Keräilijän päivy

On otettu Рувики-späi
Keräilijän päivy
Nevvostoliiton poštumarku "Keräilijän päivy", 1960 (Nevvostoliiton poštukarkoin katalougu [Marka-vuitinomistai yhtistys] № 2424)
Nevvostoliiton poštumarku "Keräilijän päivy", 1960 (Nevvostoliiton poštukarkoin katalougu [Marka-vuitinomistai yhtistys] № 2424)
Pietäh 21. syvyskuudu

Keräilijän päivy on mustopäivy, kudamua piettih Nevvostoliitos 1950-luvun lopus algajen äijät filateliiyhtistykset da muut keräilijöin yhtistykset kui Poštumarkan da keräilijän päiviä ligakuus. Moskovan linnan keräilijöin yhtistykses sidä joga vuottu piettih kui Keräilijän päiviä vuvves 1958 algajen oraskuun lopul. Pruazniekkua pietäh tänäpäigi nygözes Ven'as da toizis mualois.

Keräilijän päivy Nevvostoliitos

Alguhpanemine

Vuvvennu 1957 Moskovan filatelien vuozipäivyozuttelus "Ligakuun 40 vuottu"»[1] enzikerdua piettih Poštumarkan da keräilijän päiviä[2][3].

Jälles Moskovas Moskovan linnan keräilijöin yhtistyksen mustokse vuvvennu 1957 pandih alguh Keräilijän päivy, kudamua joga vuottu piettih Yhtistykses samal aigua.

Enzikerdua Keräilijän päiviä piettih täs 25. oraskuudu vuvvennu 1958. Sih niškoi piästettih ilmah Yhtistyksen erilline filateliikanvertu da erilline taidoštampu. Ruskiekse mualatule erillizele poštuštempelile piirustettih Nevvostoliiton alovehen konturu da kirjutettih sanat: ven. «ДЕНЬ КОЛЛЕКЦИОНЕРА. СССР. МОСКВА. 250558». Kanvertal oldih kirjutukset: 'ven. '«ВСТУПАЙТЕ В ЧЛЕНЫ МОСКОВСКОГО городского общества КОЛЛЕКЦИОНЕРОВ-ФИЛАТЕЛИСТОВ» da ven. «Адрес Общества: Москва, ул. Горького, 12, 5-й этаж. Тел. Б-9-68-31»''.

Moskovan linnan keräilijöin yhtistyksen filateliikanvertu erillizen poštuštempelinke Keräilijän päiväkse (25. oraskuudu 1958)

On olemas sežo puhtahii filateliikanvertoi, kudamih liimattih poštumarkoi da pandih se samaine taidoštampu:

Moskovan linnan keräilijöin yhtistyksen filateliikanvertu erillizen taidoštampanke ven. «День коллекционера» da Nevvostoliiton markanke ven. «Почётный знак лауреат Ленинской премии», 1958 (Nevvostoliiton poštukarkoin katalougu [Marka-vuitinomistai yhtistys] № 2149)

Jällesolii piendy

Vuvvennu 1962 Kalugan Gigant-spičkukombinuattu da vuvvennu 1963 Biiskan spičkufuabriekku luajittih Keräilijän päiväkse kaksi spičkunimilippuloin seeriedy, kudamis ezitettih keräilyn piälajit: filumenii, filatelii, filokartii, ekslibristiekku, numizmuatiekku da bonistiekku[4].

Tietäh, ku vuvvennu 1964 keräilijän päiviä piettih Moskovas 31. oraskuudu Sokol'niki-puustos[5].

  • Спичечная этикетка. СССР.1962.jpg

    Nevvostoliitto (1962): Ekslibristiekale omistettu spičkunimilippu Keräilijän päivy -seeriespäi

  • День коллекционера.30.05.1964.jpg

    Bonistoin sekcii Keräilijän päivänny, 31. oraskuudu vuvvennu 1964.
    Sokol'niki-puusto. Moskovu

Vuvvennu 1967 luajittih erilline taidoštampu Keräilijän päiväkse Arhangelis. Erillizel poštuštempelil, kudaman kuvan piirustajannu oli Н. Наговицин, kirjutettih päivymiäry — 6. elokuudu. Štempeli (mustua värii) luajittih paikan piäl da sih piirustettih muakerän gruadussiverko Nevvostoliiton pohjazen rannikon kartanke, jiänmurendailaivu jiälöis da lendokoneh. Mustotekstas sanottih: ven. «Архангельск — ворота Арктики». Štempelin noumeru katalougan mugah oli "Nevvostoliiton erillizet poštuštempelit" (luadii В. А. Якобс) — 1879. Taidoštampu pandih Arhangelin yhtevyksen laitokses[6].

