Uspen'n'an kirikkö (Kondupohju)

On otettu Рувики-späi
pravosluavine kirikkö
Pyhän Jumaldoman Uspen'n'an kirikkö
Kirikkö vuvvennu 1989
Kirikkö vuvvennu 1989
62°10′32″ с. ш. 34°17′12″ в. д.GЯO
Mua Ven'a
Linnu Kondupohju
Konfessii Ven'an pravosluavine kirikkö
Jeparhii Petroskoin da Karjalan jeparhii
Тип здания kupolukirikkö; kaheksikko nelliköl
Perustandan päivymiäry 1774
Rakendamine 1774
Salbuandan päivymiäry 2018
Stuatussu Логотип конкурса «Вики любит памятники» ОКН № 1010013000№ 1010013000
Materjualu puuaines
Tila elävytettävänny
=
Логотип РУВИКИ.Медиа Медиафайлы на РУВИКИ.Медиа

Герб России

Ven'an Federacien kanzoin
kul'tuuruperindön objektat
№ 101410187740006

Pyhän Jumaldoman Uspen'n'an kirikkö (ven. Храм Успе́ния Пресвято́й Богоро́дицы, Успе́нская церковь) on palanuh pravosluavine kirikkö Karjalan tazavallan Kondupohjan linnas, Oniegantagavuon puuhizen arhitektuuran mustomerki, kul'tuuruperindön objektu federuallizen merkičyksenke. Paloi elokuul vuvvennu 2018[1].

Oli linnan histouriellizes kohtas (endine Kondupohjan kylä), Oniegujärven Kondupohjan lahten rannal, Čupan lahteh työndyjäl niemel.

2020-luvul allettih palanuon kirikön elävytändy. Kevätkuul vuvvennu 2025 valmehennu oli kolme jarussii.

Histourii

Uspen'n'an kirikös sen histouriellizes paikas enzikerdua mainitah vuvvennu 1563. Jälgimäine — nelläs puuhine kirikkö nostettih vuvvennu 1774 — jo puuhizen arhitektuuran loppukavvennu. Kuuluu paikallizeh Onieganrannikon kupoluarhitektuuran školah, kudaman ominažuksinnu ollah frontonuvyö kaheksikol  (ven.) (olo. da keskistolpan ylähpäi leviemine[2].

Kondupohjan prihodas, Petrovskoi-Povenčan poštutraktal on puuhine Jumaldoman Usepen’n’an kirikkö, sit on yksi kupolu, se on nostettu vuvvennu 1774. Altarin piäl on piduličču levo, kirikönpordahien piäl — levon kaksi rinnehty. Piäzy kirikönpordahih on kahtes puoles — pohjazespäi da suvespäi, krinčois on 18 porrastu. Niilöin piduhus on 12 sylii, levevys — 5 sylii, altari on 11/2 sylii. ЦГИА, ф.789. оп.7. д.8[3].

Uspen'n'an kirikkö da kellojallat XX vuozisuan allus

Vuvven 1918 pakkaskuun 23. päivän dekrietän mugah "Kirikön eroitandas valdivospäi" da vuvven 1920 Oigevustiijon rahvahan komissuariatan da muzeiloin azieloin ozaston nevvoloin mugah kai kirikön omažus siirdyi Opastuksen rahvahan komissuariatan muzeiloin azieloin, taijon da muinažuon mustomerkilöin suojelun ozaston hantuzih.

Elokuul vuvvennu 1926 kirikkyö kačoi Oniegan tutkimusmatkukundu I. E. Grabar’an johtol, sih yhtyi arhitektoru P. D. Baranovskii, restauroiččii G. O. Čirikov  (ven.) (olo., N. N. Pomerancev da fotokuvuaju A. V. L’adov.

Vuvvennu 1930 Uspen’n’an kirikös loppiettihes sluužbat. Jälgimäine ižä Ioann L’adinskoi ammuttih vuvvennu 1937. Kezäl vuvvennu 1960 Ven’an federatiivizen socialistizen nevvostotazavallan Ministroin Nevvoston käskys kirikkö rodih valdivon suojeltavannu. Se oli Kondupohjan kodialovehmuzein ozastonnu. 2000-luvul pravosluavizien pruazniekkoin aigah kirikös piettih sluužbii enimyölleh kezän aigua[4].

Arhitektuuru

Ulgopuoli

On puuhine kupolukirikkö. Piärakendehinnu ollah kaksi kaheksikkuo povalanke, on azetettu nellikkölöile, on altarin kohtikulmikkomuodozen ližäsalvoksenke da kahten rippujan krinčanke.

Kirikön korgevus on 42 metrii, se oli Karjalan korgevin puuhine rakendus. Kupolan da bašn’an salvoksen, kahten kaheksikon da nellikön sego nellikön korgevus da sen levevys oldih välis 1:2[5].

Tämänverdastu puuhistu kirikkyö ei ole olemas, hos ei ole sit perinpohjaziigi eroloi niilöis. Ainavoluaduine da ainavo, se kirikkö on rahvahan puuhizen arhitektuuran "joučenpajonnu", kudai pajatettih moizel väil, kudaman jälles joga iäni ozuttahes heikombakse da väittömembäkse.

