Gerbec-1
| Gerbec-1 | |||
|---|---|---|---|
| рус. Герберц-1 | |||
 | |||
| 61°35′05″ с. ш. 31°30′23″ в. д.GЯO | |||
| Mua | |||
| Tuoteh | rauduruda (magnetiittu) | ||
| Avattu | 1896 vuvvel | ||
| Louhindan algu | 1896 vuvvel | ||
| Louhindan loppu | 1903 vuvvel | ||
| Hyödykaivandahizen olendupaikan laji | serpantiniziiruitut skarnat | ||
| Stuatussu | hyllätty
| ||
| Louhindan laji | kaivokses | ||
| Muanuumenien käyttäi | Vuitinomistaiyhtistys «Ladoga» | ||
 | |||
 Медиафайлы на РУВИКИ.Медиа | |||
Kaivos "Gerberc-1" (ven. Рудни́к «Ге́рберц-1») on Ven'an XIX vuozisuan lopus − XX vuozisuan allus louhittu rauduruvan kaivos Pitkänrannan "Uvven rudapellon" hantuzis (Suomen suuren kniäzinkunnan aloveh). Alguudah myöte nämmis paikois suadih vaskie da tinua, ga niilöin varat vähettih 1890-luvukse, pidi algua megnetiitturudien louhindu, sih niškoi Vuitinomistaiyhtistys "Ladoga" azui kaivoksen, kudai sai sen erähän alguhpanijan nimen. Kaivos ruadoi vuvven 1903 talovuollizeh kriizissah suate da andoi 31 345 tonnua magnetiittua. Täl aigua kaivoksen kohtu on nähtävyksenny da sen jiännöksil on tunnustetun Karjalan tazavallan kul’tuuruperindön objektan stuatussu.
Histourii
Vaskikaivoksii Luadogan pohjasrannikol tundietah XVIII vuozisuan lopus algajen. XIX vuozisuan puolivälis Pitkänrannan kaivoksis löyttih tinua, mi autoi Pitkänrannan kaivostoimindan rutostamizes. Nostettih vaskensuluandu- da tinanmuokkuandufuabrikat. Ga 1890-luvukse tina- da vaskituotando roittih hyövyttömikse. Pitkänrannan "Vahnan rudapellon" kaivokset oldih jo enimyölleh tyhjät da niilöis ruvettih suamah raudurudua. Vuvvennu 1896 suomelaine geolougu Otto Trystedt Pitkäsrannaspäi pohjazeh da päivännouzuh päi piettylöin magniettuečindyruadoloin aigah löydi kaksi uuttu rudapelduo: "Uvven rudapellon" da Hopunvaaran. Silaigua Pitkärannan kaivokset da zavodat ruvettih kuulumah Vuitinomistaiyhtistykseh "Ladoga". Laitoksen perustajinnu oldih B. Gerberc (B. Herberz) da A. Švarc (A. Schwartz). Uvvessah avattulois rudapeldolois luajittih kaksi magnetiitan suandukaivostu, yksi kaivokses sai laitoksen perustajan nimen[1].
Gerbec-1-kaivokses azuttih kaksi pystyoigiedu kaivosrunguo: paivanlaskun, kudaman syvys oli 36 m da päivännouzun, kudaman syvys oli 57 m. Rungoloin välis oli 33 m. Rungot yhtistettih gorizontuallizet tonnelit (kveršlagu) syvyöl 20 m. Kaivokses oli štrekoin kolme tazuo, net levittih päivännouzun rungos: ylähäzel štrekal syvyöl 20 m oli gorizontu 95 metrii piduhuttu, keskimäzel syvyöl 30 metrii − 75 metrii piduhuttu da alahazel štrekal syvyöl 40 metrii − 36 metrii piduhuttu. Kaivoksen lounasozas ylähäine da keskimäine gorizontat yhtistyttih da luajittih kameran 20 metrii piduhuttu da läs 10 metrii korgevuttu. Gorizontoin välis, piärungon ližäkse oli azuttu kaivoksen kaivot, kudamien syvys oli 2,5 metrissäh[2][3].
Ei loitton kaivokses nostettih ei-suurehko puhtastusfuabrikku, kudamas magniittueroitandan metoudan avul rudua puhtastettih ližäainehis. Sih fuabrikkah tuodih ainehtu Hopunvaaran kaivoksispäigi, net oli yhtistetty fuabrikanke kanuattudorogan avul. Kanuattudorogu yhtisti sežo fuabrikan raudufabrikanke Yläristis[4]. Puhtastandan jälles raudurudakoncetruattu meni sulatuspäččih Massuunih[5][6].
Vuvvennu 1903 Ven’an valdukunnan banku osti Pitkänrannan kaivokset da zavodat, ga silaigua muas algavui talovuolline kriizissu, sen periä kaivokset da zavodat, niilöin luvus Gerbec-1, pidi salvata[5]. Kaikkiedah Gerbec-1-kaivokses suadih 31 345 tonnua raudurudua[7].
Vuozien 1920 lopukse kaivosruadoloi Pitkäsrannas kogonah loppiettih, sih vaikutti se, ku ei täydynyh puuhiildy, ku suurin vuitti meččymualois oli mečänpiluandu- da sel'l'ulouzuzavodoin hantuzis. Vuozinnu 1934−1938 suomelazet geolougat tutkittih Pitkänrannan rudapeldoloin syvii gorizontoi, ga algavunnuot voinat (enzimäi Talvivoinu, sit Suuri Ižänmualline voinu) ei annettu elävyttiä Pitkänrannan rudatevolližuttu. Jälles voinua Pitkänrannan kaivokset da zavodat kogonah salvattih[8].
