Kallivopiirrokset

Kallivopiirrokset Pegtimel'-jovel Čukotkan avtonoumizel alovehel

Yhtysvallat

Kallivopiirrokset Iruanas

Kallivopiirrokset Vadi-Methandušas, Liivies

Jevroupan kallivopiirrokset: Laxe dos carballos Kampo-Lomeiros, Galisies, Ispuanies (4-2 vuozituhat enne meijän aijanluguu)

Verbl'uudan kallivopiirros, Negev, Suvi-Izrail'u

Kallivopiirrokset (ven. Петроглифы) ollah kivehizele pohjale luajitut libo mualatut kuvat. Tämän sanan ven'ankieline vastineh on roinnuh muinas-griekkalazes sanas πέτρος — kivi и γλυφή — leikkavus.

Kallivopiirroksikse sanotah kaikkii kivel luajittuloi kuvii muinas-aijas paleoliitas algajes ihan keskiaigassah, luguh ei oteta niilöi, kudamis on toven kehitynnyh kirjumerkilöin sistiemu. Yhtenästy miäritehty ei ole. Kallivopiirroksikse sanotah kui algukandazii luolutaidopiirroksii, mugai myöhäzii piirroksii da kaiverduksii, ezimerkikse, piädykauti pandulois kivilöis, megaliitois libo kallivolois.

Ollah olemas kallivopiirrokset, kudamat on luajittu mualan, kaiverduksen avul libo leikattu kohokuvinnu. Tutkijoin mugah niilöin alguperäzenny tarkoituksennu oli ritualoin funksii. Erähät ritualat oldih kiini tapetun elätin lauhtuttamizes. Sendäh kallivopiirroksilluo puaksuh löytäh eri elättilöin jiännöksii.

Elättilöin kuvuamine on muinazien kallivopiirroksien ominažuonnu, niilöi on luolis. Net ollah pedrat, bizonat da zubrat, mečcypočit, meččyhevot. Sežo oli luajittu hävinnyzien elättilöin piirroksii: mamontoin, sablihammastigroi. Harvah olettelou ristikanzoin rungien da piälöin (vikse ritualumaskois) piirroksii. Vaste myöhembi, neoliitan aigah, ruvettih kuvuamah algukandazen heimon eloksen puolii – mečästysty, toruamizii, tansiloi da taboi, kudamii on jygei arvata. Nämmä kuvat ollah enne meijän aijanluvun VI — IV vuozisualoin aigazet. Vahnimat piirrokset, kudamis enimälleh on elättilöin kuvii, ollah paleoliitan aigazet, toizin sanoin oli luajittu 40-20 tuhattu vuottu tagaperin.

Moizet mustomerkit ollah kogo muailmas. Ezimerkikse, Saimaluu-Taš Kirgiizies, Tamgali Kazahstuanas, Gobustan Azerbaidžuanas, Al’tamira-luolu Ispuanies, Ven'al Karjalas, Fon-de-Gom-, Montespan-luolat Francies, Ven'al Amuran rannoil, nanaicoin kanzallizelluo Sikači-Al'an kylällyö.

Nygyaigazet lövvöt

Enzikerdua vuvvennu 2010 on löytty kallivopiirrokset Rio-Negro- da Amazonka-jogiloin yhtyndykohtas ei loitton Manausas, kovan kuivuon aigah Braziilies viespäi ruvettih nägymäh kivet. Kallivopiirrokset ollah harvinazet vien, elättilöin da ristikanzoin piälöin leikatut piirrokset. Niilöil igiä on läs kahtu tuhattu vuottu.

Ven'al olijat kallivopiirrokset

• Tomskan kirjutekset
• Jelangaš
• Džalgistobe
• Kalbak-Taš
• Kanozerskan kallivopiirrokset
• ”Pičiktig-Tag” (Pisanaja Gora)
• Šiškinskaja kirjutes
• Šul'gan-Taš
• Šaman-Gora
• Giršelunskii kivi
• Sikači-Al'anan kalliopiirrokset

Čečenien tazavaldu

Čečenien kallivvopiirrokset

Karjal

• Vienanmeren kallivopiirrokset
• Onieganrannikon kallivopiirrokset
• Tulgubam kirjutukset (on löytty vuvvennu 2019 Petroskoin valdivonyliopiston tutkijat)

Vuvvennu 2018 kallivol 23 kilometrin piäs Karjalan tazavallan piälinnas Petroskoispäi avattih Jänölöin alango -paikku, kudai on muataijon taido-objektu. Jänölön alangon taido-objektoi sanotah Karjalan nygyaigazikse kallivopiirroksikse.

Huomavukset

1. ↑ Ф. С. Капица. История мировой культуры. — Издательство АСТ, 2010. — 730 с. — ISBN 978-5-17-064681-4.

2. ↑ Время сохранять камни // Коммерсантъ. Архивировано 8 июня 2020 года.

3. ↑ Это всего лишь второе подобное наблюдение в истории. Russian Traveller (30 октября 2023). Дата обращения: 31 октября 2023.

Kirjalližus

• Дэвлет Е. Г. Памятники наскального искусства: изучение, сохранение, использование . — М.: Научный мир. 2002.
• Формозов А. А. Памятники первобытного искусства на территории СССР / Отв. ред. д-р ист. наук Н. Я. Мерперт; АН СССР. — 2-е изд., доп. и перераб. — М.: Наука, 1980. — 136 с. — (Страницы истории нашей Родины). — 61 800 экз.
• Шер Я. А. Петроглифы Средней и Центральной Азии. — М.: Наука, 1980. — 328 с.
• Шер Я. А. Первобытное искусство: Учебное пособие / Кемеровский государственный университет. — Кемерово: Изд-во КемГУ, 2011. — 436 с. — ISBN 978-5-8353-1129-3.
• Советова О. С. Петроглифы тагарской эпохи на Енисее: (сюжеты и образы) / Институт археологии и этнографии СО РАН. — Новосибирск: Изд-во ИАиЭ СО РАН, 2005. — 140, [4] с. — ISBN 5-7803-0134-4. [1] Архивная копия от 5 декабря 2020 на Wayback Machine
• Розенгрен, Матс. О творчестве, пещерном искусстве и восприятии: доксологический подход / пер. с англ. Д. Н. Воробьева // Вопросы философии. — 2019. — Вып. 8. — С. 80–93. — doi:10.31857/S004287440006036-4. Архивировано 2 июля 2020 года.