Pohjolan hoteli
Pohjolan hoteli (4 ) | |
|---|---|
 | |
| Olopaikku |
 Karjal, Petroskoi |
| Adressi | Leninan prospektu, 21 |
| Histourii | |
| Avuandan päivy | 1939, 1948 |
| Arhitektoru | Jurii Rusanov (alguperäine projektu), Kusiel' Gutin (uudehes rakendamine voinan jälles) |
| Statistiekku | |
| Restoruanoin lugumiäry | 1 |
| Hotelipertilöin lugumiäry | 92 |
| Kerroksien lugumiäry | 5 |
| Virralline verkosivusto | severnaya.info |
 Медиафайлы на РУВИКИ.Медиа | |
|
Ven'an Federacien kanzoin |
Pohjolan hoteli (ven. Гостиница «Северная») on Karjalan tazavallan Petroskoin linnan vahnimii hoteliloi. Leninan prospektal olii rakendus on linnan histouriellizen keskučan linnannoston piäkohtii da arhitektuuran mustomerki alovehellizen merkičyksenke.
Histourii
XX vuozisuan allus Petroskoile tulluzih niškoi oli vai pertit pertilomuloineh. Linnan vuvven 1930 perspektiivizen kehitändypluanan mugah virguniekat miärättih kohtan 182-pertihizen hotelin nostamizekse — se oli Leninan prospektan da Engel’san uuličan ristavukses olii kohtu. Uvven hotelin taloin enzimäine projektu oli valmis vuvvennu 1934, 1. kevätkuudu vuvvennu 1939 loppiettih hotelin nostanduruavot[1].
Laitos vastai gos’tii kylmykuussah vuvvennu 1941, kuni se ei mennyh germuanielas-da suomelazien lendokonehien ilmuhyökkävysbombituksih; vuvvekse 1944 hoteli oli hävitetty muapinnan tazazekse. Suuren Ižänmuallizen voinan loppiettuu kezäl vuvvennu 1945 piätettih uudehes nostua Pohjolan hoteli, da kolmen vuvven mendyy endizen rakenduksen alužimele nostettu hoteli tuas vastai kävijöi[1].
Jo XXI vuozisual hotelis avattih linnan enzimäine zualu kerähmölöih da ruadovastavuksih niškoi, sportu- da kundoilukeskus, kaunehussalonu, koufeilu da äijien kuulužien kompuanieloin toimistot avattih hotelikompleksas[2].
Vuvvennu 1997 Ven'an Federacien Valdivollizen rakenduskomitietan johtokunnan piätökses Pohjolan hoteli sanottih parahakse Ven'an muakunduhoteliloin keskes. Vuvvennu 2004 se sai luadutovestehen Ven'an sada parastu tavarua -ohjelman Palvelut-nominacies"[2].
Vuvvennu 2011 linnan hoteli myödih yksittäzele omistajale — biznessumiehele Leonid Belugale (Lotos-holdingu, Petroskoi), sen jälgeh hotelis piettih suuri uvvellehnostamine. Puurakeduslevo kogonah luajittih uudehes, sen vuoh suureni levon ual olii tila (vuišku), enämbi hotelis ei roinnuh pertilöi mugavuksittah, gostien hyväkse olendua st’oklugallereil yhtistettih hotelin "siivet", kunnostettih hotelin piha fontuananke da äijy midä muudugi. Kai nämmä muutokset avvutettih hotelile suaja vuvvennu 2020 4 tähtie -kategourien.
30. oraskuudu vuvvennu 2021 sytyi tulipalo hotelin ylimäzes kerrokses[3]. Tuleh mendih hotelin levo da huonukset, paloalovehen suurus oli 500 nellikkömetrii. Gost’at da hengikundu omal aijal oldih työtty pagoh, hengivahinguo ei olluh.
Arhitektuuru
Pohjolan hotelin alguperäine konstruktivizmu-taijon henges kuvattu rakendus nostettih vuvvennu 1939 arhitektoran Jurii Rusanovan projektan mugah, kudai rakendi Petroskois voinan iellizinny vuozinnu[4]. Häi ezitti ozakkahan projektuidein kahten nellikerroksizen rakenduksen muvvos Leninan prospektua da Engel’san uuliččua pitkizin, kudaman oččuseinän puolipyöryžy keskioza on ristavukseh päi[5].
Germuanielas-suomelazien voiskujoukkoloil valloituksen aigua hotelin rakendus hävitettih läs kogonah. Sen voinanjälgehisty uvvellehnostamistu piettih arhitektoran Kusiel’ Gutinan projektan mugah, kudai luadi merkittäviä muutostu tilavus- da paikkukompozicieh sego oččuseinien stiilin piätökseh. Rakendus nostettih neoklassicizman perindölöin mugah[6]. Ilmekkähimän kuvan luomizekse bokkurakenduksien korgevus vähendettih kolmeh kerroksessah, а oččuseinän puolipyöryžän keskiozan piäle nostettih dekoratiivine seiny (ven. аттик), taloin kaunistus sai klassiillizet muvvot kehitynnyön arhitektuurujärjestyksen da ylimiäräzien valgieloin muovailučomenduksienke, kuduat hyvin tunnutah rustal piälystettylöis seinis ruskienmaksankarvastu muadu[5].
Vardoičus
Vuvvennu 2013 Pohjolan hotelin taloi Karjalan tazavallan piätöksen mugah pandih Ven'an kul’tuuruperindön objektoin yhtehizeh luvetteluh arhitektuuran mustomerkinny alovehellizen merkičyksenke[7].
Huomavukset
- ↑ 1 2 История гостиницы. Гостиница «Северная». Kačondan päivymiäry: 23. syvyskuudu 2025. Arhiviiruittu 26. ligakuudu 2020
- ↑ 1 2 26 марта 1939 г. (70 лет) - В г. Петрозаводске открылась гостиница «Северная» (ныне – МП Гостиница «Северная»). Национальная библиотека Республики Карелия. Kačondan päivymiäry: 23. syvyskuudu 2025. Arhiviiruittu 8. syvyskuudu 2019
- ↑ Карельские огнеборцы «отстояли» от огня гостиницу «Северная». МЧС России Главное управление по Республике Карелия. Kačondan päivymiäry: 23. syvyskuudu 2025. Arhiviiruittu 31. oraskuudu 2021
- ↑ Елена Ициксон. Реквием по кинотеатру «Сампо». Интернет-журнал «Лицей» (1. elokuudu 2011). Kačondan päivymiäry: 23. syvyskuudu 2025. Arhiviiruittu 23. syvyskuudu 2020
- ↑ 1 2 Здание гостиницы "Северная". КУ «Центр по Госохране Объектов Культурного Наследия». Kačondan päivymiäry: 23. syvyskuudu 2025. Arhiviiruittu 24. syvyskuudu 2020
- ↑ Истории о созидателях: кто и как восстанавливал города после Великой Отечественной войны. ТАСС (8. oraskuudu 2020). Kačondan päivymiäry: 23. syvyskuudu 2025. Arhiviiruittu 24. oraskuudu 2020
- ↑ Распоряжение Правительства Республики Карелия от 02.07.2013 № 418р-П. Kačondan päivymiäry: 23. syvyskuudu 2025. Arhiviiruittu 20. heinykuudu 2020