Sreiten'n'u

On otettu Рувики-späi
Sreiten'n'u
Sretenie.jpg
Tiippu Hristossah uskon pruazniekku
Pandih alguh sen mustopäivän kunnivokse, konzu vahnembat tuodih oman Iisus Hristos-lapsen Ierusaliman kirikköh
Päivymiäry pravosluavii — 15. tuhukuudu
katolicizmu — 2. tuhukuudu
Liittyy Rastavah
Логотип РУВИКИ.Медиа Медиафайлы на РУВИКИ.Медиа

Sreiten'n'u (ven. Сре́тение Госпо́дне, griek. συνάντησις "vastavus"[1]), ven. Принесе́ние во Храм (griek. Ἡ Ὑπαπαντὴ τοῦ Κυρίου, lat. Praesentatio Domini "Jumalan ezittelendy") on Hristossah uskon pruazniekku, kudamua pietäh histouriellizis kirikkölöis da protestantoin erähis kirikkökunnis[2]. Se on omistettu jevangelien tapahtuman mustole, kudaman mugah Iisus Hristos-yskyniekku tuvvah Ierusaliman kirikköh 40:ndel päiväl jällel Rastavua Toran miärävön mugah, kudai koskou kaikkien enzimäzien brihaččulapsien jiäksindiä Ižändäle.

Pravosluavies tämä pruazniekku kuuluu kahtentostu suuren pruazniekan joukkoh. Sreiten'n'ua pietäh 15. tuhukuudu libo 2. tuhukuudu, se rippuu sit, mittumua kirikkökalenduarua myö eläy tietty kundu libo paikalline kirikkö. Katolicizmas Sreiten'n'ua pietäh 2. tuhukuudu grigorianskoin kalenduaran mugah, Armienien apostolukirikös — 14. tuhukuudu.

Jevangelien juondeh

Jevangelien Lukan 2:22-39 mugah, Iosif da Marija tuodih nellikymmen päiviä vahnan Iisus-lapsen Ierusaliman kirikköh da zakonanmugazii vuadimuksii täyttäjen keräl tuodih köyhien lahjat — "kaksi meččykyyhköidy da kaksi kyyhköin poigastu" (Jevangelii Lukan mugah  (ven.) (olo. 2:24 mugah; vrd.: Levit-kniigan 12:8 mugah). Muga täytyi miärävö enzimäzien brihaččulapsien jiäksindäs Izändäle.

Slavjuanoil pruazniekan nimi "sreiten'n'u" (vastavus) viittuau Pyhän perehen vastavukseh kirikös oigieheläjän da Julalua varuajan Simeonke, kudai otti lapsen Ižändän työtykse Messiekse (Piästäjäkse). Simeon virkoi sanat, kudamii nygöi ristittyzet käytetäh malitunnu "Nygöi piästät"[3]

Kaikenvaldaine, nygöi sina annat omale käskyläzele lähtie rauhas, muga kui uskaldit, minun silmät nähtih Piästäjän, kudaman sinä annoit kaikile rahvahile, valgiedu, kudai nouzou muailman rahvahile da tuou kunnivuo sinun Izrail’an rahvahile.

— Лк. 2:29—32

Iisusan tuattah Iosif da muamah Marija diivittihes sidä, midä oli sanottu lapseh nähte. Simeon kiändyi Marijan puoleh da virkoi ennustuksen:

Simeon blahoslovi heidy da sanoi Marijale, lapsen muamale: Tälle lapsele on lepitty tulla muaimah, gu äijät Izrail’as langettas da äijät nostas, händy on luajittu Jumalan tiähtekse, kudamah nähte kiistetäh, dai sinun sydämes läbi, Marija, menyö miekku, — nenga tullah nägevih äijien sydämih peitetyt mielet.

— Лк. 2:34—35

Nämmä sanat roittih Jumaldoman Pahoin sydämien pehmendämine -obrazan pohjakse[4].

Naispuoline Jumalan iänenkandai Annagi vastai sie Iisusan, sen jälgeh häi rubei ylistämäh Jumalua da sanelemah tuliedu välläle piäzendiä.

Kirikköperindötiijon mugah Simeon on yksi "seiččemeskymmenes kahtes"  (ven.) (olo. kiändäjäs, ket kiännettih Pyhiä Kniigua grecien kieleh Ptolemei II:n Filadel’fan aigua; sit perindötiijosgi on sanottu Simeonan ebäilykses Messien roindan neičyös ennustukseh nähte sego Pyhän Hengen kohtinazih sanoih nähte, gu surmu ei ota händy enne, kuni häi ei nähne Ižändan työttyy Piästäjiä.

