Kanzoinväline tyttölöin päivy

On otettu Рувики-späi
Kanzoinväline tyttölöin päivy
Израильские девочки в венках.jpg
Virrallizesti angl. International Day of the Girl Child
Merkičys Kogo mieron kanzukunnan huomavon kiinittämine tyttölöin ymbäri muailmua tundiettavih da tirpettävih sociualuprobliemoih da eriarvožuoh, kuduat liitytäh ymbäriolijan rahvaskunnan kosketuksih naispuoleh: valdah suaja opastustu, tävvellizeh syöndyveroh, tervehyspalveluh, sociualuoigevuksien novvandah, sego puolistandah syrjindäs, vägivallas da pakollizes mieheleannandas alaigäzinny.
Pandih alguh 19. talvikuudu vuvvennu 2011 (Rezol'ucii A/RES/66/17)
Alguhpanii Yhtistynnyzien Kanzukundien Piäassamblei, Yhtistynnyöt Kanzukunnat
Pietäh Earth flag PD.jpg Kanzoinväline päivy
Päivymiäry 11. ligakuudu
Liittyy tyttölöih
Логотип РУВИКИ.Медиа Медиафайлы на РУВИКИ.Медиа

Kanzoinväline tyttölöin päivy (ven. Междунаро́дный де́нь де́вочек, angl. International Day of the Girl Child) on kanzoinväline päivy, kudai on omistettu naispuolen lapsien erillizile probliemoile da varavoloile, kudamien periä hyö jovvutah kärzimäh. Tädä jogavuodehistu päiviä pietäh 11. ligakuudu vuvves 2012 lähtijen. Yhtistynnyöt Kanzukunnat -yhtistys perusti sen YK:n Piäassamblein ehoitukses.

Histourii

18. talvikuudu vuvvennu 1979 Yhtistynnyzien Kanzukundien Piäassamblei hyväksyi rezol’cien A/RES/34/180 "Sobimus kaikenualazien syrjindöin hävitändäs naizii kohtah"[1].

Pekinan naizien oigevuksien deklaracii hyväksyttih syvyskuun 4.—15. vuvvennu 1995 YK:n nelländen muailman konferensien istundol[1].

Vuvvennu 2011 Yhtistynnyzien Kanzukundien Piäassamblein istundol Kanuadas kanzoinvälizen ei-kaupallizen Plan-hyvyönluadii yhtistyksen (Plan International) ehoitukses Sendäh, gu olen tyttö -opastushomman hantuzis hyväksyttih rezol’ucii A/RES/66/17 Kanzoinvälizen tyttölöin päivän perustamizes. Pruazniekkupäiväkse pandih ligakuun 11. päivy[2][3].

Parluamentah kuului Edmontonaspäi (Kanuadu) da federualline naisazieloin ministru Rona Embrouz  (ven.) (olo. sego Plan Canada -yhtistyksen piämies Rozmari MakKarni ruattih tämän rezol’ucien levittämizekse edehpäi kogomuailmallizekse:

Ajatus on yksinkerdaine: tyttölöin oigevukset ollah ristikanzan oigevukset; midä teriämbi tytöt tiijustetah omis oigevuksis, sidä enämbi rodieu mahtuo niilöin käyttämizeh.Rona Embrouz, Rozmari MakKarni, vuozi 2011

10. talvikuudu vuvvennu 2011 Yhtistynnyzien Kanzukundien Piäassamblei iänesti "Kanzoinvälizen tyttölöin päivän" hyväksymizes[4].

19. talvikuusu vuvvennu 2011 YK:n Piäassamblei perusti "Kanzoinvälizen tyttölöin päivän"[5].