Nevvostoliitto(1968): Poštumarkan da keräilijän päivy}

Poštumarkan da keräilijän päivy

Vuvvennu 1966 Moskovan linnan keräilijöin yhtistyksen da muan muuloin filateliiyhtistyksien pohjal luajittih Kogo Nevvostoliiton filateliiyhtistys. Sendäh Keräilijän päivy yhtistettih toizen filateliipruazniekanke — Poštumarkan päivänke. Yhtehizen Poštumarkan da keräilijän päiväkse Nevvostoliitos piästettih ilmah mustopoštumarku.

Nuoren poštumarkoinkeriäjän päivy

Nevvostoliiton erähis filateliiyhtistyksis piettih Nuoren poštumarkoinkeriäjän päiviä. Sen pidoloin ezimerkinny voi olla tapahtumu, kudaman piettih Čel'abinskan keräilijät 5. ligakuudu vuvvennu 1958 da painettih kluuban kanvertu kehoitussanoinke "Luadikkua školis keräilijöin kerhot".

Keräilijän päivy Ven'al

Nevvostoliiton hajuondan jälles Keräilijän päiviä uvvessah ruvettih pidämäh Ven'an erähis alovehis. Ezimerkikse, vuvvennu 2001 Kanzoinvälizen kirjazen nedälin aigah, kudai piettih 7.-14. ligakuudu, Jekaterinburgan poštal piettih pidoloi Keräilijän päivän nimeh. Se oli 13. ligakuudu da sinäpiän pandih taidoštampat da luajittih filateliiozuttelu (yhtes alovehellizen filatelistoin yhtistyksenke)[7].

21. syvyskuudu vuvvennu 2016 piettih I Ven'an fouruman keräilijöin kerähmö, kudamas piätettih, ku 21. syvyskuudu on virralline Keräilijän päivy[8].

Keräilijän päivy muaijal

Valgoven'al sežo pietäh Keräilijän päiviä. Syvyskuun 2.—3. päivänny vuvvennu 2005 pidoloi pruazniekan nimeh piettih Volkoviskas. Jälles Keräilijän päivän luadijoinnu oldih tazavallan laitokset ven. «Белпочта» da ven. «Белтелеком», Valgoven'an tazavallan yhtevyksen da informatizacien ministerstvu da Kul'tuuruministerstvu, Valgoven'an filatelistoin liiton Grodnon alovehelline ozasto da toizet paikallizet yhtistykset. Pruazniekan nimeh piettih alovehelline filateliiozuttelu, kudamah tuli gost'ua Pol'šan filatelistoin liitospäi, Litvaspäi da Valgoven'an keräilijöin yhtistyksispäi, sežo ezitettih Beltelekoman telefonkartoin tävvelline kogomus kymmenen vuvven aigah[9].

  • Keräilijän päivy Grodnos, Valgoven'a, 2002
  • Erilline poštuštempeli yhtenaigazen Keräilijän päivän da Grodnon zooparkan 75-vuozipäivän kunnivokse

    Erilline poštuštempeli yhtenaigazen Keräilijän päivän da Grodnon zooparkan 75-vuozipäivän kunnivokse

  • Markiruittu taidokanvertu samazen taidoštampanke

    Markiruittu taidokanvertu samazen taidoštampanke

Slovuakies Bratisluavas pietäh keräilijöin päivii. Vuvvennu 2004 net piettih 4.—5. kezäkuudu, sen nimeh 1. kezäkuudu piästettih ilmah markiruittu taidokanvertu (Pofis № 066 COB 001/04)[10]. Keräilijän päiviä pietäh Ijerusalimas; tieduo sit oli Izrail'an erähäs telefonkartas[11]. Erähis mualois, ezimerkikse, Sal'vadoras, sil oli libo on Filastelistan päivy -nimi. Keräilijöin päivii erähis mualois luajitah paikallizet muzeit, opastuslaitokset, yhtistykset da yksittäzet laitokset da niilöin aigah pietäh pidoloi eri keräilijöih nähte[12].