  • Duččo. «Sreiten'n'u». «Maesta», oza, vuozinnu 1308—1311. Opera-del'-Duomon muzei, Sienu
    Duččo. «Sreiten'n'u». «Maesta», oza, vuozinnu 1308—1311. Opera-del'-Duomon muzei, Sienu
  • Sreiten'n'u. Rogir van der Veiden

    Sreiten'n'u. Rogir van der Veiden

Kerdomuksen algusanois jevangelistu merkiččou sen dielon, gu neičyt Marija da Iosif uskovazinnu iudeiloinnu olles tarkah täytetäh Moisein zakonanmugazii lapsen roindan vuadimuksii. Moizen tieman nostandu merkiččou, gu uuttu piäzendiä koskijua ilmoitustu ei varusteltu Vahnan testamentan kieldämizel, ga uskolližuol endisty zakonua kohti (vrd.: Jevangelii Matfein 5:17 mugah). Yhtelaigua kerdomukses ezile on nostettu alistumizen tiemu: Jumalan Muamo, kudai ylittäy zakonan hänel roindua myöte olijal puhtahuol, pokoittamattah hyväksyy Hänen miärävön da sil ozuttau jumalahuskojile alistumizen mallin[5]. Omas puoles Hristos — Zakonoinluadii — täyttäy "zakonan mugah" sen, mi ylittäy zakonua, da säilyttäjen hengen vällytty ei hylgiä tarkua palveluu[6].

Kolmekerdaine "zakon" sanan käyttö kerdomuksen algurunolois da sit sen merkičykselline vastustus Pyhän Hengen tiemale keskiozas (kudamas Hengi-sanua muanitah sežo kolme kerdua) voibi sellittiä ielpäi ajateltukse kompoziciikeinokse, kudai on tarkoitettu merkiččemäh siirdämisty "zakonan aigukavves" "hyväntahtožuon aigukaudeh"[7]. Iče sanelemine Sreiten'n'as on rakendettu rinnakkai toizen tarinanke sit samazes Jevangeliespäi — ymbärileikkundas, nimen panendas da lapsen tuomizes pyhän Ioann Ristijän kirikköh (Jevangelii Lukan 1:59-80 mugah).

Jumalan vastahotettu Simeon da Jumalan iänenkandai Anna (oigiel puolel)

Pruazniekan sluužban piendy

Pruazniekan perustamine

Sreiten'n'an pruazniekku rodih Ierusalimas da tuli tämän linnan Hristossah uskon kirikkösluužbien kalenduarah IV vuozisual. Enziagjal se merkičči nellikymmen päiviä kestänyön sluužbusarjan loppuu Jumalan Jiävindän pruazniekan jälgeh, kudamannu musteltih Rastavan da Vieristän jevangeliitapahtumii[8].

Vahnin histourielline tovestus pruazniekas on "Egerien pyhilekävyndy ", kudamua aijoitetah IV vuozisual.

Nellättykymmenetty päiviä Epifanies (Sreiten'n'ua) pietäh tiä suurel kunnivol. Sinäpiän pietäh kulguloi Anastasikseh (Pyhän Ruuhen kirikkö), da kaikin astutah, da kai ruatah järjestyksen mugah suuren ilonke, rounogu Äijänpäivänny. Kai papit lugietah uskonopin nevvoloi, jepiskoppu alalleh tolkuiččou sidä kohtua Jevangelies, kus nelländennykymmenendenny päivänny Iosif da Marija tuodih Iisusan kirikköh, kus Simeon da Jumalan iänenkandai Anna, Fanuilan tytär, nähtih Händy, da heijän sanois, kudamat hyö sanottih Jumalan nähtyy, daigi lahjois, kudamat tuodih keräl hänen vahnembat. Da sen jälgeh kai menöy tavallizen järjestyksen mugah, pietäh Liturgiisluužbu da sen loppiettuu kaikkii blahoslovitah.

Pyrgimys levendiä Iisus Hristosan muallizen eloksen tapahtumien ylistämisty kirikkösluužbil lähti kehittymäh Halkidonan kirikkölöin ylehizen kerähmön  (ven.) (olo. jälgeh vuvvennu 451. Riiman kirikös Marijan puhtastuspruazniekkua ruvettih pruaznuiččemah V vuozisuan loppupuolel, а Konstantinopol’an Sreiten'n'an kirikös — VI vuozisuan enzimäzel puoliškol[8].