Perustetut päivän tehtävii ollah kogo mieron rahvaskunnan huomavon kiinittämine tyttölöin ymbäri muailmua tirpettävih sociualuprobliemoih da eriarvožuoh, kuduat liitytäh ymbäriolijan rahvaskunnan kosketuksih naispuoleh: valdu suaja opastustu, tävvellizet syöndyverot, tervehyspalvelu, sociualuoigevuksien novvandu, sego puolistandu syrjindäs, vägivallas da pakollizes mieheleannandas alaigäzinny[5].

11. ligakuudu vuvvennu 2012 enzikerdua piettih "Kanzoinvälisty tyttölöin päiviä"[6].

Sih liittyjät tapahtumat

On vie olemas mostu kanzoinvälisty päiviä, kudamien tarkoituksennu ollah kogo mieron naizien oigevuksien kannatandu da puolistandu:

Tytöt lugietah Moskovskaja pravda -lehtie, vuozi 2014

Päivän tiemat

Joga vuottu Kanzoinvälizekse tyttölöin päiväkse Yhtistynnyöt Kanzukunnat varustau päivytieman kanzoinvälizih piätapahtumih niškoi:

  • 2012 — "Aigazien yhtehmenendöin probliemu"[6];
  • 2013 — "Progressiivine opastundukeino tyttölöin opastamizeh"[9];
  • 2014 — "Keskenkazvuhizien tyttölöin voindien levendämine: toistujan vägivallan lopendu"[9];
  • 2015 — "Rahoita tänäpäi avvuttamizekse meijän muailman kehityksele menemäh edehpäi huomei"[9];
  • 2016 — "Tyttölöin olon parandamine merkiččöy progressua tavoittehien suavuttamizekse: mi tyttölöile on tärgei"[9];
  • 2017 — "Opastus on perustarbehii tyttölöin oigevuksien da mahtoloin levendämizekse";
  • 2018 — "Korgeitazozet neronaizet on aijankohtaine tarbeh";
  • 2019 — "Vägevy tyttö: opastumatoi da segopäine"[10];
  • 2020 — "Minun iäni, meijän taza-arvoine tuliiaigu";
  • 2021 — "Digitualine sugupolvi. Meijän sugupolvi"[11];
  • 2022 — "Meijän aigu on tulluh — meijän oigevukset, meijän tuliiaigu";
  • 2023 — "Kannata dengal tyttölöin oigevuksii: johto meijän käzis, hyvys kaikile"[12];
  • 2024 — "Tulien aijan tundo tyttölöil";
  • 2025 — "Tytöt muutoksien johtajinnu"[5].

Yhtistynnyzien Kanzukundien Piäsekretarin viestit

Yhtistynnyzien Kanzukundien Piäsekretari joga vuottu julguau Kanzoinvälizenny tyttölöin päivänny viestin kogo mierole:

...

Tyttölöil on oma mieron nägemys, kudamas hyö voijah hyvin eliä da kehittyö. Hyö ruatah tämän nägemyksen todevuttamizekse da prižmitäh, gu heijän iäni kuultas. Tuli aigu kuunnella. Meile pidäy andua tyttölöile paikku nevvottelustolan tagan, tagustua heile opastus, tarvittavat resursat da mahdolližukset, gu hyö voidas ottua ozua rahvaskunnan elaigah da olla ohjuajas tilas.

Tyttölöin rohkevus, toivo da toimivalmistus on voimu, kudai on otettavu huomavoh. Tuli aigu kogo mierol astuo heile vastah da avvuttua työnnyttämäh heijän mieron nägemys da tahtot tovelližuoh.Antoniu Guterriš, vuozi 2024, [13]

Päivän tapahtumat

Nais- da lapsienazieloin liiton ministru Maneka Sandžai Gandi, Unicefan ezittäi Indies: douhturi Jasmin Ali Hak, Nais- da lapsienazieloin ministerstvan sekretari Šri Rakeš Šrivastava da sporturahvas: Sačin Tendulkar, Mitali Radž, Rasprit Sidhu, Ragini Šarma, Mana Mandlekar Kanzoinvölizen tyttölöin päivän nimeh Nais- da lapsienazieloin ministerstvan da Unicefan järjestetys pivos Indies, Nju-Deli, 11. ligakuudu vuvvennu 2017.

