Irina Vinokurova
| Irina Vinokurova | |
|---|---|
 | |
| Roindupäivy | 15. kevätkuudu 1955 (71 vuozi) |
| Roindupaikku | Petroskoi |
| Mua |
 Nevvostoliitto,  Ven'anmua |
| Tiedoala | vepsäläzien etnolougii, perindöllizen kul'tuuran rekonstrukcii, mifolougii, rahvahan pravosluavii, etnokul'tuurizet kontaktat Ven'an luodehes, etnogruafii |
| Ruadokohtu | Ven'an tiedoakadiemien Karjalan tiedokeskuksen Kielen, literatuuran da histourien instituuttu |
| Opastus | Leningruadan valdivonyliopisto |
| Oppiarvo | histourientiedoloin douhturi |
| Tiedoarvonimi | vahnin tiedoruadai |
Irina Jurjevna Vinokurova (ven. Ирина Юрьевна Винокурова; roin. 15. kevätkuudu 1955, Petroskoi) on Nevvostoliiton da Ven'an tiedomies, histourientiedoloin douhturi (2009), Karjalan tiedokeskuksen Kielen, literatuuran da histourien instituutan piätiedomies (2013), Karjalan tazavallan tiedoalan arvostettu ruadai (2015), Karjalan tiedokeskuksen Kielen, literatuuran da histourien instituutan etnolougien ozaston piälikkö (vuvves 2008)[1].
Eloskerdu
On roinnuhes Petroskoin linnas 15. kevätkuudu vuvvennu 1955.
Vuvvennu 1977 loppi Leningruadan valdivonyliopiston histourien tiedokunnan etnogruafien da antropolougien ozaston.
Vuozinnu 1979—1980 ruadoi Astrahanin valdivollizen histourii-arhitektuuran muzein etnogruafien ozaston johtajannu[2].
Vuvves 1981 da täh aigassah ruadau Karjalan tiedokeskuksen Kielen, literatuuran da histourien instituutas. Allus ruadoi vahnembannu laborantannu[1].
Vuozinnu 1983—1987 opastui zaočno Nevvostoliiton tiedoakadiemien Etnogruafien instituutan aspirantuuras.
Vuvvennu 1988 puolisti kandiduatan väitösruavon aihies "Vepsäläzien kalenduaruperindöt, -tavat da -pruazniekat" (ven. «Календарные обычаи, обряды и праздники вепсов (конец XIX - нач. XX в.»), tiedo-ohjuaju: Т.А. Bernštam).
Vuvves 1987 oli Kielen, literatuuran da histourien instituutan nuorembannu tiedoruadajannu, vuvvennu 1991 rodih tiedoruadajakse, vuvvennu 1994 — vahnembakse tiedoruadajakse, vuvvennu 2013 — piätiedomiehekse[1].
Vuvvennu 1999 Irina Vinokurovale annettih vahnin tiedoruadai -oppiarvo etnogruafien, etnolougien da antropolougien ammattialoin mugah[1].
Vuvves 2008 Irina Vinokurova on Karjalan tiedokeskuksen Kielen, literatuuran da histourien instituutan etnolougien ozaston johtajannu.
Vuvvennu 2009 puolisti douhturin väitösruavon aihies "Elätit vepsäläzien perindöllizes muailmannägemykses (rekostrukcien kygy)" (ven. «Животные в традиционном мировоззрении вепсов (опыт реконструкции)»).
On monien tutkimusmatkoin, kanzoinvälizien da ižänmuan kongressoin da tiedokonferensieloin ozanottai, enämbän migu 170 tiedoruavon kirjuttai. Oli monien kandiduatan väitösruadoloin tiedo-ohjuajannu. Pidi aspirantoile moizii kursoi kui: "Johtando etnolougieh", "Ven'an kanzoin etnogruafii", "Etnolougizien tutkimuksien metoudiekku". Pidi luvendoloi Petroskoin valdivonyliopistos "Vepsäläzien etnogruafies", "Vepsäläzien da karjalazien etnogruafies", "Etnogruafies" (vuozinnu 1993—2013), oli opastujien kursu- da diplomuruadoloin ohjuajannu[1].
Bibliogruafii
Monogruafiet
- Календарные обычаи, обряды и праздники вепсов (конец XIX - начало XX в.). — СПб., 1994. — 124 с.
- Традиционные праздники вепсов Прионежья. — Петрозаводск,, 1996. — 139 с.
- Животные в традиционном мировоззрении вепсов (опыт реконструкции). — Петрозаводск, 2006. — 448 с.
- Мифология вепсов: энциклопедия=. — Петрозаводск, 2015. — 524 с.[1]
Kirjutetut ozat kollektiivumonogruafielois
- Прибалтийско-финские народы России. — М., 2003.
- Vepsä. Maa, kansa, kulttuuri. (Toimittanut Lassi Saressalo). — Tampere, 2005.
- Народы Карелии: историко-этнографические очерки / И. Ю. Винокурова (ответственный редактор), А. П. Конкка, Ю. В. Литвин [и др.]. — Петрозаводск: Периодика, 2019. — 752 с.
Kniigu rodih Vuvven 2019 kniigakse Karjalan tazavallas, sai voiton nominacielois ven. «Свет науки», ven. «Искусство книги», ven. «Мой край и его люди»[3].
- Советская этнография в истории государственного строительства и национальной политики: кол. монография / М. Ю. Мартынова, В. А. Тишков [и др.]; отв. ред. М. Ю. Мартынова. — Москва: ИЭА РАН, 2022.[1].
Opastuskniigat
- Обычаи, ритуалы и праздники в традиционной культуре вепсов. — Петрозаводск, 2011. — 204 с.
Palkindot da arvonimet
- On palkittu Karjalan tazavallan Kul'tuuruministerstvan, Opastanduministestvan, Kanzallizen poliitiekan ministerstvan kunnivokirjazil;
- Karjalan tazavallan tiedoalan arvostettu ruadai (2015);
- Suomalais-ugrilaisen seuran kunnivojäsen (Suomi) (2016);
- Sugukanzoin ohjelman palkindo urualilazien kanzoin kirjalližuon, kielitiijon, histourien, arheolougien, entolougien da folkloristiekan tutkimusalal Vepsäläzien mifolougii. Tiedosanakniigu -monogruafies (ven. «Мифология вепсов. Энциклопедия») (2016)[4];
- Karjalan tazavallan piämiehen rynnäsmerki monivuodizes tuloksellizes tiedoruavos da panokses Karjalan tazavallan kul'tuuruperindön säilyttämizeh, kehittämizeh da popul'arizacieh (2020)[1].
Huomavukset
- ↑ 1 2 3 4 5 6 7 8 Irina Jurjevna Vinokurova (рус.). krc.karelia.ru. Kačondan päivymiäry: 24. syvyskuudu 2025.
- ↑ Персональный сайт И. Ю. Винокуровой. Биография (рус.). sampo.ru. Kačondan päivymiäry: 24. syvyskuudu 2025.
- ↑ Книга года Республики Карелия 2019 (рус.). library.karelia.ru. Kačondan päivymiäry: 24. syvyskuudu 2025.
- ↑ Программа родственных народов выразила признание учёным (рус.). fennougria.ee. Kačondan päivymiäry: 24. syvyskuudu 2025.
Kirjalližus
- Ученые Карельского научного центра Российской академии наук : биографический словарь / [гл. ред. А. Ф. Титов; отв. ред. Ю. В. Савельев; редкол.: Е. В. Жирнель и др.]. — 3-е изд., доп. и перераб. — Петрозаводск: Карельский научный центр РАН, 2012. — С. 356. — 419 с.