Jurii D'užev

On otettu Рувики-späi
Jurii Ivanovič D'užev
Djuzhev Yuri.jpg
Roindupäivy 15. oraskuudu 1937(1937-05-15)
Roindupaikku Vuaženi, Podporožjan piiri, Leningruadan aloveh
Kuolendupäivy 9. kezäkuudu 2021(2021-06-09) (84 vuottu)
Mua
Tiedoala Jevroupan pohjazen ven’alazen litaratuuran histourii da kehityksen ongelmat
Ruadokohtu Ven’an tiedoakadiemien Karjalan tiedokeskuksen Kielen, literatuuran da histourien instituuttu
Opastus Petroskoin valdivonyliopisto
Oppiarvo filolougientiedoloin douhturi
Tiedoarvonimi vahnembi tiedoruadai
Arvonimet da palkindot
Орден Дружбы — 2013 Медаль «За трудовое отличие» Honored Worker of Culture of the Russian Federation.png
Ulgopuolizet kuvat
Ю. И. Дюжев

Jurii Ivanovič D'užev (15. oraskuudu vuvvennu 1937 — 9. kezäkuudu vuvvennu 2021[1]) on Nevvostoliiton da Ven’an kirjalližuontutkii, kirjuttai, Karjalan avtonoumizen socialistizen nevvostotazavallan tiedoalan arvostettu ruadai (1990), Ven’an Federacien kul’tuurualan arvostettu ruadai (1998)[2].

Eloskerdu

Oli roinnuhes opastajien pereheh. Tuattah ruadoi Petroskoin linnan rahvahan opastandan ozaston piälikönny, kuadui frontal Karhumäin lähäl Suuren Ižänmuallizen voinan algukuuloinnu. Muamah oli algukluassoin opastajannu.

Vuvvennu 1955 loppi keskiškolan Petroskois. Petroskoin valdivonyliopiston vuvvennu 1960 loppiettuu ruadoi redaktorannu Karjalan ruadivos. Vuvvennu 1966 loppi zaočno Petroskoin valdivonyliopiston aspirantuuran.

Vuvves 1966 ruadoi Ven’an tiedoakadiemien Karjalan tiedokeskuksen Kielen, literatuuran da histourien instituutas. Vuozinnu 1986—1988 oli instituutan varajohtajannu, vuozinnu 1989—2007 oli instituutan kirjalližuon ozaston piälikönny, vuvves 2007 — instituutan vahnembannu tiedoruadajannu.

Vuvvennu 1967 puolisti kandiduatan väitösruavon, vuvvennu 1989 — douhturin väitösruavon.

Vuvvennu 1970 rodih Kogo Nevvostoliiton nuorien tiedomiehien kilvan laureatakse yhteiskundutiedoloin alal. Vuvvennu 2002 rodih Karjalan tazavallan palkindon laureatakse kul’tuurualal. Vuvvennu 2009 D’uževale annettih Sampo-palkindo ven. «История русской прозы Европейского Севера второй половины XX века» -monogruafien kirjutandas da erinomazes panokses Karjalan tazavallan kul’tuuran kehittämizeh.

Vuvves 1977 kuului Ven’an kirjuttajien liittoh.

Vuozinnu 1980 nuorien kirjuttajien kannattamizekse, kudamat tahtotah kirjuttua lapsih niškoi, Nevvostoliiton kirjuttajien liiton Karjalan ozaston tyveh perustettih lapsien kirjalližuon ozasto. Sen piälikökse rodih Nevvostoliiton tiedoakadiemien Karjalan ozaston vahnembi tiedoruadai Jurii D'užev. Nuoret kirjuttajat kerävyttih läs joga kuudu Karjalan kirjuttajien taloih Pravdan uuličal[3].

Bibliogruafii

On enämbän migu 160 tiedoruavon kirjuttajannu, niilöin joukos on kymmene monogruafiedu[4].

