Minun mua — minun Ven'a

Minun mua — minun Ven'a
Algu	vuozi 2004
Tulos	läs 1 miljonua ozanottajua 20 vuvves
Verkosivusto	moyastrana.ru

"Minun mua — minun Ven'a" (ven. Моя страна — моя Россия) on kylien, suurien da pienien linnoin sociualu-talovuollizen kehityksen projektoin kilbu. Enzikerdua se piettih vuvvennu 2004. Vuvves 2019 algajen sidä pidäy Ven'a — mahtoloin mua -avtonoumine ei-kaupalline yhtistys Ven'an Federacien tiijon da korgien opastuksen ministerstvan, Opastusministerstvan, Federuallizen Kerähmön Federacieloin nevvoston tiijon, opastuksen da kul'tuuran komitietan, Älyllizen omažuon federuallizen palvelun, "Ven'an opastuksen akadiemien", Nuorižoazieloin federuallizen agenstvan kannatuksel.

Kilbah otetah ruadoloi eri igäjoukkolois olijois: vähembä 13 vuottu olijois, 14-17-vuodehizis, 18-35-vuodehizis, enämbi 35 vuottu olijois. Vuvvennu 2025 kilbu omistettih Suuren Ižänmuallizen voinan Voiton 80-vuozipäivän piendäkse.

Histourii

Kilvan ideis ilmoitettih vuvvennu 2003 Kogo Ven’an nuorižoparlamentarizman kehittämizen seminuaras R’azanis.

Emzikerdua kilbu piettih vuvvennu 2004, azientiedäjien nevvosto arvosti studentoin ruadoloi aihies "Sinun XXI vuozisuan linnu", net oli omistettu linnoin ohjuandan sistieman kehittämizele, talovuon tovellizien sektoroin kehittämizele sego sociualu- da tiedo-opastuksellizen alan kehittämizele.

Vuvvennu 2006 kilbu sai kogo Ven’an stuatusan, kilvan piäruadoloikse rodih nuorižon opastandu sociualuprojektiiruičendan perustehih sego muan ruadajien potensualan muvvostamine.

Vuvves 2019 algajen kilbua "Minun mua — minun Ven'a" pietäh Ven'a — mahtoloin mua -avtonoumizen ei-kaupallizen yhtistyksen suojelukses, min periä Ven'an piämies Vladimir Putin sanoi kilvan "arvovaldazekse, tarvittavakse nuoren polven kiinnostuttamizekse Ven'an alovehien sociualu-talovuollizen kehityksen piätöksien todevuttamizekse".

Kilvan ozanottajien lugu vuozi vuottu kazvoi: vuvvennu 2018 otettih vastah 7 tuhattu ruaduo, vuvvennu 2019 jo 35 tuhattu, а vuvvennu 2023 — enämbi 100 tuhattu.

Vuvven 2023 Minun mua — minun Ven'a -kilvan voittajat

Medalit kilvan voittajih niškoi (2025)

Ozanottajat

Kilbah otetah ozua nellän igäjoukon rahvas:

• vähembä 13 vuottu olijat;
• 14-17-vuodehizet;
• 18-35-vuodehizet;
• enämbi 35 vuottu olijat.

Kilvan siändölöin mugah azientiedäjien nevvosto kaččou kaikkii työttylöi ruadoloi, valliččou niilöis 300 da kuččuu kilbuniekkoi puolistamah niilöi (loittuolpäi). Joga igäjoukos vallitah enzimäzen, toizen, kolmanden sijale puuttunuot. Arvostajes otetah huomavoh ruavon sociualumerkičysty da sen Ven’an piämiehen käskyn mugahistu noudamistu "Ven’an Federacien kehityksen kanzallizis tavoittehis vuodessah 2030 da perspektiivakse vuodessah 2036", oman tutkimuksen tuloksien olemas olendua, käytöndöllizen todevuttamizen mahtoloi.

Palkičuspido pietäh Piiterin kanzoinvälizen talovusfouruman Nuorižopäivän hantuzis.

Kilvan voittajat suajah dengupalkindoloi, ližiä ballua korgeiškolih piästes, projektoin tiijoitamizen.

