Suuren Ižänmuallizen voinan Voiton 80-vuozipäivän piendy

On otettu Рувики-späi
Suuren Ižänmuallizen voinan Voiton 80-vuozipäivän piendy
Лого 80 лет Победы.jpg
Päivymiäry vuozinnu 2024 - 2025
Paikku Флаг России Ven'a
Verkosivusto may9.ru

Suuren Ižänmuallizen voinan Voiton 80-vuozipäivän piendy on suuri ohjelmu Suuren Ižänmuallizen voinan Voiton 80-vuozipäivän kunnivokse kogo Ven'al da ulgomual. Vuozinnu 2024—2025 reknaillah pidiä enämbän 170 piduo[1].

Ohjailutapahtumat

31. heinykuudu vuvvennu 2023 Ven’an piämies Vladimir Putin allekirjutti käskyn Suuren Ižänmuallizen voinan Voiton 80-vuozipäivän valmistandas da piendäs. Halličuksele da Pobeda-ohjailukomitietale käskiettih luadie da hyväksyö pluanu tärgielöin voinutorien kunnivokse, sežo pidolois, kudamih rubieu ottamah ozua ulgomuan valdivoloin johtajii. Ven’an Federacien Ulgoazieloin ministerstvale käskiettih andamah poliittistu da diplomuattistu abuu pruazniekan piendäs, a federuallizile da alovehellizile elimile ottamah ozua valmistandah, avvuttamah veteruanoi da paikallizii vallasolijoi saldattoin kalmukohtien kundoh panemizess[2].

Elokuul vuvvennu 2023 piämies allekirjutti käskyn Voiton 80-vuozipäivän valmistandan da piendän Ohjailukomitietan perustandas[3].

18. oraskuudu vuvvennu 2024 Ven’an Federacien halličus hyväksyi pidoloin pluanan Voiton 80-vuozipäivän valmistandah da piendäh nähte[4].

19. kylmykuudu vuvvennu 2024 ozuttelii da yhteiskunnalline toimii Vladimir Maškov ezitti Voiton muzeis Moskovas Voiton 80-vuozipäivän logotiipan. Häi juohatti prezentacies:

19. kylmykuudu vuvvennu 1942, 82 vuottu tagaperin, seiččemen aigua huondeksel Ruskei Armii artlierien da "Kat’ušoin" ammundal algai Uran-operacien. Operacii pani alguh nemson voiskien hävitändän Stalingruadan toras, se oli murdoaigu Suures Ižänmuallizes voinas.[5]

Logotiipas on Jevgenii Vučetičan vestokuva ven. «Родина-мать зовёт!», kudai on Stalingruadan urhomiehien mustomerki-ansambl’an keskusozannu Mamajevo-kurguanal Volgogruadas[6].

Video Suuren Ižänmuallizen voinan Voiton 80-vuozipäiväkse

Pakkaskuul vuvvennu 2025 Voiton 80-vuozipäiviä enne Jakutsku čomendettih jiävestoksil Suuren Ižänmuallizen voinan da Ven’an Federacien Sodavoimien Erillizen voinuoperacien alovehen sodamiehien kunnivokse[7].

Ohjelmu

Suuren Ižänmuallizen voinan Voiton 80-vuozipäivän piendän pluanah on merkitty 171 piduo. Niilöin joukos ollah perindöllizet Ven’an akciet:

  • «Muston tuohus»,
  • «Georgijevskoi lentaine»,
  • «Voiton lugemine»,
  • «Voitto on kaikile yksi»,
  • «Liečetiedopolku»,
  • «Muston juna».

Ruvetah sežo pidämäh konsertoi, teatrallizii ozutuksii da toizii pidoloi.

Akcieloi ruvetah pidämäh kogo Ven’al[8].

Pidoloin valmistandah da piendäh ruvetah ottamah ozua volont’uoroin da veteruanoin yhtistykset: ven. «Волонтеры Победы», Federualline nuorižon azieloin agenstvu, «Enzimäzien liikeh», Ven’an yhtistys ven. «Знание» da äijät toizet. Kaiken 2025 vuvven aigah hyö ruvetah pidämäh opastusakcieloi da pidoloi lapsih da nuorižoh nähte[9].