  • Дмитрий Гусаров: Очерк творчества. — Петрозаводск, 1984. — 120 с.
  • Фёдор Трофимов: Очерк творчества. — Петрозаводск, 1985. — 127 с.
  • Писатели Карелии: Биобиблиографический словарь. — Петрозаводск, 1985. — 294 с.
  • История русской поэзии и драматургии Европейского Севера первой половины XX века. — Петрозаводск: ПетрГУ, 2002. — 224 с.
  • История русской прозы Европейского Севера первой половины XX века. — Петрозаводск: КарНЦ РАН, 2002. — 242 с.
  • Письма с карельского фронта. 1941—1942./Сост. Ю. И. Дюжев. — Петрозаводск: КарНЦ РАН, 2005. — 157 с.
  • Шуя, июнь 1929: Быт севернорусской деревни./Сост. Ю. И. Дюжев — Петрозаводск: КарНЦ РАН, 2006. — 154 с.
  • История русской прозы Европейского Севера второй половины XX века. В 2-х т. Т.1 — 364 с., Т.2 — 391 с. — Петрозаводск: КарНЦ РАН, 2008.
  • Народный писатель Карелии Ортьё Степанов. — Петрозаводск: Северное сияние, 2010. — 280 с.
  • Народный писатель Карелии Яакко Ругоев: очерк жизни и творчества. — Петрозаводск: Северное сияние, 2012. — 455 с.
  • Народный писатель Карелии Антти Тимонен: очерк жизни и творчества. — Петрозаводск: Северное сияние, 2014. — 544 с.

Palkindot da arvonimet

  • Kogo Nevvostoliiton nuorien tiedomiehien kilvan laureattu yhteiskundutiedoloin alal (1970)
  • Karjalan avtonoumizen socialistizen nevvostotazavallan tiedoalan arvostettu ruadai (1990)
  • Ven’an Federacien kul’tuurualan arvostettu ruadai (1998)
  • Karjalan tazavallan palkindon laureattu kul’tuurualal (2002)
  • Sampo-palkindo (2009)
  • Ystävyön kunnivomerki (2013)
  • Medali "Ruavon arvoruadolois"
  • Karjalan avtonoumizen socialistizen nevvostotazavallan Korgeviman Nevvoston Prezidiuman da Ministroin Nevvoston kunnivokirjazet

Huomavukset

  1. ↑ Умер литературовед Юрий Дюжев. Kačondan päivymiäry: 10. kezäkuudu 2021. Arhiviiruittu 10. kezäkuudu 2021
  2. ↑ Карелия: энциклопедия: в 3 т. / гл. ред. А. Ф. Титов. Т. 1: А — Й. — Петрозаводск: ИД "ПетроПресс", 2007. С. 320—400 с.: ил., карт. ISBN 978-5-8430-0123-0 (т. 1)
  3. ↑ Маркова, 2014, с. 211—212.
  4. ↑ Библиография научных работ и произведений. Kačondan päivymiäry: 5. tuhukuudu 2016. Arhiviiruittu 5. tuhukuudu 2016

Kirjalližus

  • Дюжев Юрий Иванович // Писатели Карелии: Биобиблиографический словарь. — Петрозаводск, 2006. — С. 19—21.
  • Маркова Е. И. История русской детской словесности Карелии. — Петрозаводск: Карельский научный центр РАН, 2014. — 394 с. — ISBN 978-5-9274-0636-4.
  • Учёные Карельского научного центра РАН: Биографический словарь / Отв. ред. И. М. Нестеренко, А. И. Слабунов. — Петрозаводск, 1999.
  • * Ученые Карельского научного центра Российской академии наук : биографический словарь / [гл. ред. А. Ф. Титов; отв. ред. Ю. В. Савельев; редкол.: Е. В. Жирнель и др.]. — 3-е изд., доп. и перераб. — Петрозаводск : Карельский научный центр РАН, 2012. — 419, [1] с. ; 21 см. — Библиогр. в конце ст. — Алф. указ.: с. 409—419. — ISBN 978-5-9274-0490-2

Linkat

Lähteh - "https://olo.ruwiki.ru/w/index.php?title=Jurii_D%27užev&oldid=126351669"