Kanzoinvälizenny tyttölöin päivänny järjestetäh nengomua piduo[3]:

  • sociuluakciedu;
  • festivualii;
  • miitingua;
  • volont’uoroin da hyvyönluadijoin fondien järjestettyy opastusvastavustu.

Tämä päivy on levieh ezitetty erilazis joukkoviestimis. Muga sociualuverkolois käytettävis on #dayofthegirl-heštegu, Ven'al — #деньдевочек (#tyttölöinpäivy)[3].

Vuvvennu 2014 Indies halličus pani rattahile Puhtas Indii. Puhtahat Školat-toimihomman (tualiettoin srojindu erikseh tyttölöile da brihaččuloile). Vuvvennu 2015 pandih ruadamah Beti Bacaho Beti Padhao-programman, kudaman tarkoituksennu oli tyttölöin tapandan juurineh hävitändy da opastusmahton annandu.

Vuvvennu 2015 Yhtistynnyzien Kanzukundien muailman johtajat hyväksyttih "Kestävän kehityksen tavoittehet vuodessah 2030" (17 tavoitehtu), kudamien tarkoituksekse ajatellah sugupuolien taza-arvon sego naizien oigevuksien da mahdolližuksien levittämisty[5].

Vuvves 2016 lähtijen juatah Kitain halličuksen rahoitettuu UNESCOn jagavuodehistu palkinduo "Suavutuksis tyttölöin da naizien opastuksen alal". 50 tuhanden Amierikan Yhtysvalloin dollaran suuruttu palkinduo myönnetäh kahtele laureatale heijän ruadoloin työnnyttämizekse da eistämizekse tyttölöin da naizien opastamizes[14].

Vuvvennu 2018 Gruuzies Yhtistynnyzien Kanzukundien naizet -ozasto piästi ilmoile Eli-oli kerran tyttö -suarnukogomuksen, 21 suarnua lapsile ymbäriolijan muailman ellendämizekse, sen kauti arvoloin kehittämizekse da taza-arvoh opastamizekse. Kogomustu oli luadimas 18 gruuzilastu kirjuttajua da taidoilii-kuvuaju Natija Kvarachelija. Suarnoin piähengilöinny ollah Gruuzien histourieh tulluot naizet. Joga juttu on urhotevon, rohkevuon, viizahuon, kunnivon noudamizen da naizien oigienmugažuos borčan kuvailu[15].

Ven'al

Vuvvennu 2022 Krasnoturanskas rahvahan sociualupalvelun Krasnoturanskii-kompleksukeskuksen perehen da lapsien sociualuavun ozastos piettih Elettähes tytöt! -tiijustusčuassu. Piettih kilboi: "Minä olen viizahin", "Čomin bantu" da muudu, joukkomuasterikursan Kukat mal’l’as — kompozicien luadimizekse, juattihgi palkindoloi[16].

Vuvvennu 2024 Batkenan alovehen Kizil-Kijas (Kirgizii) piettih Tuliiaigu tyttölöin silmin -festivuali. Sih yhtyi enämbi 200 tyttö-opastujua. Järjestettih tiijollizien keksindöin ozuttelu, koitehopastukset hiimies da fiiziekas, Uuzien ammattiloin kartasto — interaktiivukiža, oligi ezitelmien ezitys.

Vuvvennu 2025 oli nengomua tapahtumua:

  • Kogo Ven'an Ole enzimäine! -flešmobu, kudaman järjesti Enzimäzien liikeh  (ven.) (olo.[17].
  • Voronežan alovehen Bogučaran keskuskirjastos ruadoi kniiguozuttelu nimel "Tytöt, hyö ollah nengozet…"[18].
  • Oksana F’odorovan hyvyönluadii Kiirehtäkkiä luadie hyvytty -fondu yhtes Ven’an yhteiskunnallizen televidienienke sociualuverkolois pandih ruadamah flešmoban (työnnä fotokuva hyvis tegolois hešteganke #девочкиспешатделатьдобро! (#tytötkiirehtetähluadiehyvytty))[19].

