Ven'an poštan päivy

On otettu Рувики-späi
Ven'an poštan päivy
Cover Russia Day of Russian Post 2001.jpeg
Логотип РУВИКИ.Медиа Медиафайлы на РУВИКИ.Медиа

Ven'an poštan päivy on poštulaitoksien ruadajien ammatilline pruazniekku. Ven'al tädä ammattipruazniekkua pietäh joga vuottu heinykuun toizennu pyhäpäivänny vuvves 1994. Pruazniekkupäivy perustettih Ven'an Federacien piämiehen käskys № 944 16. oraskuudu vuvvennu 1994[1].

Pruazniekan perustandan lähtökohtannu oli Moskovan da Arhangel’skan välizen enzimäzen kodimuanpoštuliinien luajindan 300-vuozipäivy, tämä poštuliinii oli avattu Pedru enzimäzen käskys.

Histourii

Ven'an poštusistieman histouriel on enämbi tuhattu vuottu. Ven’an poštu on vahnimii Jevroupas. Sen toimindan perustehet alustettih IX vuozisuan loppupuolel. XV—XVI vuozisualoil poštustansieloin verko katoi kaiken Ven'anmuan.

XIX vuozisual Ven’al piästettih enzimäzet poštumarkat da kartočkat. Ven’anmua on yksi Muailman poštuliiton perustajis, liitto perustettih vuvvennu 1874. Nevvostoliitos poštu- da sähköyhtevyksen laitokset enzimäi kuuluttih alovehien da tazavaldoin yhtevyshaldivoloih, а myöhembi net siirryttih valdivollizih yhtevys- da informuatiekkulaitoksih.

Merkitty taidokonvertu, Ven'an poštan päivy, (Ven'a, vuozi 2001)

1990 vuozien allus halličuksen piätökses poštulaitokset ruvettih kuulumah omah erillizeh alah. Vuvves 1993 tädä alua johti Ven’an Federacien Yhtevysministerstvan tyveh luajittu Poštulaitoksien Federualline hallindo. Vuvvennu 1995 hallindo muutettih Ven’an Federacien poštulaitoksien Federuallizekse toimistokse, а jo vuvvennu 1996 — Ven’an Federacien Yhtevysministerstvan poštulaitoksien departuamentakse[2][3]. Vuvvennu 1996 Ven’an Federacien Yhtevysministerstvu enzimästy kerdua Ven’an poštan vuozisadoi kestäjäs histouries piätti vällendiä valdivon monopuolii erähih poštupalveluloih, sitgi otettih allun Ven’an kauppupoštulaitokset[4][5].

Vuvvennu 2002 Ven'an poštuymbäristös uvvessah piettih muutanduruadoloi: kai ennepäi ruadajat federuallizet poštulaitokset yhtistettih poštulaitoksien yhtehizeh federuallizeh operuattorah[6]. Federualline valdivolline unituarine Ven’an Poštu -laitos oli perustettu valdivon halličuksen piätökses 5. syvyskuudu vuvvennu 2002. Vuvves 2013 se rubei kuulumah Ven’an Federacien stratiegiellizet laitokset -luvetteluh[7].

Neidine heittäy kirjastu poštujuaššiekkah

Vuvvennu 2019 Federualline valdivolline unituarine Ven’an Poštu -laitos tuaste muutettih, se rodih vuitinomistajien Ven’an Poštu -järjestökse. Sinävuon talvikuus vuitinomistajien Ven’an Poštu -järjestön johtajien kundu hyväksyi kompuanien kehitysstratiegien vuozikse 2020—2030. Tämän stratiegien tarkoituksih kuuluu kansallizen poštuoperuattoran uvvistandu, sen muutandu nygyaigazekse valdivollizekse monitoimindulaitoksekse.

Vuvvennu 2021 Ven’an Federacien piämies Vladimir Putin andoi tehtävän luadie da panna toimimah poštusistieman uvvistanduprogramman. Onlain-palveluloin kyzyndän kazvuh huolimattah poštulaitokset jatketah omua toimindua da iellehgi ollah kävyjien piäpalvelupaikoinnu. "Ven’an Poštu" ližäi uuttu aijallistu palvelukategouriedu, nengomii kui raha-, valdivo- da sociualukategouriet.

Ven’an Federacien digituallizen kehityksen, yhtevyksen da joukkoviestindän ministerstvan tiedoloin mugah, vuvvennu 2022 Federualline valdivolline unituarine Ven’an Poštu -laitos uvvisti da pani kundoh 1195 poštuozastuo. Kus jo ei suannuh pidiä remontoi, nostettih tervähazetettavii poštutaloirakendehii[8].

Pruazniekan piendytavat

Ven'an poštan päivän nimeh pietäh konferensieloi, seminuaroi da harjaitandoi, kudamil šeikkuijah uuzii poštan ruandua koskijoi ruadokačondoi da tehnolougieloi. Sinäpiängi järjestetäh vahnanaigazien poštumarkoin ozutteluloi da toizii kul’tuurupidoloi. Pruazniekan kunnivokse piästetäh keräilendypoštumarkoi da pietäh hyvyönluajinduakcieloi[9].

Ven'an standartanmugazet poštumarkat Ven'an poštu — logotiipanke, vuozi 2015

Mustokanvertat

Vuvvennu 2001 Ven’an Poštu -laitos Ven’an poštan pruazniekkupäivän piendän nimeh piästi merkityn taidokanvertan. Poštumaksun merkin sijale kanvertah pandih nimetöi marku  (ven.) (olo. "А" -kirjaimenke. Moizii taidokanvertoi ruvettih piästämäh ilmah joga vuottu.

Kačo ližiä

Huomavukset

  1. ↑ Указ Arhiivukoupii 1 ligakuudu 2017 Wayback Machine Президента РФ об учреждении "Дня российской почты".
  2. ↑ День почты России. artist.ru. Kačondan päivymiäry: 9. heinykuudu 2024.
  3. ↑ 9 июля — День российской почты. Российская государственная библиотека для слепых. Kačondan päivymiäry: 9. heinykuudu 2024.
  4. ↑ 9 июля — День российской почты. Вольская жизнь (9. heinykuudu 2023). Kačondan päivymiäry: 9. heinykuudu 2024.
  5. ↑ Всемирный день почты. Праздники в России. Kačondan päivymiäry: 9. heinykuudu 2024.
  6. ↑ 9 июля — День российской почты: история праздника и как его отмечают в 2023 году. Известия iz (6. heinykuudu 2023). Kačondan päivymiäry: 9. heinykuudu 2024.
  7. ↑ День российской почты. РИА Новости (9. heinykuudu 2023). Kačondan päivymiäry: 9. heinykuudu 2024.
  8. ↑ Министерство цифрового развития, связи и массовых коммуникаций Российской Федерации. Министерство цифрового развития, связи и массовых коммуникаций Российской Федерации. Kačondan päivymiäry: 9. heinykuudu 2024.
  9. ↑ День российской почты в 2024 году: история и традиции праздника. Комсомольская правда. Kačondan päivymiäry: 9. heinykuudu 2024.

Linkat

Lähteh - "https://olo.ruwiki.ru/w/index.php?title=Ven%27an_poštan_päivy&oldid=126360988"