Muailman poštan päivy

On otettu Рувики-späi
Muailman poštan päivy
Ven'an pruazniekan 50-vuozipäiväle omistettu poštumarku
Ven'an pruazniekan 50-vuozipäiväle omistettu poštumarku
Päivymiäry 9. ligakuudu
Логотип РУВИКИ.Медиа Медиафайлы на РУВИКИ.Медиа
Kazahstuanan standartumarku (2003) "Muailman poštan päivy" (Sc #430)

Muailman poštan päivy (toizil Yhtistynnyzien Kanzukundien kielil: angl. World Post Day, aruab. اليوم العالمي للبريد, isp Día mundial del correo, kit. 世界郵政日, fran. Journée mondiale de la poste ) on jogavuodizii kanzoinvälizii pruazniekkoi, kudaman pani alguh Muailman poštan liitto vuvvennu 1969.

Pruazniekkua pietäh Kirjazen nedälin hantuzis 9. ligakuudu. Muailman poštan päivy kuuluu Yhtistynnyzien Kanzukundien Kanzoinvälizien päivien luvetteluh.

Perustandan da piendän histourii

Vuvvennu 1939 XI Muailman poštan kongresal Buenos-Airesas kehoitettih pidiä joga vuottu 9. ligakuudu Muailman poštan päiviä, sendäh ku sinäpiän vuvvennu 1874 perustettih Muailman poštan liitto, ga tämä kehoitus ei tulluh voimah. Piätös Muailman poštan liiton päivän piendäs hyväksyttih XVI Muailman poštan kongresal Tokios (Japounii) vuvvennu 1969. Kanzoinvälizenny pruazniekannu Muailman poštan liiton päiviä enzikerdua piettih vuvvennu 1970. XIX Muailman poštan kongresal Gamburgas vuvvennu 1984 nimi Muailman poštan liiton päivy muutettih Muailman poštan päiväkse.

Enne XIV Muailman poštan kogresal, kudai piettih vuvvennu 1957 Ottavas (Kanuadu), piätettih luadie jogavuodistu Kirjazen nedälii — nedälii, kudamah piädyy 9. ligakuudu, Muailman poštan päivy.

Pruazniekku kuuluu Yhtistynnyzien Kanzukundien muailman da kanzoinvälizih päivih da sen tarkoituksennu on poštan palveluloin popul'arizacii da kehittämine muailmas.

Ven'al Ven'an Federacien piämiehen käskys vuvvennu 1994 pandih alguh vie yksi pruazniekku — Ven'an poštan päivy, kudamua pietäh heinykuun toizennu pyhänpiän.

Muailman poštan päivän hantuzis pietäh erilazii pidoloi. Ezimerkikse, vuvvennu 2005 Kamerunas piettih jalgumiäččykiža poštan ruadajien da CAMTEL -TV:n yhtevyksen keskes[1]. Alalleh sinäpiän pietäh filateliedu koskijoi pidoloi, net tavan mugah ollah omistettu Kirjazen nedälile, — luajitah ozutteluloi, piästetäh ilmah poštumarkoi Muailman poštan päivän kunnivokse, enzimäzen päivän kanvertoi, pannah enzimäzen päivän taidoštampoi da toizii. Vuvvennu 2006 Muailman poštan päivän kunnivokse Arhangelin poštal avattih poštukanvertoin ozuttelu "Kirjazien räččin"[2], Dnestran rannikkoalovehel pandih erillizet taidoštampat korrespondenciele[3], Ukrainal Doneckan alovehel luajittih filateliiozuttelu da ballonnoin da parašuuttupoštan reisut, kudamien aigah joga työtty kanvertu kaunistettih erillizil štampoil da tartuttimil[4].

Vuvvennu 2007 pruazniekkupiän Ven'an poštan alovehellizis ozastolois palkittih Kogo Ven'an poštumarkan kuvien Minä piirustan kirjaimikkuo -kilvan (ven. «Я рисую алфавит») voittajii da laureattoi[5]. Kilbu omistettih Ven'al enzimäzen poštumarkan käytändän 150-vuozipäiväle da Ven'an kielen da Ven'an poštan kehittämizen histourien vuvvele. Kilvan luadijoinnu oldih Ven'an poštu, Kauppujulguamo "Marka" da Ven'an filatelistoin liitto.

Muailman poštan päivän jogavuodizet tiemat

Joga Muailman poštan päivy on omistettu kudualetahto tiemale. Ezimerkikse, vuvvennu 2004 pruazniekan tiemannu oli "Poštupalveluloin kaikkiele leviemine", vuvvennu 2006 — "Muailman poštan verko: jogahizeh da joga linnah nähte".

Huomavukset

  1. ↑ Deutschmann J. 9 October celebrated the world over Arhiivukoupii 11 kezäkuudu 2007 Wayback Machine // Union Postale. — 2005. — Vol. 130. — No. 4. — P. 32—34. (franc.) (angl.) [Статья о праздновании Всемирного дня почты 9 октября 2005 года.] (Kačondan päivymiäry: 6 kylmykuudu 2008)
  2. ↑ «В Архангельской области отметят Всемирный день почты» Arhiivukoupii 11 pakkaskuudu 2012 Wayback Machine — заметка от 9 октября 2006 года на сайте Информационного агентства «Двина-Информ». Arhiivukoupii 11 kezäkuudu 2008 Wayback Machine (Kačondan päivymiäry: 6 kylmykuudu 2008)
  3. ↑ См. описание спецгашения Приднестровья на сайте Информационного агентства «Ольвия-пресс» 2008-05-24 Wayback Machine (от 24 oraskuudu 2008):
    «„Почта Приднестровья“ проводит сегодня специальное гашение корреспонденции, приуроченное к всемирному дню почты» Arhiivukoupii 22 kylmykuudu 2014 Wayback Machine — заметка от 9 октября 2006 года.  (Kačondan päivymiäry: 6 kylmykuudu 2008)
  4. ↑ Сердечная О. Вам аэрописьмо! Arhiivukoupii 21 pakkaskuudu 2012 Wayback Machine // Жизнь. — Донецк, 2006. — № 3126 (148). — 11 октября. (Kačondan päivymiäry: 30 oraskuudu 2008)
  5. ↑ См. информацию об этом, например, на сайтах Информационного агентства «Бел. Ру» Arhiivukoupii 20 pakkaskuudu 2007 Wayback Machine и УФПС Республики Хакасия Arhiivukoupii 16 oraskuudu 2008 Wayback Machine:
    «Сегодня — Всемирный день почты» Arhiivukoupii 7 pakkaskuudu 2012 Wayback Machine — заметка Светланы Мегедь от 9 октября 2007 года. (Kačondan päivymiäry: 6 kylmykuudu 2008)
    «Хакасский филиал Почты России во Всемирный день почты подготовил подарок для любителей филателии» Arhiivukoupii 4 kevätkuudu 2016 Wayback Machine — заметка от 12 октября 2007 года. (Kačondan päivymiäry: 6 kylmykuudu 2008)

Linkat

Проблемы с содержанием статьи
 Параметр text не задан
Lähteh - "https://olo.ruwiki.ru/w/index.php?title=Muailman_poštan_päivy&oldid=126353839"