Nominaciet

Vuvven 2025 nominaciet
Lähteh:

Nominaciet	Piäaspektat
"Minun mua. Minun histourii. Minun Voitto"	histouriellizen muston säilyttämine, elävyttämine, elospiendy da popul'arizacii Ven'al da ulgomual Suures Ižänmuallizes voinas; pitkyaigazien voinan da ruavon veteruanoin kannatuspidoloin todevuttamine; voinan mustopaččahien da mustomerkilöin sego tagavos ruadanuzien mustopaččahien da mustomerkilöin säilyttämine; bojukohtien da Nevvostoliiton Armien saldattoin kalmoin eččotoimindan kannattamine; pidoloin luajindu, kudamien tarkoituksennu on ižänmuansuvaičustunnon da ylbevyön kazvattamine nevvostolazien saldattoin hinnattomas panokses fašizman voitandas; Suuren Ižänmuallizen voinan tundemattomien kohtien tutkimus.
"Minun pereh: jatkuvus, arvot da merkičys"	histouriellizen muston säilyttämine, pereharvoloin lujittamine, histourien säilyttämizen projektoin kehittämine da ehoittamine; nuorižon valmistamine perehen luadimizeh da vastuollizeh muaman da tuatan olendah perehen polviloinvälizen nevvondan nägökulmas; sociualu-talovuollizien processoin kannattamine (ezimerkikse, perehbiznessu libo infrastruktuuran kehittämine); perehen instituutah niškoi hyvän infrastruktuuran luadimine da kehittämine Ven'an linnois da kylis; perehien kannattamine, kudamis on lastu vijoinke tervehyös da huonon tervehyönke.
"Minun monikanzalline Ven'a" (sih kuulutah sežo alat "Minun muamankieli", "Meijän mualoin yhtymy", "Minun ruadonerot")	rahvahankeskizien, kul'tuuroin- da konfessieloinvälizien kommunikacieloin kehittämine sego talovuollizen, tiedo-tehniellizen da gumanituarizen yhtehizen ruavon kehittämine Ven'an ystävälläzien mualoinke; histouriellizien materjualoin keriändy, yhtehvedo, sistematizacii, tallendamine, tiijollizeh käyttöhotandu Ven'an kanzoin eloksen joga alas; lapsien da nuorižon arheolougizen toimindan kannattamine; histourien da kul'tuuran tiedoloin integracii matkailu-rekreacionnoih toimindah paikan piäl; Ven'an linnoin da kylien histourien, kul'tuuran, niilöin eläjien kanzoin perindölöin opastundah pohjavujan opastustoimindan kehittämine nuorien keskes; syväinpuolizen matkailun roulin nostamine lapsien da nuorižon hengellis-morualizes kazvatamizes, heijän hyväs socializacies, ižänmuansuvaičuksen da kanzallizen vastuolližuon tunnon kazvattamine.
"Minun ylbevys. Minun pieni kodoimua (minun linnu, minun kylä)" (sih kuulutah moizet aihiet kui "Minun pieni kodoimua (minun linnu, minun kylä)", "Minun Loittoine Päivännouzu. Minun Arktiekku")	kanzalazien Ven'an linnoin da kylien kehittämizen ozanotandan poziitiivizien ezimerkilöin popul'arizacii, meijän aijan urhomiehis sanelendu; paikallizien eläjien da yhtymien kiinnostuttamine alovehien kehittämizeh, sit luvus ollah uvvet ruadomuvvot yhtyö paginoinpiendöih da iänestyksih, piätöksien luadimine koin, uuličan, mikroalovehen tazol; linnoin kul'tuuru-histouriellizen perindön säilyttämine, sit luvus ollah pienet linnat da histouriellizet eländypaikat; oman kodirannan histourien tutkimine da popul’arizacii; omatahtozien (volont’uoroin) ruavon kehittämine alovehien, alguhpanoloin da projektoin kehitändän alal, niilöih kuulutah volont’uoroin todevutetut praktiekat mugažan linnan ymbäristön luadimizekse; hyvän susieduväližyön perindölöin da rinnaleläjien välilöin kul’tuuran kehittämine (rinnal olijoin fatieroin, pordahikkoloin, kodiloin eläjien välil).