Ulgomualazet gost’at

Piäkirjutus: Voiton paruadan gost'at (2025)

Moskovah Voiton 80-vuozipäivän paruadah tulou enämbi 20 valdivon da halličuksen piämiesty[10]. Virrallizet kučut otettih vastah Valgoven’an piämies Aleksandr Lukašenko, Kitain rahvahan tazavallan piälikkö Si Czin’pin, Slovuakien piäministru Robert Fico, Serbien piämies Aleksandr Vučič, Braziielien piämies Lujis Inasiu Lula da Silva, Bosnien da Gercegovinah kuulujan Serbien tazavallan piämies Milorad Didik da toizet[11].

Piendy ulgomual

Voiton 80-vuozipäiviä ruvetah leviesti pidämäh Iččenäzien valdivoloin yhtymän monis mualois. Ven’an Federacien piämies videos kiändyi Iččenäzien valdivoloin yhtymän Halličuksien piämiehien nevvoston istundon ozanottajien puoleh talvikuul vuvvennu 2023 da ilmoitti, ku Ven’an "tarkoituksennu on jatkua yhtesruaduo meijän yhtehizen mennyön aijan muston säilyttämizen kyzymyksis, vastustua histourien viärendämisty da nacizman urholližuttu"[12].

Ven’an Federacien piämies Mihail Mišustin pani merkile, ku erilline merkičys on Kuolematoi polku -liikkehen akcieloil da kulguloil[13].

Vuozipäivyvuvvennu reknaillah kunnostua saldattoin kalmukohtii, niilöin joukos ulgomualgi[14].

Piendy Karjalan tazavallas

Pruazniekkupivot Voiton 80-vuozipäiväkse mendih kaikis Karjalan tazavallan linnois da kylis. Piälinnas Petroskois pruazniekkupäivy algavui Karjalan frontan voinumustomerkin "Muston da kunnivon kävelykujon", Iguzen tulen, Sodakunnivon linnu -mustomerkin luo kukkazien panemizes. Sih otti ozua Karjalan tazavallan piämies Artur Parfenčikov, halličukseh, Zakonoinluajindukerähmöh, paikallizeh haldivoh kuulujat, federuallizien da alovehellizien valduelimien ezittäjät[[15][16]. Jälles oli Voiton paruadu Kirovan lagevol da Kuolematoi polku -akcii. "Kuolemattomua polkua" ei pietty Petroskois vuvves 2022, Voiton 80-vuozipäivänny se keräi suuriman miärän rahvastu — 55 tuhattu hengie otti ozua sih. Ozanottajien joukos oli Suuren Ižänmuallizen voinan veteruanua, Erillizen sodaoperacien ozanottajua, Karjalan tazavallan piämiesgi. Kulguh yhtynyöt astuttih Leninan lagevospäi Karl Marksan prospektua myöte Kirovan lagevossah. Kullun piäs kannettih Karjalan frontan štandartu da 80-metrihine Georgijevskoi lentu[17][18]. Ozanottajien luvun puoles Ven’an Federacien Luodehokrugas Karjalan tazavaldu oli kolmandel sijal, enzimäzel da toizel sijal oldih Piiteri da Kaliningruadu. Piiteris kulguh otti ozua 1,1 miljonua hengie, Kaliningruadas läs 68 tuhattu hengie[19].

Enzimästy kerdua Voiton päivänny Petroskois piettih Kuateriloin paruadu Oniegujärvel[20].

Karjalan tazavallan piämiehen Artur Parfenčikovan kehoitukses Karjalaspäi rodužin olijoile 28 Nevvostoliiton urhomiehile annettih Karjalan kunnivokanzalaine -arvonimi[21][22][23].

Petroskois pruazniekkupäivy loppih konsertah Kirovan lagevol[24], ilotuliloih da Voiton sägehet -tulišouh, kudai oli Sodakunnivon linnu -mustomerkin luo[25].