Pravosluavii

Ven'an pravoslavnois kirikös voimas olijan Ierusaliman ustuavan mugah Sreiten'n'u kuuluu kahtentostu suuren Iisusale omistetun pruazniekan joukkoh[9], yhtelläh sil on minto verran Jumaldoman pruazniekoile luondehellistu ominažuttu. Sreiten'n'an piendäh kuuluu yksi päivy "enne pruazniekkua" da seiččie päiviä "pruazniekan jällel"[10].

Menologion of Basil 037.jpg

Ehtysluužbal lugietah Vahnan testamentan kolme premiedu: enzimäzeh kuuluu erilastu ozua testamentan viijes enzimäzes kniigaspäi, kuduat on omistettu enzimäzien lapsien lunnastusjärjestyksele (Ishod-kniigas 12:51— 13:3, 11-12, 14-16, 22-29; Levit-kniigas 12:2- 4, 6-8; Čisel-kniigas 8:14-18), toine — Isaijas 6:1-12 da kolmas — Isaijas 19:1, 3-5, 12, 16, 19-21 Jegiptas. Sreiten'n'an merkittävih gimnugruafizih tevoksih kuuluu Kosma Majumskoile kuulunuh kanonu da myöhembät toistosanat "ven. Богородице Дево, упование христианом" -kanonan yheksäh pajoh, arvaten net konzulienne oldih iččenäzenny pruazniekkupajonnu. Pruazniekan stihirat kuulutah Ioann Damaskinale, Andrei Kritskoile da toizile vähembäl tundiettuloile gimnoin kirjuttajile. Liturgiel pajatetah kuvailuantifonua, sanotah piäruno, pajatetah pruazniekan troparii da kondakkua. Biblien lugemizet: Viesti jevrielöile 7:7-17, Jevangelii Lukan 2:22-40 mugah[10].

L’vovan kirikkölöin ylehizen kerähmön jälgeh (1946), konzu Ven'an pravoslavnoin kirikköh liityi suuri miäry endizii griekkalaskatolizii kirikkökundii, käyttöh tuli latinan alguperiä olluh Sreiten'n'an tuohuksien blahoslovindutaba[10].

Kirikköpruazniekan piäpajot
Kirikköslavjuanoin kielel (tarkukirjutus) Ven'an kielel Grecien kielel[11]
Tropar', glas 1[12] Радуйся, Благодатная Богородице Дево, из Тебе бо возсия Солнце Правды — Христос, Бог наш, просвещаяй сущия во тьме. Веселися и ты, старче праведный, приемый во объятия Свободителя душ наших, дарующаго нам воскресение. Радуйся, благодатная Богородица Дева, ибо из Тебя воссияло Солнце правды, Христос Бог наш, просвещающий находящихся во тьме. Веселись и ты, старец праведный, принявший во объятия Освободителя душ наших, дарующего нам воскресение. Χαῖρε κεχαριτωμένη Θεοτόκε Παρθένε· ἐκ σοῦ γὰρ ἀνέτειλεν ὁ Ἥλιος τῆς δικαιοσύνης, Χριστὸς ὁ Θεὸς ἡμῶν, φωτίζων τοὺς ἐν σκότει. Εὐφραίνου καὶ σὺ Πρεσβύτα δίκαιε, δεξάμενος ἐν ἀγκάλαις τὸν ἐλευθερωτὴν τῶν ψυχῶν ἡμῶν, χαριζόμενος ἡμῖν καὶ τὴν Ἀνάστασιν.
Kondak, glas 1[12] Утробу Девичу освятивый Рождеством Твоим и руце Симеоне благословивый, якоже подобаше, предварив, и ныне спасл еси нас, Христе Боже, но умири во бранех жительство и укрепи люди, ихже возлюбил еси, Едине Человеколюбче. Утробу Девичью освятивший Рождением Твоим, и руки Симеона благословивший, заранее, как надлежало, и ныне Ты спас нас, Христе Боже. Но огради миром среди войн народ Твой и укрепи тех, кого Ты возлюбил, Единый Человеколюбец. Ὁ μήτραν παρθενικὴν ἁγιάσας τῷ τόκῳ σου, καὶ χεῖρας τοῦ Συμεὼν εὐλογήσας ὡς ἔπρεπε, προφθάσας καὶ νῦν ἔσωσας ἡμᾶς Χριστὲ ὁ Θεός. Ἀλλ' εἰρήνευσον ἐν πολέμοις τὸ πολίτευμα, καὶ κραταίωσον Βασιλεῖς οὓς ἠγάπησας, ὁ μόνος φιλάνθρωπος.
Zadostoinik Припев: Богородице Дево, упование христианом, покрый, соблюди и спаси на Тя уповающих.