"Minun opastusalguhpano"	detsadulazen opastuksen da yhtehizen opastuksen kehittämine; loittuolpäi opastuksen, sähközien opastusmaterjualoin, tiedo- da mul'timediitehnolougieloin, mobiilisovituksien, onlainopastuskursiloin, sähkökirjastoloin da -tiedosanakniigoin kehittämine da käyttöhottamine; opastuksen da ičeksehopastuksen älyllizien sistiemoin kehittämine; lapsien da nuorižon projektutoimindah opastandan effektiivizien metoudiekkoin da praktiekkoin kehittämine, sociualuprojektiiruičendan alalgi; alovehellizel da municipualutazol lapsien da nuorižonke projektutoimindan malliloin luadimine da kehittämine.
"Minun tervehys"	varavoloin faktoroin tutkimine (kurindu, juondu, paha syöndy da vähäine liikundu) da niilöin vaikutus ristikanzan tervehyöh; korparatiivuohjelmoin kehittämine da käyttöhottamine tervehyön parandamizekse ruadopaikois; Ven'an kanzoin syömizien tervehyöh da pitkäh igäh vaikutuksen tutkimine; niistielöin, sociualizesti turvattomien kanzalazien, orboloin da ilmai vahnembien hoiduo jiännyzien lapsien luomisruado-, ammatti- da toizien neroloin kehittämine, luguh ottajen heijän iččenäzis ruadolois ruandu da biznessutoimindu; niistielöin da vijoinke tervehyös olijoin ristikanzoin sociualizesti ohjattuloin ei-kaupallizien yhtistyksien perustandu; niistielöin, sociualizesti turvattomien kanzalazien, orboloin da ilmai vahnembien hoiduo jiännyzien lapsien ammattiohjavus da ruavon suandan kannatus.
"Minun muan ekolougii"	ekolougizen matkailun kehittämine; eriže kerättävien murdoloin da niilöin muokkuandan käyttöhottamine da livuttamine, luguh ottajen Ven’an jätehtevolližuon perustamine; vodoroudutehnolougieloin (sit luvus ollah metan-vodoroudutehnolougiet) kehittämine; guazumotorpoltoainehen da guazumotorstansieloin kehittämine Ven'al; luonnon guazus bioprotejinan suandutehnolougieloin kehittämine; tehnolougieloin kehittämine da innovaciiainehien luadimine luonnon guazun säilytykseh da viendäh nähte.
"Min rahmannoi Ven’a"	muan imidžan modernizacii; investicielöin houkuttelemine alovehele matkailukohtannu, matkailukohtan brendan kehittämine; matkailun eri lajiloin kehittämine (kosmossu-, tevolližus-, tiedo-, opastus-, sportu-, kul’tuuru-opastuksellis-, syömis-, etnogruafii-, tapahtumu-, lapsien-, kylä-, šeikkailu- da agromatkailu); huogavopäivän matkoin da matkoin histouriellizii kohtii myöte kehittämine da livuttamine; matkailutuottehen kehittämine da livuttamine "kolmanden igäjoukon" rahvahih da vähämobiilizih matkailijoih nähte; Ven'an kanzoin syömizien tutkimine da popul'arizacii.
"Minun muan älylline omažus" (sih kuulutah "Alovehien digitualizen ymbäristön kehittämine", "Opastussistieman luajindu da kehitändy älyllizen omažuon alal Ven’an alovehil", "Älyllizen omažuon alovehellizen sistieman mehanizmoin luajindu da kehitändy uuzien digitualizien tehnolougieloin da platformupiätöksien nägökulmas", "Älyllizen omažuon suojelu — alan eričys")	Effektiivizien tehnolougiellizien piätöksien valličendu Mielevy aloveh -alovehellizih da municipualuohjelmih nähte älyllizen patentuanaliitiekan perustehel suurii tiedoloi da tegoälyy käyttäjen; älyllizen omažuon alovehellizen kompleksusistieman muvvostamine uuzien digitualizien tehnolougieloin da platformupiätöksien nägökulmas käyttäjen opastus-, ohjailu- da investiciimehanizmoi; alovehen tiedo-tehnolougiellizen kehityksen ennustusinstrumentoin kehittämine da käyttöhottamine; älyllizen omažuon kommercializacii da innovaciibiznesan kehittämine Ven’an alovehil; alovehellizien brendoin livuttamizen effektiivizien mehanizmoin da niilöin suojeluksen stratiegien luajindu.
"Digitualine ymbäristö kanzalazien eloksen tazon parandamizekse alovehil"	digitualizien tehnolougieloin kehittämine, sen aigah luajitah hyvä ymbäristö niilöih ristikanzoih niškoi, kudamil on rajoitettuloi mahtoloi tervehyön periä, perehih lapsienke da ruavahih ristikanzoih niškoi; kanzalazien digitualizien tiedoloin parandamine Ven’an alovehil; digitualizii resursoi tutkijoin kanzalazien kannattamine; erillizien digitualizien resursoin luajindu alovehil eläjien kanzalazien mahtoloin suurendamizekse, luguh otetah sociualutehtävien todevuttamine da uuzien ruadopaikkoin perustamine.