— akadiemiekku, arhitektuuran douhturi A. V. Opolovnikov[2]

Kirikkyö ei nostettu uvvessah, ga restauriiruittih vuvvennu 1927, 1950- 1999-luvul.

  • Kirikkö vuvvennu 2007

    Kirikkö vuvvennu 2007

  • Yhtehine nägö

    Yhtehine nägö

  • Церковь Успения Пресвятой Богородицы - Кондопога.jpg
  • Kirikkö talvel. Järvespäi kačotunnu

    Kirikkö talvel. Järvespäi kačotunnu

  • Kupolu kirikön oččuseinäs

    Kupolu kirikön oččuseinäs

  • Kirikön pordahat

    Kirikön pordahat

  • Ristu liäkärin kalmal

    Ristu liäkärin kalmal

Syväinpuoli

Tulipalossah vuvvennu 2018 kirikös säilyi ikonostuassu barokon stiilin mugah da obrazulagi taivas  (ven.) (olo.. Kondupohjan Uspen’n’an kirikkö on Jumalan liturgien kompozicien ainavo malli toimijas kirikös. Taivahan keskikohtas on Hristosan Suuren Arhijerein obrazu. Hristosas ymbäri, keskirengahan kehykses, da 16 sivul, ollah heruvimat serafimoinke da anhelit djakonan ruutis liturgiiatribuutanke käzis, net liikutah kruugua myöte päivänlaskus päivännouzuh.

  • Taivahan liturgii

    Taivahan liturgii

  • Hristossu Suuri Arhijerei. Taivahan keskimedaljonu
    Hristossu Suuri Arhijerei. Taivahan keskimedaljonu
  • Anheli
    Anheli
  • Kulmusivu purjeh jevangelistan Metfein kuvanke
    Kulmusivu purjeh jevangelistan Metfein kuvanke
  • M25A3286.jpg
  • Altari

    Altari

  • Ikonostuasan oza

    Ikonostuasan oza

Kavonnuot rakendukset

Uspen’n’an kirikön rinnal oli vie kaksi puuhistu huonustu, kudamat hävittih nevvostoaijannu, — Jumaldoman rodivundan talvikirikkö (1857) da kupolukellojallat (XVIII vuozisada)[6].

Uspen’n’an kirikkö, kellojallat da Jumaldoman rodivundan talvikirikkö XX vuozisuan allus

Vuozinnu 1829—1831 Uspen'n'an kirikön rinnal uskovazien varoih nostettih puuhizet kellojallat, a vuvvennu 1857 — talvikirikkö Jumaldoman rodivundan nimeh. Kellojallat riičittih vuvvennu 1930, a talvikirikkö — 1960-luvul.

Palanuon kirikön kohtu

10. elokuudu vuvvennu 2018 Uspen’n’an kirikkö paloi kogonah[7], sit jiädih vaiku puuhizet kuadumizet. Smietitäh, ku kirikkö poltettih[8]. Yhtes puuhizen arhitektuuran mustomerkinke tulipalos hävittih kai obrazat, niilöin joukos oli ylen kallistugi[8]. Huavatah elävyttiä mustomerki, sen restauracii oli lähivuozien pluanois, sih niškoi varustettih kai tarvittavat arhiivutiijot da piirrokset[9]. Vuvven 2020 oraskuun tiedoloin mugah valmistettih palanuon kirikön elävytysmakiettu, sen hyväksyttih puuhizen arhitektuuran mustomerkilöin da ulgoilmuzuzeiloin säilytändän ammattimiehet da pozitiivizisti arvosti valdivolline histourii- da kult’tuuran azientiedäjien kundu[10].

Uspen'n'an kirikön elävytändy

Tuhukuul vuvvennu 2025 elävytysruadoloih ottavunnuh laitos loppi tulien salvoksen kolme jarussii, net oldih valmehinnu histouriellizeh kohtah viettäväkse.

Kirikkyö elävytetäh Ven’an Federacien Kul’tuuran kehitys -valdivollizen ohjelman hantuzis. Ruadoloih ottavunnuonnu on Moskovan ven. ФГУП «Центральные научно-реставрационные проектные мастерские». Tämä laitos ennepäi valmisti projektan, segi rubieu vastuamah tiijollizes ohjuandas da tarkastamah luajittuloi ruadoloi. Tehniellizes valvondas on ven. ФГУП «Центральные научно-реставрационные проектные мастерские»-laitoksen restauraciiruadoloin departuamentu. Ruadoloih iččenäh sobimuksen mugah on ottavunuh ven. ООО «Интехстрой» Vladimiraspäi.

Jatkuu varoin keriändy Pohjaine hengelline taival -hyvyönluadijan fondan avul (ven. «Северный духовный путь») Uspen’n’an kirikön ikonostuasan tulipalos hävinnyzien obrazoin elävyttämizekse. Vuvven 2025 kevätkuukse Pravosluavizen Pyhän Tihonan gumanituarizen yliopiston Kirikkötaidoloin tiedokunnan Taidopajan ammattimiehet luajittih Dejisusan  (ven.) (olo. da pruazniekkuriävyn obrazat[11].

