Santa-Klaus

Santa-Klaus
angl. Santa Claus
Santa-Klaus
Sugupuoli	mies
Toimindu	lahjoittau lahjoi Rastavakse
Akku	akku Missis Santa-Klaus
Lapset	Santa Claus' daughter[d]
Toizis kul'tuurois	Father Christmas[d], Pakkasukko, Sinterklaas[d] da Q6850261?
Медиафайлы на РУВИКИ.Медиа

Santa-Klaus (angl. Santa Claus) on Rastavan died'oi, kudamua liitetäh Čuvvonluadijan Miikulan obrazah, Päivänlasku-Jevroupan da Pohjas-Amierikan tiedoiniekku folklourupersonuažu, kudai Rastavakse lahjoittau lapsile lahjoi.

Ei ole yhtehisty mieldy Santa-Klausan roindumuah nähte: ollougo se Lappi vai Muanpohjaine n'ba.

Santa-Klausan roindu

Herky Santa-Klaus. 1889

Santa-Klausan ezikuvannu (Santa — "pyhä", Клаус — "Miikul") on yhteishristianskoi pyhä Čuvvonluadii Miikul libo Mirlikiiskoi Miikul, Likiiskoin mieroloin jepiskoupp (270 mail — 345 mail). Pyhän eloskerran mugah pyhä Miikul yöl lykkäi kukkaron dengoinke köyhän linnalazen taloih, kudamal oli kolme tytärdy da ei olluh dengua priduanoikse, häi sit piätti myvvä yhten tytön bordelih, ku suas sit andua miehele toizii (lapsiel tiettäväine saneltih vaiku peittolahjas köyhän tytön pruaduanoikse). Päivänlasku-Jevroupas rodih tarin, ku Pyhä Miikul lykkäi kukkaron avvopäčin trubah da se pakui sukkazeh, kudaman pandih kuivah avvopäčin ies. Alguudah myöte 6. talvikuudu Pyhän Miikulan päivänny kirikkökalenduaran mugah Jevroupan mualois oli tavannu lahjoittua lapsile lahjoi hänen nimes, niilöi pandih yöl sukkazih. Ga uvvistuksien aigah, konzu ei kannatettu pyhien kunnivoičendua, Germuanies da rinnalolijois mualois lahjoi jagajannu personuažakse rodih Hristossu-lapsi da lahjoin juandupäivy siirrettih 6. päiväs 24. päiväkse talvikuudu, Rastavan jarmankoin aijakse. Vastuuvvsituksien aigah lahjoi lapsile uvvessah ruvettih andamah lahjoi Pyhän Miikulan nimes, ga se jo tapahtui talvikuun lopus, Rastavakse. Ga erähis Jevroupan mualois vie novvetah aigazembii perindölöi. Niderlandois, kus Pyhiä Miikulua sanotah Sintaklaas, lapset voijah suaja lahjoi hänen nimes 5. talvikuudu dai Rastavannu.

Gollandien valduajien hyvyös, kuduat perustettih vuozinnu Uuzi Amsterdam -eländykohtu, kudamas nygöi rodih Njy-Jorku, Pyhän Miikulan personua4u puutui Pohjas-Amierikan manderele. Ga anglilazet pirituanat, kuduat eloitettih Pohjas-Amieriekkua silloi, Rastavua ei pietty.

Santa-Klausan kodi

Santa-Klausan kois ollah eländyhuonukset da ruadopaja, kus häi valmistau puaksumbah el'foin avul libo toizien kummallizien personuažoin avul lahjoi, kudamii häi suattau hyvile lapsile Rastavakse.

Santa-Klausan perindöt

Monis jevroupan mualois pietäh perindänny sidä, ku Santa-Klaus tulou kodih truvan kauti.

Santa-Klausan ajonevvot

On tavannu pidiä Santa-Klausua pedroin val'l'ahis ajelijannu.

Ližiä tieduo

• Santa-Klausan roindupäiviä pietäh 6. talvikuudu.
• 27. syvyskuudu vuvvennu 1937 Amierikan Al'bion-linnas avavui enzimäine Santa-Klaussoin opastuksen škola.
• Vuvvennu 1912 Amierikan Yhtysvaldoin poštu enzikerdua kehoitti palvelun "Kirjaine Santa-Klausale". Samanmoizet poštupalvelut ollah toizis mualoisgi

Kačo ližäkse

• Pakkasukko
• Joulupukki
• Pakkaine
• Talviukko

Huomavukset

Kommentuariet

Lähtehet

Kirjalližus

• Ви­но­гра­до­ва Л. Н. Мо­роз // Славянские древности. М., 2004. Т. 3;
• Ива­но­ва-Бу­чат­ская Ю. В. Не­мец­кое Ро­ж­де­ст­во: тра­ди­ци­он­ные ком­по­нен­ты, пред­ме­ты и сим­во­лы в кол­лек­ци­ях и ар­хив­ных ма­те­риа­лах МАЭ // Куль­тур­ное на­сле­дие на­ро­дов Ев­ро­пы. СПб., 2011.
• Санта-Клаус : [арх. 29 talvikuudu 2022] // Румыния — Сен-Жан-де-Люз [Электронный ресурс]. — 2015. — (Большая российская энциклопедия : [в 35 т.] / гл. ред.  ; 2004—2017, т. 29). — ISBN 978-5-85270-366-8.

Linkat

• Как в Coca Cola придумали Санта Клауса и сделали его частью мировой культуры  (неопр.). Arhiviiruittu originualaspäi 24. talvikuudu 2015
• Кто такой Святой Николай, и как он превратился в Санта-Клауса. Празднование Рождества и Нового года в разных странах мира  (неопр.). — Трансформация: от Святого Николая к Санта-Клаусу. История образа Санты в рисунках. Kačondan päivymiäry: 8. pakkaskuudu 2013.