Kanzoinväline tropiekkoin päivy
| Kanzoinväline tropiekkoin päivy | |
|---|---|
 | |
| Tiippu | Ekolougine, sociualine |
| Pandih alguh | 14. kezäkuudu vuvvennu 2016 kezäkuun 29. päivän vuvvennu 2014 mustokse, sinäpiän muailman Nobelin palkindon laureattu Aun San Su Čži ezitti dokluadan tropiekkoin tilandehes |
| Alguhpanii | Yhtistynnyöt Kanzukunnat |
| Pietäh | joga vuottu |
| Päivymiäry | 29. kezäkuudu |
Kanzoinväline tropiekkoin päivy (ven. Междунаро́дный день тро́пиков, angl. International Day of the Tropics) on 29. kezäkuudu, päivy perustettih muailman Nobelin palkindon laureatan Aun San Su Čžin ezitetyn dokluadan mustokse tropiekkoin tärgies roulis. Mustopäivän piendäs ilmoitti Yhtistynnyzien Kanzukundien Piäassamblei 14. kezäkuudu vuvvennu 2016, sit vuvves algajen Kanzoinvälisty tropiekkoin päiviä pietäh joga vuottu[1].
Kanzoinvälizen tropiekkoin päivän piendän tarkoituksih kuuluu huomavon kiinittämine tropiekkoin da niilöin eläjien ongelmih, tropiekkualovehen ekolougizen tilandehen tiedoloin levittämizen suurendamizeh, sen talovuollizeh tazoh, demogruafieh da toizih nämmii alovehii koskijoih nägökulmih[1].
Algutapahtumu da mustopäivymiärän perustandan lähtökohtat
29. kezäkuudu vuvvennu 2014 Mjanmaran poliitiekkumies da muailman Nobelin palkindon laureattu Aun San Su Čži Yhtistynnyzien Kanzukundien ezimiehil ezitti kahtentostu tiijollizen tutkimusinstituutan tarkastelijoin varustetun dokluadan tropiekkoin ekosistieman tilas, tropiekkupoujasan Pohjazen da Suvizen mualoin talovuos da tervehyshoijos[1][2].
Dokluadas nostettih ezile joukko ongelmua da pandih merkile planietan alovehen poikkevuksellistu merkičysty Pohjazen da Suvizen muanpuoliškon välil. 40 % muakerän pindualas eläy 80 % biolougiellistu lajii da sil on enämbi puoldu (54 %) uvvistettuu vezivarua. Azientiedäjien mugah, XXI vuozisuan puolivälin mendyy tropiekois rubieu elämäh suurin oza planietan eläjis, täh lugun ottajen 65—67 % lapsien kogonazes lugumiäräs[1][2].
Dokluadan yhtehvevokse rodih teezissu tropiekoin Muan kestävän kehityksen sistieman tärgiembi oza. Silkeskie kogo muailman ilmasto-olon muuttumine, ylen ravei tropiekkumeččien kuandu, eläjien liigu lugumiäry da linnoih muutandu muutetah järillehkiändymättömäkse planietan tropiekkupoujassoin alovehien ekolougiestu sistiemua[1][3][4].
Eläjien merkittävy kazvu tropiekkualovehen mones muas liittyy vagavih sociualuongelmih: äijil tropiekkoin eläjil ei tävvy syömisty, hyö nähtah nälgiä, eigo heil ole kylläl vetty juvva liijan suuren rahvahan lugumiärän periä. Vai erähis mualois piästih merkičyksellizih tuloksih roinduluvun parandamizes da kyöhyön alendamizes[1][3][4].
Mustopäivymiärän panemine
Tunnustajen planietan tropiekkualovehen stratiegiellistu merkičysty da ongelmien miäriä sego dokluadan ilmestymizen vuozipäivän mustokse 14. kezäkuudu vuvvennu 2016 Yhtistynnyzien Kanzukundien Piäassamblei hyväksyi rezol’ucien A/RES/70/267, kudamas 29. kezäkuudu ilmoitettih Kanzoinvälizekse tropiekkoin päiväkse[1].
Yhtistynnyzien Kanzukundien Piäassamblein rezol’ucies ehoitettih ozanottaivaldivoloile da Yhtistynnyzien Kanzukundien yhtistyksile, sego mualoin yhteiskunnallizile yhtistyksile ymbäri Muadu pidämäh Kanzoinvälisty tropiekkoin päiviä tropiekkualovehien tiedoloin levittämizen suurendamizekse da valdivoloin kanzallizien prioritiettoin mugah[1].
Kačo ližiä
- Kanzoinväline biolougiellizen moniluadužuon päivy
- Muailman koskemattoman luonnon päivy
- Muailman meren päivy
- Muailman elättilöin puolistuspäivy
Huomavukset
- ↑ 1 2 3 4 5 6 7 8 Международный день тропиков, Организация Объединенных Наций, официальный сайт. Kačondan päivymiäry: 9. elokuudu 2024.
- ↑ 1 2 2014 State of the Tropics report (неопр.). www.jcu.edu.au. Kačondan päivymiäry: 9. elokuudu 2024.
- ↑ 1 2 Иващенко Александр Стефанович. Демографическая проблема в странах Тропической Африки (60-е гг. Xx В. - начало XXI В. ) // Вестник Адыгейского государственного университета. Серия: Регионоведение: философия, история, социология, юриспруденция, политология, культурология. — 2018. — № 3 (224).
- ↑ 1 2 Рост населения превратит Африку в безжизненную пустыню к концу века, РИА Новости (26 kezäkuudu 2019). Kačondan päivymiäry: 9. elokuudu 2024.
Kirjalližus
- Иващенко Александр Стефанович. Демографическая проблема в странах Тропической Африки (60-е гг. Xx В. — начало XXI В. ) // Вестник Адыгейского государственного университета. Серия: Регионоведение: философия, история, социология, юриспруденция, политология, культурология. — 2018. — № 3 (224).