Kukkien panemine Petroskois
Paruadu Petroskois
"Kuolematoi polku" Petroskois

Karjalan tazavallas 30. syvyskuudu vuvvennu 2025 vie leviesti piettih Karjalan tazavallan piäständypäiviä nacistois da suomelazis valloittajis. Tazavallan kaikis piirilöis oldih Karjalan frontan saldatoile omistetut pruazniekkupivot. Pruazniekkutapahtumat algavuttih Petroskois kukkien panemizes voinumustomerkien luo.

Mustomerkit Suuren Ižänmuallizen voinan Voiton 80-vuozipäiväkse

Ven’an piämiehen käskys perustettih vuozipäivymedali «Vuozien 1941—1945 Suuren Ižänmuallizen voinan Voiton 80-vuozipäivy».

Mustomerkit Voiton 80-vuozipäiväkse

Ven'an piämiehen käskys perustettih vuozipäivymedali «Vuozien 1941—1945 Suuren Ižänmuallizen voinan Voiton 80-vuozipäivy».

Mustoraududengat

9. sulakuudu vuvvennu 2025 Ven'an banku piästi ilmah viizi luaduu raududengua sarjas «Nevvostolazen rahvahan Voiton vuozipäivy vuozien 1941—1945 Suures Ižänmuallizes voinas». Nämmä ollah hobjuraududengat 3 da 100 rubl'ua, kulduraududengat 50 da 10 tuhattu rubl'ua, raududengat ei kallehes metallas — 50 rubl'ua[26].

Maksot Suuren Ižänmuallizen voinan ozanottajile

15. pakkaskuudu vuvvennu 2025 Pobeda-ohjailukomitietan istundon aigah Ven’an piämies Vladimir Putin ilmoitti käskyn allekirjutandas, kudaman mugah kerran 80 tuhattu rubl’ua maksetah kaikile Suuren Ižänmuallizen voinan veteruanoile, heijän leskile da koncluagerilois olluzile alaigäzile. Tagavos ruadajat, blokuadu-Leningruadan eläjät, koncluagerilois olluot, puolistuslaittehien rakendajat da net, ket ruattih ilmupuolistuslaitoksien objektois, meri- da lendotugikohtis, suajah 55 tuhattu rubl’ua Suuren Ižänmuallizen voinan Voiton 80-vuozipäiväkse[27].

Välirauhu

28. sulakuudu vuvvennu 2025 Ven'an piämies Vladimir Putin ilmoitti välirauhan Voiton 80-vuozipäivinny. Ven'an armii azettau bojutoimiloi čuasus 00:00 algajen Moskovan aigua myöte yöl 7. da 8. oraskuudu čuassussah 00:00 yöl 10. da 11. oraskuudu[28].