25. elokuudu vuvvennu 2013 Karjalan tazavallan kul’tuuruministerstvan käskys kaivos rodih valdivon suojeltavannu da rubei kuulumah tunnustettuloih kul’tuuruperindön objektoih[9][10].
Kuvailu
Kaivos on 1,5 kilometrin piäs Gor'koin uuličaspäi Pitkäsrannas ajajes dorogua myöte Nietjärvele 500 metrin piäs kiännälmykses Hopunvaarale[11].
Täl aigua Gerbec-1-kaivoksen kohtal on säilytty mollembat kaivoksen rungot: päivänlaskun da päivännouzun. Päivänlaskun kaivoksen suu on kuadunuh da sih kohtah rodih tratti. Päivännouzun suus nävytäh puuhizien tugiloin jället. Mollembat kaivoksen rungot on upotettu. Ei loitton on säilynyh ei-suurehkon puhtastusfuabrikan alustan jiännöksii[12].
Kaivoksien rinnal on kaksi kivikuadopaikkua: kounusanmuodoine da harjanmuodoine (jälgimäzen muodo rodih parzitugiseinäs), kudamis on magnetiittua, sfalerit-marmatiittua, galeniittua, fl’uoriittua, kal’ciittu da toizii minerualoi[6] sego skarnua da mruamorua kahtu luaduu — serpenteziiruittuu da grafiittusuonienke[12]. XX vuozisuan enzimäzel puoliškol suomelaine geolougu P. Eskola löydi Gerbec-1-kaivokses moizih skarnoih niškoi harvinazen fl’uoboriitan[13].
Vuozinnu 2011 da 2012 päivännouzun rungoh laskihes speleodaiveru I. A. Kozlov: tutki ylähäzen štrekan gorizontuallizii rakendehii da toizen muanalazen gorizontan zualua.
Kaivoksen aloveh on tehnogienis-luonnolline kompleksu, kudai on pandu valdivollizile kirjoile nähtävyksenny, histourien mustomerkinny tunnustetun alovehellizen merkičyksen kul’tuuruperindön objektan hantuzis[9][10].
Huomavukset
- ↑ Борисов, 2009, с. 7−8.
- ↑ 1 2 Trüstedt, 1907, Taf. XIX.
- ↑ Борисов, 2019.
- ↑ Palmunen, 1939, p. 5.
- ↑ 1 2 Борисов, 2009, с. 8.
- ↑ 1 2 Булах, Франк−Каменецкий, 1961, с. 58.
- ↑ Trüstedt, 1907, p. 48−49 (Tab.).
- ↑ Борисов, 2009, с. 9.
- ↑ 1 2 Приказ № 391, 2013.
- ↑ 1 2 Список ОКН Питкярантского ГП, 2020.
- ↑ Herbertz-1 (suo.). karjalankartat.fi. Национальная земельная служба Финляндии. — Финские топографические карты юго-запада Карелии, изданные до 1939–42 гг.
- ↑ 1 2 Борисов, Ильин, 2007, с. 45−46.
- ↑ Eskola, Juurinen, 1952.
Kirjalližus
- Трюстедт, Отто. Die Erzlagerstätten von Pitkäranta am Ladoga-See : [нем.] // Bulletin de la Commission Géologique de Finlande. — Helsingfors : Frenckellska tryckeri Ab, 1907. — Vol. 19. — 333 p.
- Palmunen M. K. Pitkäranta vv. 1934-1938 suoritettujen vuoria teknillisten tutkimusten valossa : [фин.]. — Geologinen toimikunta. Geoteknillisia julkaisuja. — Helsinki : Valtioneuvaston kirjapano, 1939. — Vol. 44. — 154 p.
- Eskola P. Fluoborite from Pitkäranta : [англ.] // Bulletin de la Commission Géologique de Finlande. — Helsinki : Valtioneuvoston kirjapaino, 1952. — Vol. 157.
- Булах А. Г. Геологическая экскурсия в окрестности Питкяранты. — Петрозаводск : Госиздат КАССР, 1961.
- Борисов И. Питкярантские рудники и заводы / Борисов И., Ильин П. — Изд. 2-е, испр. и доп. — Сортавала, 2007. — 60 с.
- Борисов И. В. История горного дела Северного Приладожья (XVII в. — 1939 г.). — Сортавала : Сортавальский полиграф, 2009. — 41 с.
- Рощин А. Геологическая экскурсия в окрестности Питкяранты [Электронный ресурс] // Сокровища исследовательского туризма. — [cop. 2012–2017].
- Приказ от 28 августа 2013 года № 391 : Об учёте выявленных объектов культурного наследия в Республике Карелия / Министерство культуры Республики Карелия. — Петрозаводск, 2013. — 2 с.
- Борисов И. В. Памятник горно-индустриального наследия «Рудник “Герберц-1”» [Электронный ресурс] // Путешествия вокруг Ладоги – путеводитель по достопримечательностям Ленинградской области и Карелии. — 2019.
 |
Tämä kirjutus kuuluu RUWIKIN ven'ankielizen ozan hyvien kirjutuksien joukkoh. |