Sampo (fil'mu)
| Sampo | |
|---|---|
| kinofil'mu | |
.jpg) | |
| Žanrat | suarnu |
| Ohjuaju | Alekasandr Lukič Ptuško |
| Prod'usser | Risto Orko |
| Käzikirjutuksen kirjuttajat |
Viktor Vitkovič Grigorii Jagdfel'd Väinö Kaukonen |
| Piäroulilois |
Anna Oročko Ivan Voronov Eve Kivi |
| Operuatorat |
Gennadii Cekavii Viktor Jakušev |
| Säveldäi | Igor' Morozov |
| Kinokompuaniet |
Mosfil'mu Suomi-Filmi |
| Jatkuu |
98 minuuttua Nevvostoliitto, 92 minuuttua Suomi |
| B'udžiettu | 1 miljardu Suomen markois |
| Muat |
 Nevvostoliitto  Suomi |
| Kieli | Ven'an da suomen kielel |
| Vuozi | vuvvennu 1959 |
| IMDb | ID 0053240 |
"Sampo" (ven. «Сампо») on Aleksandr Ptuškon ohjattu Nevvostoliiton da Suomen yhtehizen tuotandon fil'mu. Fil'mu-suarnu luajittih karjal-suomelazeh Kalevala-eeposan pohjal. Se on Nevvostoliiton da kapitalistumualoin yhtehizen kinotuotandon enzimäine fil'mu Toizen muailman voinan jälgeh. Se kuvattih ven’an da suomen kielel. Amierikan Yhtysvallois ozutettavakse fil’mu oli uvvelleh yhtehkerätty da piästetty "The Day the Earth Froze"-nimel (sana sanah kiänetynny "Päivy, konzu Mua kylmi" — ei pie sevoittua vuvven 2008 fantastiekkukinodruamanke "Päivy, konzu Mua azetui", se on korjattu versii samannimizes vuvven 1951 trilleras), da sen ližäkse ozuttelijoin muutettuloil nimilöil — piäroulilois ezittyjien Eve Kiven da Andrisan Ošin’an sijas pandih Nina Andersonan da Džon Paujersan nimet[1].
Juondeh
Iguzen tagojan Ilmoillizen sizären Annikin varrastau paha da vihaine tiedoiniekku Louhi-akku, iguzen vilun pimien Pohjola-muan emändy. Tytön sulhaine da mielespiettävy Lemminkäine yhtes seppy Ilmoillizenke lähtietäh hänele peräh loittozeh Pohjolah. Annikin järilleh kodih suamizekse heile pidäy täyttiä ounahan Louhen moni ehtuo. Yksi niilöis — taguo Sampo-čuudomelliččy[2].
Roulilois
- Urho Somersalmi — Väinämöine;
- Anna Oročko — vahnu akku Luohi;
- Ivan Voronov — seppy Ilmoilline;
- Andris Išin’ — Lemminkäine;
- Ada Voicik — Lemminkäzen muamo;
- Eve Kivi — Annikki;
- Georgii Mil'l'ar — tiedoiniekku;
- Viktor Ural’skii — tiedoiniekku;
- Mihail Trojanovskii — ennustai;
- Valentin Brilejev — Louhen abulaine;
- Lennart Laurmaa — epizoudu;
- Aleksandr Mačeret — epizoudu;
- Toivo Romppainen — epizoudu (lopputekstah on pandu Т. Rompainen);
- Darja Karpova — ei ole lopputekstas;
- Kuuno Sevander — epizoudu (ei ole lopputekstas)[3].
.jpg)
Kuvavusjoukko
- Ohjuaju: Aleksandr Ptuško[2];
- Käzikirjutuksen kirjuttajat: Väinö Kaukonen, Viktor Vitkovič, Grigorii Jagdfel’d;
- Operuattorat: Gennadii Cekavii, Viktor Jakušev;
- Säveldäi: Igor’ Morozov;
- Taidoilii: Lev Mil’čin;
- Sobien taidoilii: Ritva Karpio (1922—2011)[4];
- Lavastai: Aleksandr Makarov.
Kuvavukset
Fil’mu kuvattih kerras kahtel kielel (ven’an da suomen) — "kahtel kuameral". Joga oza kuvattih enzimäi yhtel kielel, sit toizel. Suomenkielizien ozien kuvates kai novvostolazet ozuttelijat paistih suomekse da vastukavai. Joga kieliversii (suomen da ven’an) kuvattih kahtes leveikuva- da kogoekruanumuvvos.
Kevätkuus vuvvennu 2014 piettih toine, rajoitettu kino-ozutus kogonah kundoh pannuos da endizelleh kunnostetus suomelazes leveikuvaversies.
Oraskuus vuvvennu 2014 fil’man suomenkieline leveikuvaversii enzikerdua piästettih DVD:l.
Erot eeposas
- Kinofil’mas Louhi tapetah, toizin kui Kalevalas. Häi kylmiäy jiäh, sen jälgeh Lemminkäine halguau hänen kahtekse.
Huomavukset
- ↑ «Сампо»: первый фильм, который СССР снял совместно с капстраной (рус.). Kačondan päivymiäry: 21. talvikuudu 2025.
- ↑ 1 2 Александр Птушко – режиссёр славяно-финского кинофэнтези (рус.). Kačondan päivymiäry: 21. talvikuudu 2025.
- ↑ Кино. "Сампо" Александра Птушко (рус.). Kačondan päivymiäry: 21. talvikuudu 2025.
- ↑ Древнекарельские костюмы, финский минимализм и русская красочность в фильме-сказке "Сампо" (1959) (рус.). Kačondan päivymiäry: 21. talvikuudu 2025.