Ирмос 9 песни, глас 3.

В законе сени и писаний образ видим, вернии, всяк мужеский пол, ложесна разверзая, свят Богу. Тем Перворожденное Слово, Отца Безначальна, Сына, Первородящася Материю неискусомужно, величаем.

Припев: Богородица Дева, надежда христиан, покрой, сохрани и спаси надеющихся на Тебя.

Ирмос 9 песни, глас 3.

В тени Закона и Писаний образ видим, верные: всякое существо мужского пола, разверзающее утробу матери, посвящено Богу. Поэтому Перворожденное Слово безначального Отца, Сына, перворождаемого не знавшей мужа Матерью, мы величаем.

Припев: <...>

Ирмос 9-й песни канона: Ἐν νόμῳ, σκιᾷ καὶ γράμματι, τύπον κατίδωμεν οἱ πιστοί, πᾶν ἄρσεν τὸ τὴν μήτραν διανοῖγον, ἅγιον Θεῷ· διὸ πρωτότοκον Λόγον, Πατρὸς ἀνάρχου Υἱόν, πρωτοτοκούμενον Μητρί, ἀπειράνδρῳ, μεγαλύνομεν.

Ol'l'otandu Величаем Тя, Живодавче Христе, и чтем Пречистую Матерь Твою, Еюже по закону ныне принеслся еси в храм Господень. Славим Тебя, Податель жизни, Христос, и чтим Пречистую Твою Матерь, Которой Ты по закону сегодня был принесён в Божий храм. <…>

Gu Sreiten'n'u piädynöy Suuren pyhän enzimäzen nedälin enzimässargeh, mi olettelou harvah, pruazniekkukirikkösluužbu ustuavan mugah siirretäh iellizele päiväle — 1. tuhukuudu, kudai on Prosken’n’upäivy.

Katolicizmu

Katolizes kirikös Sreiten'n'al (lat. Praesentatio Domini, toizin Jumalan ezittelendy kirikös) on pruazniekan stuatussu (festum), se on alembi, migu verrata "suureh pruazniekkah"; sidä pietäh 2. tuhukuudu. Enne Pavel VI:n uvvistuksii XX vuozisuan puolivälil pruazniekal oli nimi Marijan puhtastus. Rahvahan annettu nimi: "tuohuksien päivy", sendäh gu sinäpiän VI vuozisualpäi peräzen tavan mugah järjestetäh kulgu tuohuksienke da tuohuksien sv’atindupido[13][10].

Pappiloin liturgiisovat Sreiten'n'u-pruazniekannu ollah valgiet, kuigi toizinnu Piästäjäle da Jumaldomale omistettuloinnu pruazniekkupäivinny.

Sreiten'n'annu liturgiisluužbua vaste sv’atitäh tuohuksii da pietäh tuohuskulguu. Tuohuksien blahoslovindu alguau sit, gu kai sluužbale tulluzet antifonua pajatandan aigua viritetäh tuohukset. Pappi avavussanoin jälgeh astuu kirikkyö myö da brizguttau malittuloi panijoi tuohukset käzis sv’atinviel. Sen jälgeh pappigi ottau hänekse varustetun tuohuksen da alguau ristukierron  (ven.) (olo. sanoine: "Läkkiä rauhanke Jumalale vastah". Ristukierron aigua pajatetah Simeonan pajuo. Kierron loppiettuu uskovazet mennäh järilleh kirikköh da seizatutah omile sijoile, sammutetah tuohukset, da sluužbu jatkuu endizeh tabah[14].

Obrazoin kuvailemistaido

Hristossah uskon aigazen kavven taijos Sreiten'n'u-kohtu on ezitetty Santa-Marija-Madžore -voittoveriän mozuajikas Riimas (432—440), kudamas se kuuluu Iisus Hristosan lapsusaigu -sarjah da liittyy Marijan kunnivoiččemizen lujittamizeh Jumaldomannu. Piähengilölöin (Marija yskyniekanke, Iosif, Simeon, Ennustai Anna) ližäkse kuvatah anhelii, pappiloi altarilluo da kyyhköipuarua lahjoittamizekse[15].

