — Петрозаводск: ПетроПресс, 2007. — 400 с.: ил., карт. — ISBN 978-5-8430-0123-0. — С. 154.
Linkat
- Беломорск // Карелия официальная.