Talviukko
| Talviukko | |
|---|---|
 | |
| Karjalan suarnalline talvitiedoiniekku | |
| Mifolougii | Karjalan nygyaigaine mifolougii |
| Aloveh | Karjalan tazavaldu, Ven'a |
| Sugupuoli | mies |
| Tunnustamine | Pakkasukko |
Talviukko on suarnalline talvitiedoiniekku, ven'alazen Pakkasukon vastineh[1].
Talviukon muatilat ollah Karjalan tazavallan Priäžän piirin Čalnan kyläs, 20 kilometrin piäs Petroskoispäi[2]. Talviukol on oma lumineičoi — Lumikki[3].
Histourii
Talviukko on muailman Pakkasukkolois nuorimii personuažoi[4]. Häi on roinnuhes talvel. Tarinan mugah kaksi koirua Kutte da Mytte löyttih händy talvimečäs. Kyläläine pereh kazvatti brihaččuu kui omua poigua. Se kazvoi lujannu da vouse ei varannuh viluu, sendäh händy ruvettih sanomah talvine. Jälles kazvahuu rodih jo Talviukokse.
Talviukko vie lapsennu ajeli korbimeččii myöte, puutui sinne, kunne oli jygei puuttuo. Rahvas sendäh kyzyttih händy vedämäh lahjoi loittozih korbikylih, kunne ei voidu piästä iče. Sit aijas lähtijen pietähgi Karjalas tädä miesty paikallizennu Pakkasukonnu[5].
Talviukon roindupäiviä pietäh talvikuun puolivälis. Täkse päiviä varustetah erilazii pruazniekkuohjelmii, pietäh kižoi, tansiloi, fleš-moboi[6][7].
Ulgonägö
Talviukol on tiähtilöinke ruskei turki piäl, nahkahine šuapku piäs, ruskiet alazet käis da ruskiet suappuat jallas. Käis häi pidäy keppii. Talviukol on pitky harmai pardu da usat.
Talviukko suattau uvvenvuvven lahjoi koiran val'l'ahis[8].
Rezidencii
Ymbäri vuvven ruadai Talviukon rezidencii on 20 kilometrin piäs Petroskoispäi Čalnan kyläs. Yhtes talviukonke eläy karjalaine lumineičoi Lumikki[5].
Rezidencies on Talviukon kodi, Lumikin dvorču, koirien elättihuonus, pohjazien pedroin fermu, saamelaine kylä[1][5]. Čuajupertis voibi juvva heinyčuajuu karjalazien piirualoinke[9], Talviukon muatilas — ajella koirien da pedroin val'l'ahis. Gostih niškoi pietäh erilazii ohjelmii. Rezidencies on syöndyperti, koufeilu da mustolahjoin luakku[1][5].
Huomavukset
- ↑ 1 2 3 Вотчина карельского Деда Мороза. Официальный сайт
- ↑ Вотчина карельского Деда Мороза Талвиукко. Как проехать
- ↑ Карельский Дед Мороз Талвиукко отметит день рождения
- ↑ 1 канал. Талви Укко делает нарты, а Лумики — снег
- ↑ 1 2 3 4 Легендарная Карелия. Вотчина карельского Деда Мороза Талвиукко
- ↑ День рождения карельского деда мороза Талвиукко
- ↑ День рождения Талвиукко
- ↑ У Талви Укко появилась своя снегурочка - Лумикки
- ↑ Вотчина карельского Деда Мороза Талвиукко. Чайный дом