IX vuozisuan puolivälis Sreiten'n'an obrazois puaksumbah ollah Hristossu Simeonan sebäiltävänny libo se kohtu, konzu Marija andau lapsen Simeonale, da samal on korrostettu kuvan liturgiimerkičus lunnastettavannu žertvannu. XI—XII vuozisualoil Sreiten'n'u kuuluu kahtentostu suuren pruazniekan sarjah (Osios-Lukas, Nea-Moni, Dafni). Serbien alguperiä olii ebäsimmetrine kuvakompozicii, kudamas on kuvattu vastavus kirikön kynnyksellyö, levii muinasven’alastu taiduo myö, XVI—XVII vuozisuan loppupuolel juondeh kazvoi lainattuloil tarkukohtil Četji-Minei -kogomukses da pajoloispäi. XII vuozisuas lähtijen Päivänlasku-Jevroupan perindöh syväh juurdui tuohuskulgu-motiivu, pruazniekkukohtua puaksuh kuvatah gotiekan puortualuvestokuvan muvvosgi[15].

Huomavukset

  1. ↑ Дьяченко Г. М. Полный церковнославянский словарь. — 1899. — С. 655.
  2. ↑ Ezimerkikse, l’uteranskois kirikös.
  3. ↑ «Ныне отпущаеши». Православная энциклопедия. Kačondan päivymiäry: 11. tuhukuudu 2026.
  4. ↑ Икона Божьей Матери Умягчение злых сердец, Православный Церковный календарь. Kačondan päivymiäry: 11. tuhukuudu 2026.
  5. ↑ Bede the Venerable. Homilies on the Gospels. Book One: Advent to Lent (angl.). — USA: Gorgias Press, 2010. — P. 179–180.
  6. ↑ Исихий Иерусалимский. Две проповеди на Праздник Сретения Господня святого Исихия Иерусалимского // Восток Свыше (духовный, литературно-исторический журнал). — Ташкент, 2019. — Вып. 50, № 2. — С. 62–73.
  7. ↑ Bovon, François. A Commentary on the Gospel of Luke 1:1–9:50 // Luke (angl.). — Minneapolis, 2002. — Vol. 1. — P. 96–107.
  8. ↑ 1 2 Рубан Ю. И.. Сретение Господне. (Опыт историко-литургического исследования). — СПб., 1994. Arhiivukoupii 26 tuhukuudu 2011 Wayback Machine
  9. ↑ Лукашевич А. А. Господские праздники // Православная энциклопедия. — М., 2006. — Т. XII : «Гомельская и Жлобинская епархия — Григорий Пакуриан». — С. 173—178. — 752 с. — 39 000 экз. — ISBN 5-89572-017-X.
  10. ↑ 1 2 3 4 Петров А.Е., Желтов М., иер., Квливидзе Н. В. Сретение Господне // Православная энциклопедия. — Т. 65. — С. 643—656.
  11. ↑ Τῌ Β' ΤΟΥ ΑΥΤΟΥ ΜΗΝΟΣ ΦΕΒΡΟΥΑΡΙΟΥ Ἡ Ὑπαπαντὴ τοῦ Κυρίου, καὶ Θεοῦ καὶ Σωτῆρος ἡμῶν Ἰησοῦ Χριστοῦ (рус.). azbyka.ru. Kačondan päivymiäry: 13. tuhukuudu 2026.
  12. ↑ 1 2 Православный календарь. Февраль, день 2. (рус.). Православие.ru. Kačondan päivymiäry: 13. tuhukuudu 2026.
  13. ↑ Праздники Римско-католической церкви. Kačondan päivymiäry: 11. tuhukuudu 2026. Arhiviiruittu 12. oraskuudu 2012
  14. ↑ 2 феавраля. Литургическая Тетрадка (рус.). claret.ru. Kačondan päivymiäry: 11. tuhukuudu 2026.
  15. ↑ 1 2 Сретение господне • Большая российская энциклопедия. old.bigenc.ru. Kačondan päivymiäry: 11. tuhukuudu 2026.

Kirjalližus

Linkat

Lähteh - "https://olo.ruwiki.ru/w/index.php?title=Sreiten%27n%27u&oldid=126360937"