"Minun muan suuri tehnolougielline tiijustelu" (sih kuulutah sežo "Innavaciet kosmosas da lendovoimis", "Parahat tuotandotehnolougiet", "Tiedotehnolougiet da rotototehniekku", "Tevolližus da energietiekku", "hiimiellizet tehnolougiet da ekolougii", "Tehnolougiet "mieleväh linnah" nähte da luovat tehnolougiet", "Liečetiedo-, bio- da muatalovustehnolougiet")	instrumentoin da piätöksien kehittämine da käyttöhotandu tevolližusinternetan alal, suurien tiedoloin sellittelyn alal tevolližuslaitoksis, prediktiivizen sellittelyn alal; uuzien materjualoin kehittämine da käyttöhottamine tevolližuos; tiedo-tutkimuksellizien, koittelu- da konstruktoruvalmisteluloin tutkimine, kehittämine da käyttöhottamine tevolližusrobototehniekan da sensoriekan alal; projektoin kehittämine da käyttöhottamine metalloin muokkuandualal; piätöksien kehittämine da käyttöhottamine hyödykaivandahizien louhindan da muokkuandan tehnolougieloin alal; piätöksien kehittämine da käyttöhottamine energogeneracien alal, persounallizien suittajien kehittämine; uuzien hiimiellizien materjualoin, ei-luonnollizien da luonnollizien ainehien kehittämine, tuottehien kehittämine uuzien nygyaigazien hiimiellizien materjualoin pohjal; muan loittuolpäi piettävän monitouringan tehnolougieloin da piätöksien kehittämine da käyttöhottamine; ainehen uuzien lähtehien kehittämine, "uvven syömizen", nygyaigazen selekcien luajindu; uuzien rohtuloin kehittämine; tiedo-tutkimuksellizien da koittelukonstruktiivizien projektoin tutkimine, kehittämine da käyttöhottamine tarkoin diagnostizien sistiemoin, sovituksien alal taudiloin eständykeinon da persounallizen tarkasteluh niškoi.
"Minun biznesmiehen alguhpano. Luovat alat alovehien kehittämizekse"	siciualubiznesan kehittämine; nuorižon biznessualguhpanoloin kehittämine; käziruadoloin perindölöin da tehnolougieloin elävyttämine, rahvahan perindöllizien käziruadoloin kehittämine; harvinazien da ozittain hävinnyzien käziruadoloin da tehnolougieloin elävyttämine, kudamat kiinnostetah Ven’an kanzoin histourii-kul’tuurizen perindön säilyttämizen sego mustolahjoin da kulutustavaroin tuotandon nägökulmas.
"Ajonevvot. Minun muan yhtevyksen raiživot"	avtotielöin rakendamizen tehnolougieloin kehittämine da uuzien tie- da inženieruinfrastruktuuran uvven kehitystuottehen käyttöhottamine; alovehellizen da paikallizen merkičyksen tielöin projektiiruičendu da rakendamine hyövylližyön da talovuollizen hyövyn perustehel; kylätielöin rakendamine kanzalazien omaverotuksen varoih; ajonevvoloin alasistiemoin kehittämine käyttäjen uuzii tehnolougieloi da tehnolougiellizii piätöksii sego huomavoh ottajen vähäl; tutkittuloin Ven’an Federacien Siberin, Loittozen Päivännouzun, Arktiekan alovehien muantiedo-, luonnon da ilmaston eričyksii; Ven’an yhtehizen ajonevvoymbäristön luajindu ajonevvoloin infrastruktuuran tazapainozen kehityksen pohjal.
"Minun sugupuun niitit"	erilline nominacii lapsih nähte, kudai on omistettu Suuren Ižänmuallizen voinan Voiton 80-vuozipäivän piendäle.

Johtokundu

• Dmitrii Turlakov — Minun mua — minun Ven'a -kilvan toimehpaniikunnan johtai;
• Larisa Pastuhova — Minun mua — minun Ven'a -kilvan tiedo-ohjuaju, kilvan koncepcien luadii;
• Galina Sorokina — Minun mua — minun Ven'a -kilvan azientiedäjien kunnan koordinuattoru;
• Vladimir Beresteckii — Minun mua — minun Ven'a -kilvas piässyzien liiton koordinuattoru.

Huomavukset