Huomavukset

  1. ↑ 1 2 Декларации, конвенции, соглашения и другие правовые материалы (рус.). un.org. Kačondan päivymiäry: 19. kylmykuudu 2025.
  2. ↑ Резолюция A/RES/66/17 по учреждению "Международного дня девочек" (рус.). docs.un.org. Kačondan päivymiäry: 19. kylmykuudu 2025.
  3. ↑ 1 2 3 Международный день девочек 2025: какого числа, история и традиции праздника. Kačondan päivymiäry: 19. kylmykuudu 2025.
  4. ↑ Сегодня празднуют Международный день девочек. Kačondan päivymiäry: 19. kylmykuudu 2025.
  5. ↑ 1 2 3 4 Nations, United. Международный день девочек | Организация Объединенных Наций, United Nations. Kačondan päivymiäry: 19. kylmykuudu 2025.
  6. ↑ 1 2 Впервые в мире отмечают Международный день девочек, РИА Новости (11 ligakuudu 2012). Kačondan päivymiäry: 19. kylmykuudu 2025.
  7. ↑ Nations, United. Международный день нетерпимого отношения к калечащим операциям на женских половых органах, United Nations. Kačondan päivymiäry: 19. kylmykuudu 2025.
  8. ↑ Nations, United. Международный день женщин и девочек африканского происхождения, United Nations. Kačondan päivymiäry: 19. kylmykuudu 2025.
  9. ↑ 1 2 3 4 Международный день девочек, Теләче Информ (11 ligakuudu 2018). Kačondan päivymiäry: 19. kylmykuudu 2025.
  10. ↑ Познайка. 11 октября отмечается Международный день девочек (рус.). child-lib.com. Kačondan päivymiäry: 19. kylmykuudu 2025.
  11. ↑ Международный день девочек, РИА Новости (11 ligakuudu 2021). Kačondan päivymiäry: 19. kylmykuudu 2025.
  12. ↑ Международный день девочек отмечают 11 октября. Kačondan päivymiäry: 19. kylmykuudu 2025.
  13. ↑ Nations, United. Международный день девочек, United Nations. Kačondan päivymiäry: 19. kylmykuudu 2025.
  14. ↑ Премия ЮНЕСКО за достижения в области образования девочек и женщин (рус.). unesco.org. Kačondan päivymiäry: 19. kylmykuudu 2025.
  15. ↑ Сборник сказок «Жила-была одна девочка» - подарок детям от структуры «ООН-женщины», «ООН-Женщины» – Европа и Центральная Азия. Kačondan päivymiäry: 19. kylmykuudu 2025.
  16. ↑ "Да здравствуют девчонки!" Познавательный час к Международному дню девочек :: Краевое государственное бюджетное учреждение социального обслуживания «Комплексный центр социального. kgbu-kcson.ru. Kačondan päivymiäry: 19. kylmykuudu 2025.
  17. ↑ Движение Первых (рус.). id.pervye.ru. Kačondan päivymiäry: 19. kylmykuudu 2025.
  18. ↑ Тематическая выставка «Девочки, такие девочки…» 2025, Богучарский район — дата и место проведения, программа мероприятия., Культура.РФ. Kačondan päivymiäry: 19. kylmykuudu 2025.
  19. ↑ Благотворительный фонд Оксаны Федоровой. fedorovafond.ru. Kačondan päivymiäry: 19. kylmykuudu 2025.

Linkat

Lähteh - "https://olo.ruwiki.ru/w/index.php?title=Kanzoinväline_tyttölöin_päivy&oldid=126360955"