Kačo ližäkse

Huomavukset

  1. ↑ Правительство утвердило план мероприятий по подготовке и проведению празднования 80-й годовщины Победы в Великой Отечественной войне 1941–1945 годов (рус.). government.ru (18. oraskuudu 2024). Kačondan päivymiäry: 19. kylmykuudu 2024.
  2. ↑ Путин подписал указ о создании оргкомитета по подготовке празднования 80-летия Победы, Ведомости (9 elokuudu 2023). Kačondan päivymiäry: 19. kylmykuudu 2024.
  3. ↑ Указ Президента Российской Федерации от 09.08.2023 № 602 ∙ Официальное опубликование правовых актов (рус.). publication.pravo.gov.ru (9. elokuudu 2023). Kačondan päivymiäry: 19. kylmykuudu 2024.
  4. ↑ Распоряжение от 17 мая 2024 г. № 1174-р. Правительство России (17. oraskuudu 2024).
  5. ↑ В Музее Победы представили логотип 80-летия Победы | Победа РФ | Новость от 19.11.2024, Победа РФ | Новости, история, патриотизм (19 kylmykuudu 2024). Kačondan päivymiäry: 19. kylmykuudu 2024.
  6. ↑ Богдан Герцен. В "Музее Победы" представили логотип празднования 80-летия победы в Великой Отечественной войне, Профиль (19 kylmykuudu 2024). Kačondan päivymiäry: 20. kylmykuudu 2024.
  7. ↑ Ледовые скульптуры, посвященные 80-летию Победы (рус.). AiF (17. pakkaskuudu 2025). Kačondan päivymiäry: 17. pakkaskuudu 2025.
  8. ↑ 80-летие Победы отметят масштабно | Победа РФ | Новость от 19.11.2024, Победа РФ | Новости, история, патриотизм (19 kylmykuudu 2024). Kačondan päivymiäry: 19. kylmykuudu 2024.
  9. ↑ Мероприятия к 80-летию Победы стартуют уже с января | Победа РФ | Новость от 19.11.2024, Победа РФ | Новости, история, патриотизм (19 kylmykuudu 2024). Kačondan päivymiäry: 19. kylmykuudu 2024.
  10. ↑ Кто приедет в Москву на Парад Победы в 2025 году, ВЗГЛЯД.РУ (02.04.2025). Kačondan päivymiäry: 9. sulakuudu 2025.
  11. ↑ На параде Победы в Москве ожидают более 20 глав государств и правительств, Регнум (15.04.2025). Kačondan päivymiäry: 16. sulakuudu 2025.
  12. ↑ Россия продолжит борьбу с фальсификацией истории | Победа РФ | Новость от 18.12.2023, Победа РФ | Новости, история, патриотизм (18 talvikuudu 2023). Kačondan päivymiäry: 19. kylmykuudu 2024.
  13. ↑ Победу над нацизмом отметят с размахом | Победа РФ | Новость от 19.12.2023, Победа РФ | Новости, история, патриотизм (19 talvikuudu 2023). Kačondan päivymiäry: 19. kylmykuudu 2024.
  14. ↑ Правительство утвердило план мероприятий по подготовке и проведению празднования 80-й годовщины Победы в Великой Отечественной войне 1941–1945 годов (рус.). government.ru (8. oraskuudu 2024). Kačondan päivymiäry: 19. kylmykuudu 2024.
  15. ↑ https://rk.karelia.ru/social/zhiteli-karelii-vozlozhili-tsvety-k-voennym-memorialam-v-chest-80-letiya-pobedy/ Жители и власти Карелии возложили цветы к военным мемориалам в честь 80-летия Победы]
  16. ↑ Петрозаводчане почтили память защитников города возле стелы «Го­род воинской славы»
  17. ↑ «Бессмертный полк» в Петрозаводске стал самым масштабным за всю его историю
  18. ↑ Региональный этап Всероссийской акции «Бессмертный полк» в Карелии пройдет в разных форматах
  19. ↑ Карелия вошла в топ-3 регионов СЗФО по числу участников «Бессмертного полка»
  20. ↑ Парад катеров впервые прошел в Петрозаводске в День Победы
  21. ↑ Глава региона предложил присвоить звание «Почетный гражданин Республики Карелия» 28 Героям Советского Союза, уроженцам республики
  22. ↑ Глава Карелии поручил привести в порядок воинские мемориалы
  23. ↑ Уроженцам и жителям Карелии – Героям Советского Союза – присвоены звания Почетных граждан республики (рус.). Официальный интернет-портал Республики Карелия. Kačondan päivymiäry: 22. elokuudu 2026.
  24. ↑ Артур Парфенчиков спел вместе с Эдуардом Хилем главную песню о войне
  25. ↑ День Победы в Карелии: главные события и много фото
  26. ↑ ЦБ выпустит пять памятных монет к 80-летию Победы, РБК (8 sulakuudu 2025). Kačondan päivymiäry: 8. sulakuudu 2025.
  27. ↑ Ветераны Великой Отечественной войны получат по 80 тыс. рублей | Эксперт (рус.). Эксперт. Kačondan päivymiäry: 15. pakkaskuudu 2025.
  28. ↑ Путин объявил перемирие в дни 80-летия Победы, Коммерсантъ (28 sulakuudu 2025). Kačondan päivymiäry: 28. sulakuudu 2025.

Linkat

План основных мероприятий по подготовке и проведению празднования 80-й годовщины Победы в Великой Отечественной войне 1941—1945 годов

Lähteh - "https://olo.ruwiki.ru/w/index.php?title=Suuren_Ižänmuallizen_voinan_Voiton_80-vuozipäivän_piendy&oldid=126360919"