Umbinaine paviljon minerualuvezinouzeman piäl (Dvorču)
| Nähtävys | |
| Umbinaine paviljon minerualuvezinouzeman piäl | |
|---|---|
 | |
| 62°09′20″ с. ш. 33°54′15″ в. д.GЯO | |
| Mua | |
| Sijoittumine | Dvorču |
| Projektan luadii | P. Sazonov |
| Perustandan päivymiäry | 1892 |
| Rakendamine | 1892—1894 |
| Stuatussu |
 ОКН № 1010006003 |
 |
|
 Медиафайлы на РУВИКИ.Медиа | |
|
Ven'an Federacien kanzoin |
Umbinaine paviljon minerualuvezinouzeman piäl (ven. Закрытый павильон над источником минеральных вод) on ei suuri laiteh (pieni arhitektuurumuodo), kudai nostettih toizen minerualuvezinouzeman piäl Ven'an enzimäzes Dvorčan tervehyönhoidalas. XXI vuozisuan allukse säilynyh paviljon nostettih vuozinnu 1892—1894 P. Sazonovan projektan mugah. Se on Ven'an kul'tuuruperindön objektannu[1] da kuuluu Dvorčan muzein ozutteluloih[2].
Kuvailu
Toizen minerualuvezinouzeman piäl vuozinnu 1892—1894 P. Sazonovan projektan mugah nostettu paviljon on yksikerroksine puuhine kohtikulmikkomuodoine (3,70 × 3,67 m) umbinaine paviljon. Kaksipuoline metallulevo on azetettu levolavvoile. Seinät on azuttu laudazis pystyoigieloin laudupaččahien välih. Gorizontualline sivellys jagau seinii kolmeh ozah: sokkelin, piä- da reunuozah. Reunuoza on čomendettu vestettylöil laudazil. Levon al olii puoli on čomendettu monitazozil vestettylöil reunulaudazil da figuurahizil kronšteinoil. Paviljonan bokkuseinis ollah kaksipuolizet ikkunat, kudamat yläpuoles ollah kolmekulmumuodozet. Piäoččuseinäs on laudaine veräi, ikkun veriän piäl, kudai yläpuoles on kolmekulmumuodoine, da puaru piduliččoi ikkunoi monist’oklahizien kehyksienke bokis veriäspäi[3].
Histourii
Tostu minerualuvezinouzemua enzikerdua mainitah vuvvennu 1891. Tämän kaivon laittehes, kudai luajittih vuozinnu 1890 yksittyzes alguhpanos, tietäh vai sen, ku se oli kehittymätöi[4].
Anuksen gubernuattoru G. Grigorjev Aleksandru II:n uvvistuksien aigah piätti algua ruavon turistoin houkuttelemizekse Karjalah. Anuksen gubernien suurien kniäzilöin tulendua vaste pidi luadie laiteh toizen paviljonan piäl. Alguudah myöte huavattih luadie kaksikerroksine paviljon kivialustal toizen st'oklahizen kerroksenke. Ga nostandupaikan tutkittuu projektan luadii P. Sazonov piätti luadie kebjien da huogehemban puuhizen paviljonan. Se nostettih vuozinnu 1892—1893, а vuvvennu 1894 luajittih ruadulevo[5][3].
Nevvostoliiton aigah uvvessah rodih kiinnostus Ven'an enzimäzeh tervehyönhoidolah. Vuvvennu 1946 perustettih Dvorčan muzei-zapovedniekku, а vuvvennu 1964 avattih Dvorčan tervehyönhoidolu. Tervehyönhoidolas minerualuvezii suajah uvvessah nostetun juondugallerein kauti, a vahnoin paviljonoin kaivoloi ei käytetty da niilöi sit salvattih lattieloin azundal. Umbinaine paviljon on Ven'an enzimäzen tervehyönhoidolan Dvorčan muzein ozutettavannu[2][4].
Karjalan tazavallan kul’tuuruministerstvan käskys № 291 3. talvikuudu vuvvennu 1997 umbinaine paviljon minerualuvezinouzeman piäl sanottih arhitektuuran mustomerkikse[6].
.jpg)
XXI vuozisuan allus rakendus oli ylen pahas kunnos, sit vuvvennu 2008 se riičittih restauracieh niškoi. Kohendettih alustu. Erähien laittehien da ozien restauracii meni Sordavalas ООО Restavracija-laitokses. Sendäh ku ei olluh varua, restauraciiruavot azetettih vuvvennu 2009. Niilöih uvvessah ottavuttih vuvvennu 2015 da 2016 restauriiruittu paviljon uvvessah kerättih kohendetule alustale omas histouriellizes kohtas[4][7].
Huomavukset
- ↑ Приказ Министерства культуры Республики Карелия № 291 от 03.12.1997.
- ↑ 1 2 Мулло, 1984, с. 49—53.
- ↑ 1 2 Паспорт 1010006003, 1991.
- ↑ 1 2 3 Реставрация павильонов в Марциальных Водах, 2015.
- ↑ Капуста, 2019, с. 102.
- ↑ Список объектов культурного наследия и выявленных объектов культурного наследия, находящихся на территории Кондопожского муниципального района (рус.). ГКУ Республики Карелия «Республиканский центр по государственной охране объектов культурного наследия». Kačondan päivymiäry: 22. elokuudu 2026.
- ↑ К 100-летию Республики Карелия // ГКУ Республики Карелия «Республиканский центр по государственной охране объектов культурного наследия». — 2021. — 25 марта.
Kirjalližus
- Мулло И. М. Памятники истории и культуры Карелии. — Петрозаводск : Карелия, 1984. — 240 с.
- Паспорт памятника истории и культуры СССР. Первый российский курорт «Марциальные воды», где бывал Пётр I. Павильон над источником минеральных вод / составитель В. Г. Копнин. — Петрозаводск, 1991. — 11 с.
- Реставрация павильонов в Марциальных Водах // ГКУ Республики Карелия «Республиканский центр по государственной охране объектов культурного наследия». — 2015. — 30 июля.
- Капуста Л. И. Первый российский курорт Марциальные воды. — Петрозаводск : Periodika, 2019. — 127 с. — ISBN 978-5-88170-347-9.