Huomavukset

  1. ↑ В источнике, приведённом в конце предложения, содержится фактическая ошибка: в 1957 году состоялась выставка «40 лет Октября», а не «50 лет …Октября».
  2. ↑ Юрьева Ю. Пишите письма… // Тверская жизнь. — 2004. — № 187 (25558). — 8 октября. (Kačondan päivymiäry: 1 oraskuudu 2019) Arhiviiruittu 1 oraskuudu 2019 .
  3. ↑ В Šablonu:Sfn0 указана другая дата первого проведения Дня почтовой марки и коллекционера — 1958 год.
  4. ↑ Спичечные этикетки «День коллекционера» на сайте «Pillumania». Arhiivukoupii 16 tuhukuudu 2009 Wayback Machine
  5. ↑ Баранов А. Г. История Московского общества бонистов Arhiivukoupii 8 elokuudu 2010 Wayback Machine // Миниатюра. — 2005. — № 28 (68); Приложение «Бонистика». — № 12. — С.1—4.
  6. ↑ Почтовые штемпели Arhiivukoupii 12 ligakuudu 2008 Wayback Machine на сайте И. В. Капустина «Арктика Антарктика филателия» Arhiivukoupii 21 syvyskuudu 2008 Wayback Machine
  7. ↑ «С 7 по 14 октября проходит Международная неделя письма»// сайт Екатеринбургского почтамта, 4 октября 2001. 2005-02-28 Wayback Machine (от 28 tuhukuudu 2005)
  8. ↑ В Москве прошел Российский форум коллекционеров Arhiivukoupii 17 ligakuudu 2016 Wayback Machine // Лента.ру, 13 октября 2016
  9. ↑ «2—3 сентября 2005 г. РУП „Белтелеком“ примет участие в Дне коллекционера» — заметка от 1 сентября 2005 года на сайте Информационной системы «Телеком — День». Arhiivukoupii 15 syvyskuudu 2008 Wayback Machine
  10. ↑ «Дни коллекционеров в Братиславе 2004» Arhiivukoupii 4 kevätkuudu 2016 Wayback Machine — художественный маркированный конверт Словакии на сайте «HORSE on STAMPS» Arhiivukoupii 2 kezäkuudu 2008 Wayback Machine
  11. ↑ Телефонная карта, оповещающая о Дне коллекционера в Иерусалиме, на сайте «telecard-il.narod.ru» Arhiivukoupii 25 ligakuudu 2008 Wayback Machine
  12. ↑ «Collector’s Day is Sunday at Dundee’s history museum»Šablonu:Dead — заметка о Дне коллекционера в Музее истории Данди (штат Иллинойс, США) от 9 марта 2004 года на сайте «Goliath: Business Knowledge On Demand» 2008-08-26 Wayback Machine (от 26 elokuudu 2008) (angl.)

Kirjalližus

  • День коллекционера // Большой филателистический словарь / Н. И. Владинец, Л. И. Ильичёв, И. Я. Левитас … [и др.]; под общ. ред. Н. И. Владинца и В. А. Якобса. — М. : Радио и связь, 1988. — С. 72. — 40 000 экз. — ISBN 5-256-00175-2. (Kačondan päivymiäry: 10 kevätkuudu 2016) Arhiviiruittu 10 kevätkuudu 2016 .
  • День почтовой марки // Большой филателистический словарь / Н. И. Владинец, Л. И. Ильичёв, И. Я. Левитас … [и др.]; под общ. ред. Н. И. Владинца и В. А. Якобса. — М. : Радио и связь, 1988. — С. 72. — 40 000 экз. — ISBN 5-256-00175-2. (Kačondan päivymiäry: 10 kevätkuudu 2016) Arhiviiruittu 10 kevätkuudu 2016 .
Lähteh - "https://olo.ruwiki.ru/w/index.php?title=Keräilijän_päivy&oldid=126353404"