Kriminualudielo Uspen’n’an kirikön hävittämizes

Karjalan tazavallan tutkindokomitiettu otti ruattavakse kriminualudielon Ven’an Federacien kanzoin kul’tuuruperindön objektoin yhtehizeh valdivollizeh luvetteluh kuulujan Pyhän Jumaldoman Uspen'n'an kirikön hävittämizes 10. elokuudu vuvvennu 2018, se pandih rattahile Ven’an Federacien Kriminualukoudeksan 1. ozan 243. pygälän mugah (kul’tuuruperindön objektan hävittämine)[12].

Tutkindon mugah Uspen’n’an kirikön polti 15-vuodine keskikazvuine. Händy pandih Karjalan tazavallan Syväinazieloin ministerstvan alaigäzien pahanluadijoin väliaigazen olendan keskukseh. Hänen psiihisty tervehytty tutkitah[13].

Kondupohjan linnan suudo 24. kezäkuudu vuvvennu 2019 hyväksyi azetuksen, kudaman mugah alaigäine piästettih kriminualuvastuolližuos pahas ruavos, kudamas sanotah Ven’an Federacien Kriminualukoudeksan 2. ozan 167. pygäläs (nareko vierahan omažuon hävittämine poltajes), da händy pakoitetah lieččimähes psihiatrizes liečindylaitokses stacionuaruololois[14].

Pappilisto

  • Kirikön ižändy — protojirei Lev Bol’šakov;
  • Pappi Sergei Sobolev;
  • Pappi Aleksei Šeikin;
  • Diakon Artur Arsentjev[15].

Huomavukset

  1. ↑ Огонь полностью уничтожил Успенскую церковь XVIII века в Карелии. Интерфакс (10. elokuudu 2018). Kačondan päivymiäry: 9. syvyskuudu 2025.
  2. ↑ 1 2 Престольный праздник кондопожской Успенской церкви. eparhia.karelia.ru. Kačondan päivymiäry: 9. syvyskuudu 2025.
  3. ↑ Кондопога. История Успенской церкви. web.archive.org (5. heinykuudu 2009). Kačondan päivymiäry: 9. syvyskuudu 2025.
  4. ↑ Возрождение традиции. Информационный портал Петрозаводской и Карельской епархии. Kačondan päivymiäry: 9. syvyskuudu 2025. Arhiviiruittu originualaspäi 28. kevätkuudu 2009
  5. ↑ Церковь Успения Пресвятой Богородицы в г. Кондопога. Kačondan päivymiäry: 9. syvyskuudu 2025. Arhiviiruittu originualaspäi 6. elokuudu 2008
  6. ↑ С.М. Прокудин-Горский. Кондопога. ps-spb2008.narod.ru. Kačondan päivymiäry: 9. syvyskuudu 2025.
  7. ↑ Деревянная церковь XVIII века сгорела в Кондопоге, Республика (10 elokuudu 2018). Kačondan päivymiäry: 9. syvyskuudu 2025.
  8. ↑ 1 2 Пожар полностью уничтожил старинную церковь в Кондопоге — удручающие кадры последствий (ven.), Пятый канал. Kačondan päivymiäry: 9. syvyskuudu 2025.
  9. ↑ Пожар уничтожил церковь XVIII века в Карелии. РБК (10. elokuudu 2018). Kačondan päivymiäry: 9. syvyskuudu 2025.
  10. ↑ Проект сгоревшей Успенской церкви в Карелии прошел историко-культурную экспертизу. ТАСС (25. oraskuudu 2020). Kačondan päivymiäry: 9. syvyskuudu 2025.
  11. ↑ Работы по восстановлению кондопожской Успенской церкви продолжаются, КарелИнформ (5 kevätkuudu 2025). Kačondan päivymiäry: 9. syvyskuudu 2025.
  12. ↑ В Карелии расследуется уголовное дело по факту уничтожения объекта культурного наследия (рус.). Следственное управление следственного комитета Российской Федерации по Республике Карелия. karelia.sledcom.ru (10. elokuudu 2018). Kačondan päivymiäry: 9. syvyskuudu 2025.
  13. ↑ В Республике Карелия установлен несовершеннолетний, подозреваемый в поджоге церкви (рус.). Следственное управление следственного комитета Российской Федерации по Республике Карелия. karelia.sledcom.ru (13. elokuudu 2018). Kačondan päivymiäry: 9. syvyskuudu 2025.
  14. ↑ Суд в Карелии вынес приговор поджигателю Успенской церкви (рус.). stolicaonego.ru. Kačondan päivymiäry: 9. syvyskuudu 2025.
  15. ↑ Духовенство. ikonipisnaja.orthodox.ru. Kačondan päivymiäry: 9. syvyskuudu 2025.

Linkat

Lähteh - "https://olo.ruwiki.ru/w/index.php?title=Uspen%27n%27an_kirikkö_(Kondupohju)&oldid=126361801"